༡༠. དུ་ཏི་ཡ་པུ་གྒ་ལ་སུ་ཏྟཾ

༦༠. ‘‘ཨ་ཊྛི་མེ, བྷི་ཀྑ་ཝེ, པུ་གྒ་ལཱ ཨཱ་ཧུ་ནེ་ཡྻཱ…པེ… ཨ་ནུ་ཏྟ་རཾ པུ་ཉྙ་ཀྑེ་ཏྟཾ ལོ་ཀ་སྶ. ཀ་ཏ་མེ ཨ་ཊྛ? སོ་ཏཱ་པ་ནྣོ, སོ་ཏཱ་པ་ཏྟི་ཕ་ལ་ས་ཙྪི་ཀི་རི་ཡཱ་ཡ པ་ཊི་པ་ནྣོ…པེ… ཨ་ར་ཧཱ, ཨ་ར་ཧ་ཏྟཱ་ཡ པ་ཊི་པ་ནྣོ. ཨི་མེ ཁོ, བྷི་ཀྑ་ཝེ, ཨ་ཊྛ པུ་གྒ་ལཱ ཨཱ་ཧུ་ནེ་ཡྻཱ…པེ… ཨ་ནུ་ཏྟ་རཾ པུ་ཉྙ་ཀྑེ་ཏྟཾ ལོ་ཀ་སྶཱ’’ཏི.

‘‘ཙ་ཏྟཱ་རོ ཙ པ་ཊི་པ་ནྣཱ, ཙ་ཏྟཱ་རོ ཙ ཕ་ལེ ཋི་ཏཱ;

ཨེ་ས ས་ངྒྷོ ས་མུ་ཀྐ་ཊྛོ, ས་ཏྟཱ་ནཾ ཨ་ཊྛ པུ་གྒ་ལཱ.

‘‘ཡ་ཛ་མཱ་ནཱ་ནཾ མ་ནུ་སྶཱ་ནཾ, པུ་ཉྙ་པེ་ཀྑཱ་ན པཱ་ཎི་ནཾ;

ཀ་རོ་ཏཾ ཨོ་པ་དྷི་ཀཾ པུ་ཉྙཾ, ཨེ་ཏྠ དི་ནྣཾ མ་ཧ་པྥ་ལ’’ནྟི. ད་ས་མཾ;

གོ་ཏ་མཱི་ཝ་གྒོ པ་ཋ་མོ.