ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ
ཨ་བྷི་དྷཱ་ན་པྤ་དཱི་པི་ཀཱ
བུ་དྡྷ་པྤ་ཎཱ་མོ
༡. ཏ་ཐཱ་ག་ཏོ ཡོ ཀ་རུ་ཎཱ་ཀ་རོ ཀ་རོ,
པ་ཡཱ་ཏ’མོ་ས་ཛྫ སུ་ཁ་པྤ་དཾ པ་དཾ;
ཨ་ཀཱ པ་ར་ཏྠཾ ཀ་ལི་ས་མྦྷ་ཝེ བྷ་ཝེ,
ན་མཱ་མི ཏཾ ཀེ་ཝ་ལ་དུ་ཀྐ་རཾ ཀ་རཾ.
དྷ་མྨ་པྤ་ཎཱ་མོ
༢. ཨ་པཱུ་ཛ་ཡུཾ ཡཾ མུ་ནི་ཀུ་ཉྫ་རཱ ཛ་རཱ,
རུ་ཛཱ་དི་མུ་ཏྟཱ ཡ་ཧི་མུ་ཏྟ་རེ ཏ་རེ;
ཋི་ཏཱ ཏི་ཝ་ཊྚ་མྦུ་ནི་དྷིཾ ན་རཱ་ན་རཱ,
ཏ་རིཾ་སུ ཏཾ དྷ་མྨ་མ་གྷ་པྤ་ཧཾ པ་ཧཾ.
ས་ངྒྷ་པྤ་ཎཱ་མོ
༣. ག་ཏཾ མུ་ནི་ནྡོ’ར་ས་སཱུ་ནུ་ཏཾ ནུ་ཏཾ,
སུ་པུ་ཉྙ་ཁེ་ཏྟཾ བྷུ་ཝ་ནེ སུ་ཏཾ སུ་ཏཾ;
ག་ཎ་མྤི པཱ་ཎཱི་ཀ་ཏ་སཾ་ཝ་རཾ ཝ་རཾ,
ས་དཱ གུ་ཎོ་གྷེ་ན ནི་ར་ནྟ་ར’ནྟ་རཾ.
པ་ཊི་ཉྙཱ
༤. ནཱ་མ་ལི་ངྒེ་སུ ཀོ་ས་ལླ, མ་ཏྠ་ནི་ཙྪ་ཡ་ཀཱ་ར་ཎཾ;
ཡ་ཏོ མ་ཧ་བྦ་ལཾ བུ་དྡྷ, ཝ་ཙ་ནེ པཱ་ཊ་ཝ་ཏྠི་ནཾ.
༥. ནཱ་མ་ལི་ངྒཱ་ནྱ’ཏོ བུ་དྡྷ, བྷཱ་སི་ཏ་སྶཱ’ར་ཧཱ་ནྱ’ཧཾ;
ད་སྶ་ཡ་ནྟོ པ་ཀཱ་སེ་སྶ, མ་བྷི་དྷཱ་ན་པྤ་དཱི་པི་ཀཾ.
པ་རི་བྷཱ་སཱ
༦. བྷི་ཡྻོ རཱུ་པ་ནྟ་རཱ སཱ་ཧ, ཙ་རི་ཡེ་ན ཙ ཀ་ཏྠ་ཙི;
ཀྭ་ཙཱ’ ཧ་ཙྩ་ཝི་དྷཱ་ནེ་ན ཉེ་ཡྻཾ ཐཱི་པུ་ནྣ་པུཾ་ས་ཀཾ.
༧. ཨ་བྷི་ནྣ་ལི་ངྒཱ་ནཾ་ཡེ་ཝ, དྭ་ནྡོ ཙ, ལི་ངྒ་ཝཱ་ཙ་ཀཱ;
གཱ་ཐཱ་པཱ་ད་ནྟ་མ་ཛ྄ཛྷ་ཊྛཱ, པུ་བྦཾ ཡ་ནྟྱ་པ་རེ པ་རཾ.
༨. པུ་མི་ཏྠི་ཡཾ པ་དཾ དྭཱི་སུ, ས་བྦ་ལི་ངྒེ ཙ ཏཱི་སྭིཏི;
ཨ་བྷི་དྷཱ་ན་ནྟ་རཱ་ར་མྦྷེ, ཉེ་ཡྻཾ ཏྭ’ནྟ མ་ཐཱདི ཙ.
