༢. ནི་སྶ་ཡ་སུ་ཏྟཾ

༢. ཨ་ཐ ཁོ ཨ་ཉྙ་ཏ་རོ བྷི་ཀྑུ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ…པེ… ཨེ་ཀ་མ་ནྟཾ ནི་སི་ནྣོ ཁོ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘‘ནི་སྶ་ཡ་ས་མྤ་ནྣོ ནི་སྶ་ཡ་ས་མྤ་ནྣོ’ཏི, བྷ་ནྟེ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, བྷ་ནྟེ, བྷི་ཀྑུ ནི་སྶ་ཡ་ས་མྤ་ནྣོ ཧོ་ཏཱི’’ཏི? ‘‘ས་དྡྷཾ ཙེ, བྷི་ཀྑུ, བྷི་ཀྑུ ནི་སྶཱ་ཡ ཨ་ཀུ་ས་ལཾ པ་ཛ་ཧ་ཏི ཀུ་ས་ལཾ བྷཱ་ཝེ་ཏི, པ་ཧཱི་ན་མེ་ཝ་སྶ ཏཾ ཨ་ཀུ་ས་ལཾ ཧོ་ཏི. ཧི་རིཾ ཙེ, བྷི་ཀྑུ, བྷི་ཀྑུ ནི་སྶཱ་ཡ…པེ… ཨོ་ཏྟ་པྤཾ ཙེ, བྷི་ཀྑུ, བྷི་ཀྑུ ནི་སྶཱ་ཡ…པེ… ཝཱི་རི་ཡཾ ཙེ, བྷི་ཀྑུ, བྷི་ཀྑུ ནི་སྶཱ་ཡ…པེ… པ་ཉྙཾ ཙེ, བྷི་ཀྑུ, བྷི་ཀྑུ ནི་སྶཱ་ཡ ཨ་ཀུ་ས་ལཾ པ་ཛ་ཧ་ཏི ཀུ་ས་ལཾ བྷཱ་ཝེ་ཏི, པ་ཧཱི་ན་མེ་ཝ་སྶ ཏཾ ཨ་ཀུ་ས་ལཾ ཧོ་ཏི. ཏཾ ཧི་སྶ བྷི་ཀྑུ་ནོ ཨ་ཀུ་ས་ལཾ པ་ཧཱི་ནཾ ཧོ་ཏི སུ་པྤ་ཧཱི་ནཾ, ཡཾ་ས ཨ་རི་ཡཱ་ཡ པ་ཉྙཱ་ཡ དི་སྭཱ པ་ཧཱི་ནཾ’’.

‘‘ཏེ་ན ཙ པ་ན, བྷི་ཀྑུ, བྷི་ཀྑུ་ནཱ ཨི་མེ་སུ པ་ཉྩ་སུ དྷ་མྨེ་སུ པ་ཏི་ཊྛཱ་ཡ ཙ་ཏྟཱ་རོ ཨུ་པ་ནི་སྶཱ་ཡ ཝི་ཧཱ་ཏ་བྦཱ. ཀ་ཏ་མེ ཙ་ཏྟཱ་རོ? ཨི་དྷ, བྷི་ཀྑུ, བྷི་ཀྑུ ས་ངྑཱ་ཡེ་ཀཾ པ་ཊི་སེ་ཝ་ཏི, ས་ངྑཱ་ཡེ་ཀཾ ཨ་དྷི་ཝཱ་སེ་ཏི, ས་ངྑཱ་ཡེ་ཀཾ པ་རི་ཝ་ཛྫེ་ཏི, ས་ངྑཱ་ཡེ་ཀཾ ཝི་ནོ་དེ་ཏི. ཨེ་ཝཾ ཁོ, བྷི་ཀྑུ, བྷི་ཀྑུ ནི་སྶ་ཡ་ས་མྤ་ནྣོ ཧོ་ཏཱི’’ཏི. དུ་ཏི་ཡཾ.