༤. ཨ་བྱ་ཡ་ཝ་གྒ
༡༡༣༦. ཨ་བྱ་ཡཾ ཝུ་ཙྩ་ཏེ དཱ་ནི, ཙི་ར་སྶཾ ཏུ ཙི་རཾ ཏ་ཐཱ;
ཙི་རེ་ན ཙི་ར་ར་ཏྟཱ་ཡ, ས་ཧ ས་དྡྷིཾ ས་མཾ ཨ་མཱ.
༡༡༣༧. པུ་ན་པྤུ་ནཾ ཨ་བྷི་ཎྷ་ཉྩཱ, ས་ཀིཾ ཙཱ’བྷི་ཀྑ་ཎཾ མུ་ཧུཾ;
ཝ་ཛྫ་ནེ ཏུ ཝི་ནཱ ནཱ་ནཱ, ཨ་ནྟ་རེ་ན རི་ཏེ པུ་ཐུ.
༡༡༣༨. བ་ལ་ཝཾ སུ་ཊྛུ ཙཱ’ཏཱི་ཝཱ, ཏི་ས་ཡེ ཀི་མུ་ཏ སྭ’ཏི;
ཨ་ཧོ ཏུ ཀིཾ ཀི་མཱུ’ དཱ་ཧུ, ཝི་ཀ་པྤེ ཀི་མུ་ཏོ’ད ཙ.
༡༡༣༩. ཨ་ཝ྄ཧཱ་ནེ བྷོ ཨ་རེ ཨ་མྦྷོ,
ཧ་མྦྷོ རེ ཛེ’ངྒ ཨཱ་ཝུ་སོ;
ཧེ ཧ་རེ ཐ ཀ་ཐཾ ཀིཾ་སུ, ན་ནུ ཀ་ཙྩི ནུ ཀིཾ ས་མཱ.
༡༡༤༠. ཨ་དྷུ་ནེ’ཏ་ར་ཧཱི’དཱ་ནི, ས་མྤ་ཏི ཨ་ཉྙ་ད་ཏྠུ ཏུ;
ཏ་གྒྷེ’ ཀཾ་སེ ས་ས་ཀྐ་ཉྩཱ, དྡྷཱ ཀཱ་མཾ ཛཱ་ཏུ ཝེ ཧ་ཝེ.
༡༡༤༡. ཡཱ་ཝ་ཏཱ ཏཱ་ཝ་ཏཱ ཡཱ་ཝ, ཏཱ་ཝ ཀི་ཏྟཱ་ཝ་ཏཱ ཏ་ཐཱ;
ཨེ་ཏྟཱ་ཝ་ཏཱ ཙ ཀཱི་ཝེ’ཏི, པ་རི་ཙྪེ་ད་ཏྠ་ཝཱ་ཙ་ཀཱ.
༡༡༤༢. ཡ་ཐཱ ཏ་ཐཱ ཡ་ཐེ་ཝེ’ཝཾ, ཡ་ཐཱ་ནཱ་མ ཡ་ཐཱ་ཧི ཙ;
སེ་ཡྻ་ཐཱ་པྱེ’ཝ་མེ་ཝཾ, ཝཱ, ཏ་ཐེ་ཝ ཙ ཡ་ཐཱ་པི ཙ.
༡༡༤༣. ཨེ་ཝ་མྤི ཙ སེ་ཡྻ་ཐཱ་པི, ནཱ་མ ཡ་ཐ་རི་ཝཱ’པི ཙ;
པ་ཊི་བྷཱ་ག་ཏྠེ ཡ་ཐཱ་ཙ, ཝི་ཡ ཏ་ཐ་རི་ཝཱ’པི ཙ.
༡༡༤༤. སཾ སཱ་མ་ཉྩ ས་ཡཾ ཙཱ་ཐ, ཨཱ་མ སཱ་ཧུ ལ་ཧཱུ’པི ཙ;
ཨོ་པཱ་ཡི་ཀཾ པ་ཏི་རཱུ་པཾ, སཱ་དྷྭེ’ཝཾ ས་མྤ་ཊི་ཙྪ་ནེ.
༡༡༤༥. ཡཾ ཏཾ ཡ་ཏོ ཏ་ཏོ ཡེ་ན,
ཏེ་ནེ’ཏི ཀཱ་ར་ཎེ སི་ཡུཾ;
ཨ་སཱ་ཀ་ལྱེ ཏུ ཙ་ན ཙི, ནི་པྥ་ལེ ཏུ མུ་དྷཱ བྷ་ཝེ.