༩. བྷི་ཡྻོ པ་ཡོ་ག མཱ་ག་མྨ, སོ་ག་ཏེ ཨཱ་ག་མེ ཀྭ་ཙི;
ནི་གྷ་ཎྜུ ཡུ་ཏྟི ཉྩཱ་ནཱི་ཡ, ནཱ་མ་ལི་ངྒཾ ཀ་ཐཱི་ཡ་ཏཱི་ཏི.
༡. ས་གྒ་ཀ་ཎྜ
༡. བུ་དྡྷོ ད་ས་བ་ལོ ས་ཏྠཱ, ས་བྦ་ཉྙཱུ དྭི་པ་དུ་ཏྟ་མོ;
མུ་ནི་ནྡོ བྷ་ག་ཝཱ ནཱ་ཐོ, ཙ་ཀྑུ་མ’ངྒཱི་ར་སོ མུ་ནི.
༢. ལོ་ཀ་ནཱ་ཐོ’ ན་དྷི་ཝ་རོ, མ་ཧེ་སི ཙ ཝི་ནཱ་ཡ་ཀོ;
ས་མ་ནྟ་ཙ་ཀྑུ སུ་ག་ཏོ, བྷཱུ་རི་པ་ཉྙོ ཙ མཱ་ར་ཛི.
༣. ན་ར་སཱི་ཧོ ན་ར་ཝ་རོ, དྷ་མྨ་རཱ་ཛཱ མ་ཧཱ་མུ་ནི;
དེ་ཝ་དེ་ཝོ ལོ་ཀ་ག་རུ, དྷ་མྨ་སྶཱ་མཱི ཏ་ཐཱ་ག་ཏོ.
༤. ས་ཡ་མྦྷཱུ ས་མྨཱ་ས་མྦུ་དྡྷོ, ཝ་ར་པ་ཉྙོ ཙ ནཱ་ཡ་ཀོ;
ཛི་ནོ, ས་ཀྐོ ཏུ སི་དྡྷ་ཏྠོ, སུ་དྡྷོ་ད་ནི ཙ གོ་ཏ་མོ.
༥. ས་ཀྱ་སཱི་ཧོ ཏ་ཐཱ ས་ཀྱ, མུ་ནི ཙཱ་དི་ཙྩ་བ་ནྡྷུ ཙ;
༦. མོ་ཀྑོ ནི་རོ་དྷོ ནི་བྦཱ་ནཾ, དཱི་པོ ཏ་ཎྷ་ཀྑ་ཡོ པ་རཾ;
ཏཱ་ཎཾ ལེ་ཎ མ་རཱུ་པ་ཉྩ, ས་ནྟཾ ས་ཙྩ མ་ནཱ་ལ་ཡཾ.
༧. ཨ་ས་ངྑ་ཏཾ སི་ཝ མ་མ་ཏཾ སུ་དུ་དྡ་སཾ,
པ་རཱ་ཡ་ཎཾ ས་ར་ཎ མ་ནཱི་ཏི་ཀཾ ཏ་ཐཱ;
ཨ་ནཱ་ས་ཝཾ དྷུ་ཝ མ་ནི་ད་སྶ་ནཱ’ ཀ་ཏཱ,
པ་ལོ་ཀི་ཏཾ ནི་པུ་ཎ མ་ན་ནྟ མ་ཀྑ་རཾ.
༨. དུ་ཀྑ་ཀྑ་ཡོ བྱཱ་བ་ཛ྄ཛྷ་ཉྩ [བྱཱ་པ་ཛྫཾ (ཊཱི་ཀཱ)], ཝི་ཝ་ཊྚཾ ཁེ་མ ཀེ་ཝ་ལཾ;
ཨ་པ་ཝ་གྒོ ཝི་རཱ་གོ ཙ, པ་ཎཱི་ཏ མ་ཙྩུ་ཏཾ པ་དཾ.
