༩. པ་ཋ་མ་པུ་གྒ་ལ་སུ་ཏྟཾ

༥༩. ‘‘ཨ་ཊྛི་མེ བྷི་ཀྑ་ཝེ, པུ་གྒ་ལཱ ཨཱ་ཧུ་ནེ་ཡྻཱ པཱ་ཧུ་ནེ་ཡྻཱ ད་ཀྑི་ཎེ་ཡྻཱ ཨ་ཉྫ་ལི་ཀ་ར་ཎཱི་ཡཱ ཨ་ནུ་ཏྟ་རཾ པུ་ཉྙ་ཀྑེ་ཏྟཾ ལོ་ཀ་སྶ? ཀ་ཏ་མེ ཨ་ཊྛ? སོ་ཏཱ་པ་ནྣོ, སོ་ཏཱ་པ་ཏྟི་ཕ་ལ་ས་ཙྪི་ཀི་རི་ཡཱ་ཡ པ་ཊི་པ་ནྣོ, ས་ཀ་དཱ་གཱ་མཱི, ས་ཀ་དཱ་གཱ་མི་ཕ་ལ་ས་ཙྪི་ཀི་རི་ཡཱ་ཡ པ་ཊི་པ་ནྣོ, ཨ་ནཱ་གཱ་མཱི, ཨ་ནཱ་གཱ་མི་ཕ་ལ་ས་ཙྪི་ཀི་རི་ཡཱ་ཡ པ་ཊི་པ་ནྣོ, ཨ་ར་ཧཱ, ཨ་ར་ཧ་ཏྟཱ་ཡ པ་ཊི་པ་ནྣོ. ཨི་མེ ཁོ, བྷི་ཀྑ་ཝེ, ཨ་ཊྛ པུ་གྒ་ལཱ ཨཱ་ཧུ་ནེ་ཡྻཱ…པེ… ཨ་ནུ་ཏྟ་རཾ པུ་ཉྙ་ཀྑེ་ཏྟཾ ལོ་ཀ་སྶཱ’’ཏི.

‘‘ཙ་ཏྟཱ་རོ ཙ པ་ཊི་པ་ནྣཱ, ཙ་ཏྟཱ་རོ ཙ ཕ་ལེ ཋི་ཏཱ;

ཨེ་ས ས་ངྒྷོ ཨུ་ཛུ་བྷཱུ་ཏོ, པ་ཉྙཱ་སཱི་ལ་ས་མཱ་ཧི་ཏོ.

‘‘ཡ་ཛ་མཱ་ནཱ་ནཾ མ་ནུ་སྶཱ་ནཾ, པུ་ཉྙ་པེ་ཀྑཱ་ན པཱ་ཎི་ནཾ;

ཀ་རོ་ཏཾ ཨོ་པ་དྷི་ཀཾ པུ་ཉྙཾ, ས་ངྒྷེ དི་ནྣཾ མ་ཧ་པྥ་ལ’’ནྟི. ན་ཝ་མཾ;