༡༡༤༦. ཀ་དཱ་ཙི ཛཱ་ཏུ ཏུ་ལྱཱ’ཐ, ས་བྦ་ཏོ ཙ ས་མ་ནྟ་ཏོ;
པ་རི་ཏོ ཙ ས་མ་ནྟཱ་པི, ཨ་ཐ མི་ཙྪཱ མུ་སཱ བྷ་ཝེ.
༡༡༤༧. ནི་སེ་དྷེ ན ཨ་ནོ་མཱ’ལཾ, ན་ཧི ཙེ་ཏུ ས་ཙེ ཡ་དི;
ཨ་ནུ་ཀུ་ལྱེ ཏུ ས་དྡྷཉྩ,
ན་ཏྟཾ [ར་ཏྟཾ (ཊཱི.)] དོ་སོ དི་ཝཱ ཏྭ’ཧེ.
༡༡༤༨. ཨཱི་སཾ ཀི་ཉྩི མ་ནཾ ཨ་པྤེ, ས་ཧ་སཱ ཏུ ཨ་ཏ་ཀྐི་ཏེ;
པུ་རེ གྒ་ཏོ ཏུ པུ་ར་ཏོ, པེ་ཙྩཱ’མུ་ཏྲབྷ་ཝ་ནྟ་རེ.
༡༡༤༩. ཨ་ཧོ ཧཱི ཝི་མྷ་ཡེ ཏུ་ཎྷཱི,
ཏུ མོ་ནེ ཐཱ’ཝི པཱ་ཏུ ཙ;
ཏ་ངྑ་ཎེ ས་ཛྫུ ས་པ་དི, བ་ལ་ཀྐཱ་རེ པ་ས་ཡ྄ཧ ཙ.
༡༡༥༠. སུ་དཾ ཁོ [ཝོ (ཀ.)] ཨ་སྶུ ཡ་གྒྷེ ཝེ,ཧཱ’ད་ཡོ པ་ད་པཱུ་ར་ཎེ;
ཨ་ནྟ་རེ་ན’ནྟ་རཱ ཨ་ནྟོ, ཝ་སྶཾ ནཱུ་ན ཙ ནི་ཙྪ་ཡེ.
༡༡༥༡. ཨཱ་ན་ནྡེ སཉྩ དི་ཊྛཱ ཐ, ཝི་རོ་དྷ་ཀ་ཐ་ནེ ན་ནུ;
ཀཱ་མ་པྤ་ཝེ་ད་ནེ ཀ་ཙྩི, ཨུ་སཱུ་ཡོ་པ་ག་མེ’ཏྠུ ཙ.
༡༡༥༢. ཨེ་ཝཱ’ཝ་དྷཱ་ར་ཎེ ཉེ་ཡྻཾ, ཡ་ཐཱ་ཏྟཾ ཏུ ཡ་ཐཱ་ཏ་ཐཾ;
ནཱི་ཙཾ ཨ་པྤེ, མ་ཧ་ཏྱུ’ཙྩཾ, ཨ་ཐ པཱ་ཏོ པ་གེ ས་མཱ.
༡༡༥༣. ནི་ཙྩེ ས་དཱ ས་ནཾ [ས་ནཱ (ཀ.)] པཱ་ཡོ,
བཱ་ཧུ་ལྱེ བཱ་ཧི་རཾ བ་ཧི;
བ་ཧི་དྡྷཱ བཱ་ཧི་རཱ བཱ་ཧྱེ, སཱི་གྷེ་ཏུ ས་ཎི་ཀཾ བྷ་ཝེ.
༡༡༥༤. ཨ་ཏྠཾ ཨ་ད་སྶ་ནེ དུ་ཊྛུ, ནི་ནྡཱ་ཡཾ, ཝ་ནྡ་ནེ ན་མོ;
ས་མྨཱ སུ་ཊྛུ པ་སཾ་སཱ་ཡཾ, ཨ་ཐོ ས་ཏྟཱ་ཡ མ་ཏྠི ཙ.
༡༡༥༥. སཱ་ཡཾ སཱ་ཡེ’ཛྫ ཨ་ཏྲཱ’ཧེ,
སུ་ཝེ ཏུ སྭེ ཨ་ནཱ་ག་ཏེ;
ཏ་ཏོ པ་རེ པ་ར་སུ་ཝེ, ཧི་ཡྻོཏུ དི་ཝ་སེ ག་ཏེ.