༩. ཡོ་ག་ཀྑེ་མོ པཱ་ར མ་པི, མུ་ཏྟི ས་ནྟི ཝི་སུ་དྡྷི་ཡོ;
ཝི་མུ་ཏྱ’ ས་ངྑ་ཏ་དྷཱ་ཏུ, སུ་དྡྷི ནི་བྦུ་ཏི་ཡོ སི་ཡུཾ.
༡༠. ཁཱི་ཎཱ་ས་ཝོ ཏྭ’སེ་ཀྑོ ཙ, ཝཱི་ཏ་རཱ་གོ ཏ་ཐཱ’ ར་ཧཱ;
དེ་ཝ་ལོ་ཀོ དི་ཝོ ས་གྒོ [ནཱ་ཀོ (སཱི.)],
ཏི་དི་ཝོ ཏི་ད་སཱ་ལ་ཡོ.
༡༡. ཏི་ད་སཱ ཏྭ’མ་རཱ དེ་ཝཱ, ཝི་བུ་དྷཱ ཙ སུ་དྷཱ་སི་ནོ;
སུ་རཱ མ་རཱུ དི་ཝོ་ཀཱ ཙཱ, མ་ཏ་པཱ ས་གྒ་ཝཱ་སི་ནོ.
༡༢. ནི་ཛྫ་རཱ’ ནི་མི་སཱ དི་བྦཱ, ཨ་པུ་མེ དེ་ཝ་ཏཱ་ནི ཙ [དེ་ཝ་ཏཱ ཨེ་ཝ དེ་ཝ་ཏཱ་ནི, ས་ཀ་ཏྠེ ནི་པ་ཙྩ་ཡོ (ཊཱི་ཀཱ)];
༡༣. སི་དྡྷོ བྷཱུ་ཏོ ཙ ག་ནྡྷ་བྦོ, གུ་ཡ྄ཧ་ཀོ ཡ་ཀྑ ར་ཀྑ་སཱ;
ཀུ་མྦྷ་ཎྜོ ཙ པི་སཱ་ཙཱ’དཱི, ནི་དྡི་ཊྛཱ དེ་ཝ་ཡོ་ནི་ཡོ.
༡༤. པུ་བྦ་དེ་ཝཱ སུ་ར་རི་པཱུ, ཨ་སུ་རཱ དཱ་ན་ཝཱ པུ་མེ;
ཏ་བྦི་སེ་སཱ པ་ཧཱ་རཱ་དོ, ས་མྦ་རོ བ་ལི་ཨཱ་ད་ཡོ.
༡༥. པི་ཏཱ་མ་ཧོ པི་ཏཱ བྲ་ཧྨཱ, ལོ་ཀེ་སོ ཀ་མ་ལཱ་ས་ནོ;
ཏ་ཐཱ ཧི་ར་ཉྙ་ག་བྦྷོ ཙ, སུ་ར་ཛེ་ཊྛོ པ་ཛཱ་པ་ཏི.
༡༦. ཝཱ་སུ་དེ་ཝོ ཧ་རི [ཧ་རཱི (ཊཱི་ཀཱ)] ཀ་ཎྷོ, ཀེ་ས་ཝོ ཙ་ཀྐ་པཱ་ཎྱ’ཐ;
མ་ཧི་སྶ་རོ སི་ཝོ སཱུ་ལཱི, ཨི་སྶ་རོ པ་སུ་པ་ཏྱ’པི.
༡༧. ཧ་རོ ཝུ་ཏྟོ ཀུ་མཱ་རོ ཏུ, ཁ་ནྡྷོ ས་ཏྟི་དྷ་རོ བྷ་ཝེ;
༡༨. ས་ཀྐོ པུ་རི་ནྡ་དོ དེ་ཝ, རཱ་ཛཱ ཝ་ཛི་ར་པཱ་ཎི ཙ;
སུ་ཛ་མྤ་ཏི ས་ཧ་སྶ་ཀྑོ, མ་ཧི་ནྡོ ཝ་ཛི་རཱ་ཝུ་དྷོ.
༡༩. ཝཱ་ས་ཝོ ཙ ད་ས་ས་ཏ, ན་ཡ་ནོ ཏི་དི་ཝཱ་དྷི་བྷཱུ;
སུ་ར་ནཱ་ཐོ ཙ ཝ་ཛི་ར, ཧ་ཏྠོ ཙ བྷཱུ་ཏ་པ་ཏྱ’པི.
