༡༡. ཨ་བྷ་བྦ་སུ་ཏྟཾ

༦༢. ‘‘ན་ཝ, བྷི་ཀྑ་ཝེ, དྷ་མྨེ ཨ་པྤ་ཧཱ་ཡ ཨ་བྷ་བྦོ ཨ་ར་ཧ་ཏྟཾ ས་ཙྪི་ཀཱ་ཏུཾ. ཀ་ཏ་མེ ན་ཝ? རཱ་གཾ, དོ་སཾ, མོ་ཧཾ, ཀོ་དྷཾ, ཨུ་པ་ནཱ་ཧཾ, མ་ཀྑཾ, པ་ལཱ༹་སཾ, ཨི་སྶཾ, མ་ཙྪ་རི་ཡཾ – ཨི་མེ ཁོ, བྷི་ཀྑ་ཝེ, ན་ཝ དྷ་མྨེ ཨ་པྤ་ཧཱ་ཡ ཨ་བྷ་བྦོ ཨ་ར་ཧ་ཏྟཾ ས་ཙྪི་ཀཱ་ཏུཾ.

‘‘ན་ཝ, བྷི་ཀྑ་ཝེ, དྷ་མྨེ པ་ཧཱ་ཡ བྷ་བྦོ ཨ་ར་ཧ་ཏྟཾ ས་ཙྪི་ཀཱ་ཏུཾ. ཀ་ཏ་མེ ན་ཝ? རཱ་གཾ, དོ་སཾ, མོ་ཧཾ, ཀོ་དྷཾ, ཨུ་པ་ནཱ་ཧཾ, མ་ཀྑཾ, པ་ལཱ༹་སཾ, ཨི་སྶཾ, མ་ཙྪ་རི་ཡཾ – ཨི་མེ ཁོ, བྷི་ཀྑ་ཝེ, ན་ཝ དྷ་མྨེ པ་ཧཱ་ཡ བྷ་བྦོ ཨ་ར་ཧ་ཏྟཾ ས་ཙྪི་ཀཱ་ཏུ’’ནྟི. ཨེ་ཀཱ་ད་ས་མཾ.

ཁེ་མ་ཝ་གྒོ པ་ཋ་མོ.