༡༡༥༦. ཡ་ཏྠ ཡ་ཏྲ ཡ་ཧིཾ་ཙཱ་ཐ, ཏ་ཏྠ ཏ་ཏྲ ཏ་ཧིཾ་ཏ་ཧཾ;
ཨ་ཐོ ཨུ་དྡྷ་ཉྩ ཨུ་པ་རི, ཧེ་ཊྛཱ ཏུ ཙ ཨ་དྷོ ས་མཱ.
༡༡༥༧. ཙོ་ད་ནེ ཨི་ངྒྷ ཧ་ནྡཱ’ཐ, ཨཱ་རཱ་དཱུ་རཱ ཙ ཨཱ་ར་ཀཱ;
པ་ར་མྨུ་ཁཱ ཏུ ཙ ར་ཧོ, ས་མྨུ་ཁཱ ཏྭཱ’ཝི པཱ་ཏུ ཙ.
༡༡༥༨. སཾ་ས་ཡ་ཏྠ་མྷི ཨ་པྤེ་ཝ, ཨ་པྤེ་ཝ་ནཱ་མ ནཱུ’ཏི ཙ;
ནི་ད་སྶ་ནེ ཨི་ཏི’ཏྠ་ཉྩ, ཨེ་ཝཾ, ཀི་ཙྪེ ཀ་ཐ་ཉྩི ཙ.
༡༡༥༩. ཧཱ ཁེ་དེ ས་ཙྪི པ་ཙྩ་ཀྑེ,
དྷུ་ཝཾ ཐི་རེ’ཝ་དྷཱ་ར་ཎེ;
ཏི་རོ ཏུ ཏི་རི་ཡཾ ཙཱ་ཐ, ཀུ་ཙྪཱ་ཡཾ དུ་ཊྛུ ཀུ’ཙྩ་ཏེ.
༡༡༦༠. སུ་ཝ་ཏྠི ཨཱ་སི་ཊྛ་ཏྠ་མྷི, ནི་ནྡཱ་ཡཾ ཏུ དྷཱི [དྷི (ཀ.)] ཀ་ཐྱ་ཏེ;
ཀུ་ཧི་ཉྩ་ནཾ ཀུ་ཧིཾ ཀུ་ཏྲ, ཀུ་ཏྠ ཀ་ཏྠ ཀ་ཧཾ ཀྭ ཐ.
༡༡༦༡. ཨི་ཧེ’དྷཱ’ཏྲ ཏུ ཨེ་ཏྠཱ’ཏྠ,
ཨ་ཐ ས་བྦ་ཏྲ ས་བྦ་དྷི;
ཀ་དཱ ཀུ་དཱ་ཙ་ནཾ ཙཱ་ཐ, ཏ་དཱ་ནི ཙ ཏ་དཱ ས་མཱ.
༡༡༦༢. ཨཱ་དི་ཀ་མྨེ བྷུ་ས་ཏྠེ ཙ, ས་མྦྷ་ཝོ’ཏི་ཎྞ ཏི་ཏྟི་སུ;
ནི་ཡོ་གི’སྶ་རི་ཡ’པྤཱི་ཏི, དཱ་ན པཱུ་ཛཱ’གྒ, ས་ནྟི་སུ.
༡༡༦༣. ད་སྶ་ནེ ཏ་པྤ་རེ ས་ངྒེ, པ་སཾ་སཱ, ག་ཏི, སུ་དྡྷི་སུ;
ཧིཾ་སཱ, པ་ཀཱ་ར་ནྟོ’བྷཱ་ཝ, ཝི་ཡོ་གཱ’ཝ་ཡ་ཝེ་སུ ཙ;
པོ’པ་ས་གྒོ དི་སཱ་ཡོ་གེ, པ་ཏྠ་ནཱ, དྷི་ཏི་ཨཱ་དི་སུ.
༡༡༦༤. པ་རཱས་དྡོ པ་རི་ཧཱ་ནི, པ་རཱ་ཛ་ཡ ག་ཏཱི་སུ ཙ;
བྷུ་ས་ཏྠེ པ་ཊི་ལོ་མ་ཏྠེ, ཝི་ཀྐ་མཱ’མ་ས་ནཱ་དི་སུ.