༢༠. མ་གྷ་ཝཱ ཀོ་སི་ཡོ ཨི་ནྡོ, ཝ་ཏྲ་བྷཱུ པཱ་ཀ་སཱ་ས་ནོ;
ཝི་ཌོ་ཛོ ཐ སུ་ཛཱ ཏ་སྶ [སུ་ཛཱ་ཏཱ’སྶ (ཊཱི་ཀཱ)], བྷ་རི་ཡཱ ཐ པུ་རཾ བྷ་ཝེ.
༢༡. མ་ས་ཀྐ་སཱ་རཱ [མ་ས་ཀྐ་སཱ་རོ (སཱི.)] ཝ་སྶོ་ཀ, སཱ་རཱ ཙེ་ཝཱ’ མ་རཱ་ཝ་ཏཱི;
ཝེ་ཛ་ཡ་ནྟོ ཏུ པཱ་སཱ་དོ,
སུ་དྷ་མྨཱ ཏུ ས་བྷཱ མ་ཏཱ.
༢༢. ཝེ་ཛ་ཡ་ནྟོ ར་ཐོ ཏ་སྶ,
ཝུ་ཏྟོ མཱ་ཏ་ལི སཱ་ར་ཐི;
ཨེ་རཱ་ཝ་ཎོ ག་ཛོ པ་ཎྜུ, ཀ་མྦ་ལོ ཏུ སི་ལཱ་ས་ནཾ.
༢༣. སུ་ཝཱི་རོཙྩཱ་ད་ཡོ པུ་ཏྟཱ, ན་ནྡཱ པོ་ཀྑ་ར་ཎཱི བྷ་ཝེ;
ན་ནྡ་ནཾ མི་སྶ་ཀཾ ཙི་ཏྟ, ལ་ཏཱ ཕཱ་རུ་ས་ཀཾ ཝ་ནཱ.
༢༤. ཨ་ས་ནི དྭཱི་སུ ཀུ་ལི་སཾ, ཝ་ཛི་རཾ པུ་ནྣ་པུཾ་ས་ཀེ;
ཨ་ཙྪ་རཱ་ཡོ་ཏྠི་ཡཾ ཝུ་ཏྟཱ, ར་མྦྷཱ ཨ་ལ་མྦུ་སཱ་ད་ཡོ;
དེ་ཝི་ཏྠི་ཡོ ཐ ག་ནྡྷ་བྦཱ, པ་ཉྩ་སི་ཁོཏི ཨཱ་ད་ཡོ.
༢༥. ཝི་མཱ་ནོ ནི་ཏྠི་ཡཾ བྱ་མྷཾ, པཱི་ཡཱུ་སཾ ཏྭ་མ་ཏཾ སུ་དྷཱ;
སི་ནེ་རུ མེ་རུ ཏི་དི་ཝཱ, དྷཱ་རོ ནེ་རུ སུ་མེ་རུ ཙ.
༢༦. ཡུ་ག་ནྡྷ་རོ ཨཱི་ས་དྷ་རོ, ཀ་ར་ཝཱི་ཀོ སུ་ད་སྶ་ནོ;
ནེ་མི་ནྡྷ་རོ ཝི་ན་ཏ་ཀོ, ཨ་སྶ་ཀ་ཎྞོ ཀུ་ལཱ་ཙ་ལཱ.
༢༧. མ་ནྡཱ་ཀི་ནཱི ཏ་ཐཱ’ཀཱ་ས, ག་ངྒཱ སུ་ར་ན་དཱི པྱ་ཐ;
༢༨. ཀོ་ཝི་ལཱ༹་རོ ཏ་ཐཱ པཱ་རི, ཙྪ་ཏྟ་ཀོ པཱ་རི་ཛཱ་ཏ་ཀོ;
ཀ་པྤ་རུ་ཀྑོ ཏུ ས་ནྟཱ་ནཱ, ད་ཡོ དེ་ཝ་དྡུ་མཱ སི་ཡུཾ.
༢༩. པཱ་ཙཱི པ་ཏཱི་ཛྷུ’ དཱི་ཙི’ཏྠཱི, པུ་བྦ པ་ཙྪི་མ ཨུ་ཏྟ་རཱ;
དི་སཱ་ཐ ད་ཀྑི་ཎཱ’ པཱ་ཙཱི, ཝི་དི་སཱ’ནུ་དི་སཱ བྷ་ཝེ.
