༥. པ་ཉྙཱ་སུ་ཏྟཾ

༢༥. ‘‘ཡ་ཏོ ཁོ, བྷི་ཀྑ་ཝེ, བྷི་ཀྑུ་ནོ པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི, ཏ་སྶེ་ཏཾ, བྷི་ཀྑ་ཝེ, བྷི་ཀྑུ་ནོ ཀ་ལླཾ ཝ་ཙ་ནཱ་ཡ – ‘ཁཱི་ཎཱ ཛཱ་ཏི, ཝུ་སི་ཏཾ བྲ་ཧྨ་ཙ་རི་ཡཾ, ཀ་ཏཾ ཀ་ར་ཎཱི་ཡཾ, ནཱ་པ་རཾ ཨི་ཏྠ་ཏྟཱ་ཡཱ་ཏི པ་ཛཱ་ནཱ་མཱི’’’ཏི.

‘‘ཀ་ཐ་ཉྩ, བྷི་ཀྑ་ཝེ, བྷི་ཀྑུ་ནོ པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི? ‘ཝཱི་ཏ་རཱ་གཾ མེ ཙི་ཏྟ’ནྟི པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི; ‘ཝཱི་ཏ་དོ་སཾ མེ ཙི་ཏྟ’ནྟི པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི; ‘ཝཱི་ཏ་མོ་ཧཾ མེ ཙི་ཏྟ’ནྟི པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི; ‘ཨ་ས་རཱ་ག་དྷ་མྨཾ མེ ཙི་ཏྟ’ནྟི པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི; ‘ཨ་ས་དོ་ས་དྷ་མྨཾ མེ ཙི་ཏྟ’ནྟི པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི; ‘ཨ་ས་མོ་ཧ་དྷ་མྨཾ མེ ཙི་ཏྟ’ནྟི པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི; ‘ཨ་ནཱ་ཝ་ཏྟི་དྷ་མྨཾ མེ ཙི་ཏྟཾ ཀཱ་མ་བྷ་ཝཱ་ཡཱ’ཏི པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི; ‘ཨ་ནཱ་ཝ་ཏྟི་དྷ་མྨཾ མེ ཙི་ཏྟཾ རཱུ་པ་བྷ་ཝཱ་ཡཱ’ཏི པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི; ‘ཨ་ནཱ་ཝ་ཏྟི་དྷ་མྨཾ མེ ཙི་ཏྟཾ ཨ་རཱུ་པ་བྷ་ཝཱ་ཡཱ’ཏི པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི. ཡ་ཏོ ཁོ, བྷི་ཀྑ་ཝེ, བྷི་ཀྑུ་ནོ པ་ཉྙཱ་ཡ ཙི་ཏྟཾ སུ་པ་རི་ཙི་ཏཾ ཧོ་ཏི, ཏ་སྶེ་ཏཾ, བྷི་ཀྑ་ཝེ, བྷི་ཀྑུ་ནོ ཀ་ལླཾ ཝ་ཙ་ནཱ་ཡ – ‘ཁཱི་ཎཱ ཛཱ་ཏི, ཝུ་སི་ཏཾ བྲ་ཧྨ་ཙ་རི་ཡཾ, ཀ་ཏཾ ཀ་ར་ཎཱི་ཡཾ, ནཱ་པ་རཾ ཨི་ཏྠ་ཏྟཱ་ཡཱ་ཏི པ་ཛཱ་ནཱ་མཱི’’’ཏི. པ་ཉྩ་མཾ.