༡༡༦༥. ནི་སྶེ་སཱ’བྷཱ་ཝ ས་ནྱཱ་ས, བྷུ་ས་ཏྠ མོ་ཀྑ རཱ་སི་སུ;
གེ་ཧཱ’དེ་སོ’པ་མཱ་ཧཱི་ན, པ་སཱ་ད་ནི་གྒ་ཏཱ’ཙྩ་ཡེ.
༡༡༦༦. ད་སྶ་ནོ’སཱ་ན་ནི་ཀྑ་ནྟཱ, དྷོ་བྷཱ་གེ་སྭ’ཝ་དྷཱ་ར་ཎེ;
སཱ་མཱི་པྱེ བ་ནྡྷ་ནེ ཚེ་ཀ, ནྟོ་བྷཱ་གོ’པ་ར་ཏཱི་སུ ཙ.
༡༡༦༧. པཱ་ཏུ་བྷཱ་ཝེ ཝི་ཡོ་གེ ཙ, ནི་སེ་དྷཱ་དོ ནི དི་སྶ་ཏི;
ཨ་ཐོ ནཱི་ཧ་ར་ཎེ ཙེ་ཝཱ, ཝ་ར་ཎཱ་དོ ཙ ནཱི སི་ཡཱ.
༡༡༦༨. ཨུ་དྡྷ་ཀ་མྨ ཝི་ཡོ་ག ཏྟ, ལཱ་བྷ ཏི་ཏྟི ས་མི་དྡྷི་སུ;
པཱ་ཏུ་བྷཱ་ཝ’ཙྩ་ཡཱ་བྷཱ་ཝ, པ་བ་ལ་ཏྟེ པ་ཀཱ་ས་ནེ;
ད་ཀྑ’གྒ་ཏཱ་སུ ཀ་ཐ་ནེ, ས་ཏྟི་མོ་ཀྑཱ་དི་ཀེ ཨུ ཙ.
༡༡༦༩. དུ ཀུ་ཙྪི་ཏེ’ས་ད་ཏྠེ་སུ, ཝི་རཱུ་པ་ཏྟེ པྱ’སོ་བྷ་ནེ;
སི་ཡཱ’བྷཱ་ཝཱ’ས་མི་དྡྷཱི་སུ, ཀི་ཙྪེ ཙཱ’ན་ནྡ་ནཱ་དི་ཀེ.
༡༡༧༠. སཾ ས་མོ་དྷཱ་ན ས་ངྑེ་པ, ས་མ་ནྟ་ཏྟ ས་མི་དྡྷི་སུ;
ས་མྨཱ བྷུ་ས ས་ཧ པྤ་ཏྠཱ, བྷི་མུ་ཁ་ཏྠེ་སུ ས་ངྒ་ཏེ;
ཝི་དྷཱ་ནེ པ་བྷ་ཝེ པཱུ་ཛཱ, པུ་ན་པྤུ་ན་ཀྲི་ཡཱ་དི་སུ.
༡༡༧༡. ཝི་ཝི་དྷཱ’ཏི་ས་ཡཱ’བྷཱ་ཝ, བྷུ་ས་ཏྟི’སྶ་རི་ཡཱ’ཙྩ་ཡེ;
ཝི་ཡོ་གེ ཀ་ལ་ཧེ པཱ་ཏུ, བྷཱ་ཝེ བྷཱ་སེ ཙ ཀུ་ཙྪ་ནེ.
༡༡༧༢. དཱུ་རཱ’ན་བྷི་མུ་ཁ་ཏྟེ་སུ, མོ་ཧཱ’ན་ཝ་ཊྛི་ཏཱི་སུ ཙ;
པ་དྷཱ་ན ད་ཀྑ་ཏཱ ཁེ་ད, ས་ཧ་ཏྠཱ་དོ ཝི དི་སྶ་ཏི.
༡༡༧༣. ཝི་ཡོ་གེ ཛཱ་ན་ནེ ཙཱ’དྷོ,བྷཱ་ག ནི་ཙྪ་ཡ [བྷཱ་ག’ནི་ཙྪ་ཡ (བྷཱ་ག+ཨ་ནི་ཙྪ་ཡ-ཊཱི)] སུ་དྡྷི་སུ;
ཨཱི་ས་ད་ཏྠེ པ་རི་བྷ་ཝེ, དེ་ས བྱཱ་པ་ན ཧཱ་ནི་སུ;
ཝ་ཙོ་ཀྲི་ཡཱ་ཡ ཐེ་ཡྻེ ཙ, ཉཱ་ཎ་པྤ་ཏྟཱ་དི་ཀེ ཨ་ཝ.