༣༠. ཨེ་རཱ་ཝ་ཏོ [ཨེ་རཱ་ཝ་ཎོ (སཱི.), ཨ་མ་ར་ཀོ་སེ པ་ན ཨེ་རཱ་ཝ་ཏོ ཨེ་ཝ ཨ་ཏྠི] པུ་ཎྜ་རཱི་ཀོ, ཝཱ་མ་ནོ ཀུ་མུ་དོ’ ཉྫ་ནོ;
པུ་པྥ་ད་ནྟོ ས་བྦ་བྷུ་མྨོ, སུ་པྤ་ཏཱི་ཀོ དི་སཱ་ག་ཛཱ.
༣༡. དྷ་ཏ་ར་ཊྛོ ཙ ག་ནྡྷ་བྦཱ, དྷི་པོ, ཀུ་མྦྷ་ཎྜ་སཱ་མི ཏུ;
ཝི་རུ་ལ༹ྷ་ཀོ, ཝི་རཱུ་པ་ཀྑོ, ཏུ ནཱ་གཱ་དྷི་པ་ཏཱི་རི་ཏོ.
༣༢. ཡ་ཀྑཱ་དྷི་པོ ཝེ་སྶ་ཝ་ཎོ, ཀུ་ཝེ་རོ ན་ར་ཝཱ་ཧ་ནོ;
ཨ་ལ༹་ཀཱ [ཨ་ལ་ཀཱ (ཨ་མ་ར་ཀོ་ས)] ལ༹་ཀ་མ་ནྡཱསྶ, པུ་རཱི, པ་ཧ་ར་ཎཾ ག་དཱ;
ཙ་ཏུ་དྡི་སཱ་ན མ་དྷི་པཱ, པུ་བྦཱ་དཱི་ནཾ ཀ་མཱ ཨི་མེ.
༣༣. ཛཱ་ཏ་ཝེ་དོ སི་ཁཱི ཛོ་ཏི, པཱ་ཝ་ཀོ ད་ཧ་ནོ’ ན་ལོ;
ཧུ་ཏཱ་ཝ་ཧོ’ ཙྩི་མཱ དྷཱུ་མ, ཀེ་ཏྭ’གྒི གི་ནི བྷཱ་ནུ་མཱ.
༣༤. ཏེ་ཛོ དྷཱུ་མ་སི་ཁོ ཝཱ་ཡུ, ས་ཁོ ཙ ཀ་ཎྷ་ཝ་ཏྟ་ནཱི;
ཝེ་སྶཱ་ན་རོ ཧུ་ཏཱ་སོ ཐ, སི་ཁཱ་ཛཱ་ལ’ཙྩི ཙཱ་པུ་མེ.
༣༥. ཝི་པྥུ་ལི་ངྒཾ ཕུ་ལི་ངྒ་ཉྩ, བྷ་སྨཱ [‘བྷ་སྨཱ’ ཏི་པ་དཾ རཱ་ཛཱ་དི་ག་ཎེ པ་རི་ཡཱ་པ་ནྣཾ (རཱུ་པ་སི་དྡྷི-ཨུ་ཎཱ་དི), བྷ་སྨཾ (སཱི.)] ཏུ སེ་ཊྛི ཚཱ་རི་ཀཱ;
༣༦. ཀུ་ཀྐུ་ལོ༹ ཏུ’ཎྷ་བྷ་སྨ་སྨི, མ་ངྒཱ་རོ’ལཱ་ཏ མུ་མྨུ་ཀཾ [ཏི་ཀཾ དི་ཏྟ་ཀ་ཊྛཱ་དི་ནྡྷ་ནེ (ཊཱི་ཀཱ)];
ས་མི་དྷཱ ཨི་དྷུ་མཾ ཙེ’དྷོ, ཨུ་པཱ་དཱ་ནཾ ཏ་ཐི་ནྡྷ་ནཾ.
