༡. ཏི་ཋཱ་ན་སུ་ཏྟཾ

༢༡. ‘‘ཏཱི་ཧི, བྷི་ཀྑ་ཝེ, ཋཱ་ནེ་ཧི ཨུ་ཏྟ་ར་ཀུ་རུ་ཀཱ མ་ནུ་སྶཱ དེ་ཝེ ཙ ཏཱ་ཝ་ཏིཾ་སེ ཨ་དྷི་གྒ་ཎྷ་ནྟི ཛ་མྦུ་དཱི་པ་ཀེ ཙ མ་ནུ་སྶེ. ཀ་ཏ་མེ་ཧི ཏཱི་ཧི? ཨ་མ་མཱ, ཨ་པ་རི་གྒ་ཧཱ, ནི་ཡ་ཏཱ་ཡུ་ཀཱ, ཝི་སེ་ས་གུ་ཎཱ [ཝི་སེ་ས་བྷུ་ནོ (སཱི. སྱཱ. པཱི.)] – ཨི་མེ་ཧི ཁོ, བྷི་ཀྑ་ཝེ, ཏཱི་ཧི ཋཱ་ནེ་ཧི ཨུ་ཏྟ་ར་ཀུ་རུ་ཀཱ མ་ནུ་སྶཱ དེ་ཝེ ཙ ཏཱ་ཝ་ཏིཾ་སེ ཨ་དྷི་གྒ་ཎྷ་ནྟི ཛ་མྦུ་དཱི་པ་ཀེ ཙ མ་ནུ་སྶེ.

‘‘ཏཱི་ཧི, བྷི་ཀྑ་ཝེ, ཋཱ་ནེ་ཧི དེ་ཝཱ ཏཱ་ཝ་ཏིཾ་སཱ ཨུ་ཏྟ་ར་ཀུ་རུ་ཀེ ཙ མ་ནུ་སྶེ ཨ་དྷི་གྒ་ཎྷ་ནྟི ཛ་མྦུ་དཱི་པ་ཀེ ཙ མ་ནུ་སྶེ. ཀ་ཏ་མེ་ཧི ཏཱི་ཧི? དི་བྦེ་ན ཨཱ་ཡུ་ནཱ, དི་བྦེ་ན ཝ་ཎྞེ་ན, དི་བྦེ་ན སུ་ཁེ་ན – ཨི་མེ་ཧི ཁོ, བྷི་ཀྑ་ཝེ, ཏཱི་ཧི ཋཱ་ནེ་ཧི དེ་ཝཱ ཏཱ་ཝ་ཏིཾ་སཱ ཨུ་ཏྟ་ར་ཀུ་རུ་ཀེ ཙ མ་ནུ་སྶེ ཨ་དྷི་གྒ་ཎྷ་ནྟི ཛ་མྦུ་དཱི་པ་ཀེ ཙ མ་ནུ་སྶེ.

[ཀ་ཐཱ. ༢༧༡] ‘‘ཏཱི་ཧི, བྷི་ཀྑ་ཝེ, ཋཱ་ནེ་ཧི ཛ་མྦུ་དཱི་པ་ཀཱ མ་ནུ་སྶཱ ཨུ་ཏྟ་ར་ཀུ་རུ་ཀེ ཙ མ་ནུ་སྶེ ཨ་དྷི་གྒ་ཎྷ་ནྟི དེ་ཝེ ཙ ཏཱ་ཝ་ཏིཾ་སེ. ཀ་ཏ་མེ་ཧི ཏཱི་ཧི? སཱུ་རཱ, ས་ཏི་མ་ནྟོ, ཨི་དྷ བྲ་ཧྨ་ཙ་རི་ཡ་ཝཱ་སོ – ཨི་མེ་ཧི ཁོ, བྷི་ཀྑ་ཝེ, ཏཱི་ཧི ཋཱ་ནེ་ཧི ཛ་མྦུ་དཱི་པ་ཀཱ མ་ནུ་སྶཱ ཨུ་ཏྟ་ར་ཀུ་རུ་ཀེ ཙ མ་ནུ་སྶེ ཨ་དྷི་གྒ་ཎྷ་ནྟི དེ་ཝེ ཙ ཏཱ་ཝ་ཏིཾ་སེ’’ཏི. པ་ཋ་མཾ.