༡༡༧༤. པ་ཙྪཱ བྷུ་ས་ཏྟ སཱ་དི་སྱཱ, ནུ་པ་ཙྪི་ནྣཱ’ནུ་ཝ་ཏྟི་སུ;
ཧཱི་ནེ ཙ ཏ་ཏི་ཡ་ཏྠཱ’དྷོ, བྷཱ་གེ་སྭ’ནུ་ག་ཏེ ཧི་ཏེ;
དེ་སེ ལ་ཀྑ་ཎ ཝི་ཙྪེ’ཏྠ, མྦྷཱུ་ཏ བྷཱ་གཱ་དི་ཀེ ཨ་ནུ.
༡༡༧༥. ས་མ་ནྟ་ཏྠེ པ་རི་ཙྪེ་དེ, པཱུ་ཛཱ’ལི་ངྒ་ན ཝ་ཛྫ་ནེ;
དོ་ས་ཀྑཱ་ནེ ནི་ཝཱ་ས་ནཱ, ཝ་ཉྙཱ’དྷཱ་རེ་སུ བྷོ་ཛ་ནེ;
སོ་ཀ བྱཱ་པ་ན ཏ་ཏྭེ་སུ, ལ་ཀྑ་ཎཱ་དོ སི་ཡཱ པ་རི.
༡༡༧༦. ཨཱ་བྷི་མུ་ཁྱ ཝི་སི་ཊྛུ’དྡྷ, ཀ་མྨ་སཱ་རུ་པྤ་ཝུ་དྡྷི་སུ;
པཱུ་ཛཱ’དྷི་ཀ ཀུ་ལཱ’ས་ཙྩ, ལ་ཀྑ་ཎཱ་དི་མྷི ཙཱ་པྱ’བྷི.
༡༡༧༧. ཨ་དྷི་ཀི’སྶ་ར, པཱ་ཋཱ’དྷི, ཊྛཱ་ན, པཱ་པུ་ཎ་ནེ་སྭ’དྷི;
ནི་ཙྪ་ཡེ ཙོ་པ་རི་ཏྟཱ’དྷི, བྷ་ཝ་ནེ ཙ ཝི་སེ་ས་ནེ.
༡༡༧༨. པ་ཊི་དཱ་ན་ནི་སེ་དྷེ་སུ, ཝཱ་མཱ’དཱ་ན་ནི་ཝ་ཏྟི་སུ;
སཱ་དི་སེ པ་ཊི་ནི་དྷི་མྷི, ཨཱ་བྷི་མུ་ཁྱ་ག་ཏཱི་སུ ཙ.
༡༡༧༩. པ་ཏི་བོ་དྷེ པ་ཏི་ག་ཏེ, ཏ་ཐཱ པུ་ན་ཀྲི་ཡཱ་ཡ ཙ;
ས་མྦྷཱ་ཝ་ནེ པ་ཊི་ཙྩ་ཏྠེ, པ་ཏཱིཏི ལ་ཀྑ་ཎཱ་དི་ཀེ;
སུ སོ་བྷ་ནེ སུ་ཁེ ས་མྨཱ, བྷུ་ས སུ་ཊྛུ ས་མི་དྡྷི་སུ.
༡༡༨༠. ཨཱ་བྷི་མུ་ཁྱ, ས་མཱི་པཱ’དི, ཀ་མྨཱ’ལི་ངྒ་ན པ་ཏྟི་སུ;
མ་རི་ཡཱ་དུ’དྡྷ་ཀ་མྨི’ཙྪཱ, བ་ནྡྷ་ནཱ’བྷི་ཝི་དྷཱི་སུ ཨཱ.
༡༡༨༡. ནི་ཝཱ་སཱ’ཝ྄ཧཱ་ན ག་ཧ་ཎ, ཀི་ཙྪེ’ས་ཏྠ ནི་ཝ་ཏྟི་སུ;
ཨ་པྤ་སཱ་དཱ’སི ས་ར་ཎ, པ་ཏི་ཊྛཱ’ཝི་མྷ་ཡཱ་དི་སུ.