༣༧. ཨ་ཐོ’བྷཱ་སོ པ་ཀཱ་སོ ཙཱ,
'ལོ་ཀོ’ཛྫོ་ཏཱ’ཏ་པཱ ས་མཱ;
མཱ་ལུ་ཏོ པ་ཝ་ནོ ཝཱ་ཡུ, ཝཱ་ཏོ’ནི་ལ ས་མཱི་ར་ཎཱ;
ག་ནྡྷ་ཝཱ་ཧོ ཏ་ཐཱ ཝཱ་ཡོ, ས་མཱི་རོ ཙ ས་དཱ་ག་ཏི.
༣༨. ཝཱ་ཡུ་བྷེ་དཱ ཨི་མེ ཚུ’དྡྷ, ངྒ་མོ ཙཱ་དྷོ་ག་མོ ཏ་ཐཱ;
ཀུ་ཙྪི་ཊྛོ ཙ ཀོ་ཊྛཱ་ས་ཡོ, ཨ་སྶཱ་ས་ངྒཱ་ནུ་སཱ་རི་ནོ.
༣༩. ཨ་ཐོ ཨ་པཱ་ནཾ པ་སྶཱ་སོ,
ཨ་སྶཱ་སོ ཨཱ་ན མུ་ཙྩ་ཏེ.
༤༠. ཝེ་གོ ཛ་ཝོ ར་ཡོ ཁི་པྤཾ, ཏུ སཱི་གྷཾ ཏུ་རི་ཏཾ ལ་ཧུ;
ཨཱ་སུ ཏུ་ཎྞ མ་རཾ ཙཱ་ཝི, ལ་མྦི་ཏཾ ཏུ་ཝ་ཊཾ་པི ཙ.
༤༡. ས་ཏ་ཏཾ ནི་ཙྩ མ་ཝི་ར་ཏཱ, ནཱ་ར་ཏ ས་ནྟ་ཏ མ་ན་ཝ་ར་ཏ་ཉྩ དྷུ་ཝཾ;
བྷུ་ས མ་ཏི་ས་ཡོ ཙ ད་ལ༹ྷཾ, ཏི་བྦེ’ཀ་ནྟཱ’ཏི་མ་ཏྟ, བཱ་ལ༹ྷཱ་ནི;
ཁི་པྤཱ་དཱི པ་ཎྜ་ཀེ ད་བྦེ, ད་བྦ་གཱ ཏེ་སུ ཡེ ཏི་སུ.
༤༢. ཨ་ཝི་གྒ་ཧོ ཏུ ཀཱ་མོ ཙ, མ་ནོ་བྷཱུ མ་ད་ནོ བྷ་ཝེ;
ཨ་ནྟ་ཀོ ཝ་ས་ཝ་ཏྟཱི ཙ, པཱ་པི་མཱ ཙ པ་ཛཱ་པ་ཏི.
༤༣. པ་མ་ཏྟ་བ་ནྡྷུ ཀ་ཎྷོ ཙ, མཱ་རོ ན་མུ་ཙི, ཏ་སྶ ཏུ;
ཏ་ཎྷཱ’ར་ཏཱི ར་གཱ དྷཱི་ཏཱུ, ཧ་ཏྠཱི ཏུ གི་རི་མེ་ཁ་ལོ.
༤༤. ཡ་མ་རཱ་ཛཱ ཙ ཝེ་སཱ་ཡཱི, ཡ་མོ’སྶ ན་ཡ་ནཱཝུ་དྷཾ;
ཝེ་པ་ཙི་ཏྟི པུ་ལོ་མོ ཙ, ཀི་མྤུ་རི་སོ ཏུ ཀི་ནྣ་རོ.
༤༥. ཨ་ནྟ་ལི་ཀྑཾ ཁ’མཱ་དི་ཙྩ, པ་ཐོ’བྦྷཾ ག་ག་ན’མྦ་རཾ;
ཝེ་ཧཱ་སོ ཙཱ་ནི་ལ་པ་ཐོ, ཨཱ་ཀཱ་སོ ནི་ཏྠི་ཡཾ ན་བྷཾ.
༤༦. དེ་ཝོ ཝེ་ཧཱ་ཡ་སོ ཏཱ་རཱ,
པ་ཐོ སུ་ར་པ་ཐོ ཨ་གྷཾ.