༡༡༨༢. ཨ་ནྟོ་བྷཱ་ཝ བྷུ་ས་ཏྟཱ’ཏི, ས་ཡ པཱུ་ཛཱ་སྭ’ཏི་ཀྐ་མེ;
བྷཱུ་ཏ་བྷཱ་ཝེ པ་སཾ་སཱ་ཡཾ, ད་ལ༹ྷ་ཏྠཱ་དོ སི་ཡཱ ཨ་ཏི.
༡༡༨༣. ས་མྦྷཱ་ཝ་ནེ ཙ ག་ར་ཧཱ, པེ་ཀྑཱ་སུ ཙ ས་མུ་ཙྩ་ཡེ;
པ་ཉྷེ སཾ་ཝ་ར་ཎེ ཙེ་ཝ, ཨཱ་སཱི་ས་ཏྠེ ཨ་པཱི’རི་ཏཾ.
༡༡༨༤. ནི་དྡེ་སེ ཝ་ཛྫ་ནེ པཱུ་ཛཱ, པ་ག་ཏེ ཝཱ་ར་ཎེ་པི ཙ;
པ་དུ་སྶ་ནེ ཙ ག་ར་ཧཱ, ཙོ་རི་ཀཱ’དོ སི་ཡཱ ཨ་པ.
༡༡༨༥. ས་མཱི་པ་པཱུ་ཛཱ སཱ་དི་སྶ, དོ་ས་ཀྑཱ་ནོ’པ་པ་ཏྟི་སུ;
བྷུ་ས་ཏྟོ’པ་ག་མཱ’དྷི་ཀྱ, པུ་བྦ་ཀ་མྨ་ནི་ཝ་ཏྟི་སུ;
ག་ཡ྄ཧཱ་ཀཱ་རོ’པ་རི་ཏྟེ་སུ, ཨུ་པེ’ཏྱ [ཨུ་པེ་ཏྱ=ཨུ་པ+ཨི་ཏི]’ན་ས་ནཱ’དི་ཀེ.
༡༡༨༦. ཨེ་ཝཾ ནི་ད་སྶ་ནཱ’ཀཱ་རོ, པ་མཱ་སུ ས་མྤ་ཧཾ་ས་ནེ;
ཨུ་པ་དེ་སེ ཙ ཝ་ཙ་ན, པ་ཊི་གྒཱ་ཧེ’ཝ་དྷཱ་ར་ཎེ;
ག་ར་ཧཱ་ཡེ’ད་མ་ཏྠེ ཙ, པ་རི་མཱ་ནེ ཙ པུ་ཙྪ་ནེ.
༡༡༨༧. ས་མུ་ཙྩ་ཡེ ས་མཱ་ཧཱ་རེ, ནྭཱ་ཙ་ཡེ ཙེ’ཏ་རཱི་ཏ་རེ;
པ་ད་པཱུ་ར་ཎ་མ་ཏྟེ ཙ, ཙས་དྡོ ཨ་ཝ་དྷཱ་ར་ཎེ.
༡༡༨༨. ཨི་ཏི ཧེ་ཏུ་པ་ཀཱ་རེ་སུ, ཨཱ་དི་མྷི ཙཱ’ཝ་དྷཱ་ར་ཎེ;
ནི་ད་སྶ་ནེ པ་ད་ཏྠ་སྶ, ཝི་པ་ལླཱ་སེ ས་མཱ་པ་ནེ.
༡༡༨༩. ས་མུ་ཙྩ་ཡེ ཙོ’པ་མཱ་ཡཾ, སཾ་ས་ཡེ པ་ད་པཱུ་ར་ཎེ;
ཝ་ཝ་ཏྠི་ཏ་ཝི་བྷཱ་སཱ་ཡཾ, ཝཱ’ཝ་སྶ་གྒེ ཝི་ཀ་པྤ་ནེ.
༡༡༩༠. བྷཱུ་ས་ནེ ཝཱ་ར་ཎེ ཙཱ’ལཾ, ཝུ་ཙྩ་ཏེ པ་རི་ཡ་ཏྟི་ཡཾ;
ཨ་ཐོ’ཐཱ’ན་ནྟ་རཱ’ར་མྦྷ, པ་ཉྷེ་སུ པ་ད་པཱུ་ར་ཎེ.
༡༡༩༡. པ་སཾ་སཱ་ག་ར་ཧཱ་ས་ཉྙཱ, སཱི་ཀཱ་རཱ་དོ [སྭཱི་ཀཱ་ར (ཊཱི.)] པི ནཱ་མ ཐ;
ནི་ཙྪ་ཡེ ཙཱ’ནུ་མཱ་ན་སྨིཾ, སི་ཡཱ ནཱུ་ན ཝི་ཏ་ཀྐ་ནེ.
༡༡༩༢. པུ་ཙྪཱ’ཝ་དྷཱ་ར་ཎཱ’ནུ་ཉྙཱ, སཱ་ནྟྭ་ནཱ’ལ་པ་ནེ [ས་ནྟ་ནཱ་ལ་པ་ནེ (ཀ.)] ན་ནུ;
ཝ་ཏེ’ཀཾ་ས, ད་ཡཱ, ཧཱ་ས, ཁེ་དཱ’ལ་པ་ན, ཝི་མྷ་ཡེ.
༡༡༩༣. ཝཱ་ཀྱཱ་ར་མྦྷ, ཝི་སཱ་དེ་སུ, ཧ་ནྡ ཧཱ་སེ’ནུ་ཀ་མྤ་ནེ;
ཡཱ་ཝ ཏུ ཏཱ་ཝ སཱ་ཀ་ལྱ, མཱ་ནཱ’ཝ་དྷྱ’ཝ་དྷཱ་ར་ཎེ.
༡༡༩༤. པཱ་ཙཱི, པུ་ར, ངྒ་ཏོ་ཏྠེ་སུ, པུ་ར་ཏྠཱ པ་ཋ་མེ པྱ་ཐ;
པ་བ་ནྡྷེ ཙ ཙི་རཱ་ཏཱི་ཏེ, ནི་ཀ་ཊཱ་གཱ་མི་ཀེ པུ་རཱ.
༡༡༩༥. ནི་སེ་དྷ་ཝཱ་ཀྱཱ་ལ་ངྐཱ་རཱ, ཝ་དྷཱ་ར་ཎ་པ་སི་དྡྷི་སུ;
ཁ་ལྭཱ’ས་ནྣེ ཏུ ཨ་བྷི་ཏོ-
བྷི་མུ་ཁོ’བྷ་ཡ་ཏོ་དི་ཀེ.
༡༡༩༦. ཀཱ་མཾ ཡ་དྱ་པི་ས་དྡ་ཏྠེ, ཨེ་ཀཾ་ས་ཏྠེ ཙ དི་སྶ་ཏི;
ཨ་ཐོ པ་ན ཝི་སེ་ས་སྨིཾ, ཏ་ཐེ་ཝ པ་ད་པཱུ་ར་ཎེ.
༡༡༩༧. ཧི ཀཱ་ར་ཎེ ཝི་སེ་སཱ’ཝ, དྷཱ་ར་ཎེ པ་ད་པཱུ་ར་ཎེ;
ཏུ ཧེ་ཏུ་ཝ་ཛྫེ ཏ་ཏྠཱ’ཐ, ཀུ པཱ་པེ’ས་ཏྠ’ཀུ་ཙྪ་ནེ.
༡༡༩༨. ནུ སཾ་ས་ཡེ ཙ པ་ཉྷེ ཐ, ནཱ་ནཱ’ ནེ་ཀ་ཏྠ ཝ་ཛྫ་ནེ;
ཀིཾ ཏུ པུ་ཙྪཱ་ཛི་གུ་ཙྪཱ་སུ, ཀཾ ཏུ ཝཱ་རི་མྷི མུ་དྡྷ་ནི.
༡༡༩༩. ཨ་མཱ ས་ཧ་ས་མཱི་པེ ཐ, བྷེ་དེ ཨ་པྤ་ཋ་མེ པུ་ན;
ཀི་རཱ’ནུ་སྶ་ཝཱ’རུ་ཙི་སུ, ཨུ་དཱ’པྱ་ཏྠེ ཝི་ཀ་པྤ་ནེ.
༡༢༠༠. པ་ཏཱི་ཙཱི ཙ་རི་མེ པ་ཙྪཱ, སཱ་མི ཏྭ་དྡྷེ ཛི་གུ་ཙྪ་ནེ;
པ་ཀཱ་སེ ས་མྦྷ་ཝེ པཱ་ཏུ,
ཨ་ཉྙོ་ཉྙེ ཏུ ར་ཧོ མི་ཐོ.