༤༧. མེ་གྷོ ཝ་ལཱ་ཧ་ཀོ དེ་ཝོ, པ་ཛྫུ་ནྣོ’མྦུ་དྷ་རོ གྷ་ནོ;
དྷཱ་རཱ་དྷ་རོ ཙ ཛཱི་མཱུ་ཏོ, ཝཱ་རི་ཝཱ་ཧོ ཏ་ཐཱ’མྦུ་དོ.
༤༨. ཨ་བྦྷཾ ཏཱི་སྭ་ཐ ཝ་སྶ་ཉྩ, ཝ་སྶ་ནཾ ཝུ་ཊྛི ནཱ་རི་ཡཾ;
ས་ཏེ་ར་ཏཱ’ཀྑ་ཎཱ ཝི་ཛྫུ, ཝི་ཛྫུ་ཏཱ ཙཱ་ཙི་ར་པྤ་བྷཱ.
༤༩. མེ་གྷ་ནཱ་དེ ཏུ དྷ་ནི་ཏཾ, ག་ཛྫི་ཏཾ ར་སི་ཏཱ་དི ཙ;
ཨི་ནྡཱ་ཝུ་དྷཾ ཨི་ནྡ་དྷ་ནུ, ཝཱ་ཏ་ཀྑི་ཏྟ་མྦུ སཱི་ཀ་རོ.
༥༠. ཨཱ་སཱ་རོ དྷཱ་རཱ ས་མྤཱ་ཏོ,
ཀ་ར་ཀཱ ཏུ གྷ་ནོ་པ་ལཾ;
དུ་དྡི་ནཾ མེ་གྷ་ཙྪ་ནྣཱ་ཧེ, པི་དྷཱ་ནཾ ཏྭ་པ་དྷཱ་ར་ཎཾ.
༥༡. ཏི་རོ་དྷཱ་ན’ནྟ་ར་དྷཱ་ནཱ, པི་དྷཱ་ན ཚཱ་ད་ནཱ་ནི ཙ;
ཨི་ནྡུ ཙ་ནྡོ ཙ ན་ཀྑ་ཏྟ, རཱ་ཛཱ སོ་མོ ནི་སཱ་ཀ་རོ.
༥༢. ཨོ་ས་དྷཱི་སོ ཧི་མ་རཾ་སི, ས་ས་ངྐོ ཙ་ནྡི་མཱ ས་སཱི;
སཱི་ཏ་རཾ་སི ནི་སཱ་ནཱ་ཐོ, ཨུ་ལུ༹་རཱ་ཛཱ ཙ མཱ པུ་མེ.
༥༣. ཀ་ལཱ སོ་ལ༹་ས་མོ བྷཱ་གོ, བི་མྦཾ ཏུ མ་ཎྜ་ལཾ བྷ་ཝེ;
ཨ་ཌྜྷོ ཏྭ་དྡྷོ ཨུ་པ་ཌྜྷོ ཙ, ཝཱ ཁ་ཎྜཾ ས་ཀ་ལཾ པུ་མེ.
༥༤. ཨ་དྡྷཾ ཝུ་ཏྟཾ ས་མེ བྷཱ་གེ, པ་སཱ་དོ ཏུ པ་ས་ནྣ་ཏཱ;
ཀོ་མུ་དཱི ཙ་ནྡི་ཀཱ ཛུ་ཎྷཱ, ཀ་ནྟི སོ་བྷཱ ཛུ་ཏི ཙྪ་ཝི.
༥༥. ཀ་ལ་ངྐོ ལ་ཉྪ་ནཾ ལ་ཀྑཾ, ཨ་ངྐོ’བྷི་ཉྙཱ་ཎ ལ་ཀྑ་ཎཾ;
ཙི་ཧ་ནཾ ཙཱ་པི སོ་བྷཱ ཏུ, པ་ར་མཱ སུ་ས་མཱ ཐ ཙ.
༥༦. སཱི་ཏཾ གུ་ཎེ, གུ་ཎི་ལི་ངྒཱ, སཱི་ཏ སི་སི་ར སཱི་ཏ་ལཱ;
ཧི་མཾ ཏུ་ཧི་ན མུ་སྶཱ་ཝོ, ནཱི་ཧཱ་རོ མ་ཧི་ཀཱ པྱ་ཐ.