༥. པ་ཋ་མ་ལོ་ཀ་དྷ་མྨ་སུ་ཏྟཾ

༥. ‘‘ཨ་ཊྛི་མེ, བྷི་ཀྑ་ཝེ, ལོ་ཀ་དྷ་མྨཱ ལོ་ཀཾ ཨ་ནུ་པ་རི་ཝ་ཏྟ་ནྟི, ལོ་ཀོ ཙ ཨ་ཊྛ ལོ་ཀ་དྷ་མྨེ ཨ་ནུ་པ་རི་ཝ་ཏྟ་ཏི. ཀ་ཏ་མེ ཨ་ཊྛ? ལཱ་བྷོ ཙ, ཨ་ལཱ་བྷོ ཙ, ཡ་སོ ཙ, ཨ་ཡ་སོ ཙ, ནི་ནྡཱ ཙ, པ་སཾ་སཱ ཙ, སུ་ཁ་ཉྩ, དུ་ཀྑ་ཉྩ. ཨི་མེ ཁོ, བྷི་ཀྑ་ཝེ, ཨ་ཊྛ ལོ་ཀ་དྷ་མྨཱ ལོ་ཀཾ ཨ་ནུ་པ་རི་ཝ་ཏྟ་ནྟི, ལོ་ཀོ ཙ ཨི་མེ ཨ་ཊྛ ལོ་ཀ་དྷ་མྨེ ཨ་ནུ་པ་རི་ཝ་ཏྟ་ཏཱི’’ཏི.

‘‘ལཱ་བྷོ ཨ་ལཱ་བྷོ ཙ ཡ་སཱ་ཡ་སོ ཙ,

ནི་ནྡཱ པ་སཾ་སཱ ཙ སུ་ཁཾ དུ་ཁ་ཉྩ;

ཨེ་ཏེ ཨ་ནི་ཙྩཱ མ་ནུ་ཛེ་སུ དྷ་མྨཱ,

ཨ་ས་སྶ་ཏཱ ཝི་པ་རི་ཎཱ་མ་དྷ་མྨཱ.

‘‘ཨེ་ཏེ ཙ ཉ་ཏྭཱ ས་ཏི་མཱ སུ་མེ་དྷོ,

ཨ་ཝེ་ཀྑ་ཏི ཝི་པ་རི་ཎཱ་མ་དྷ་མྨེ;

ཨི་ཊྛ་སྶ དྷ་མྨཱ ན མ་ཐེ་ནྟི ཙི་ཏྟཾ,

ཨ་ནི་ཊྛ་ཏོ ནོ པ་ཊི་གྷཱ་ཏ་མེ་ཏི.

‘‘ཏ་སྶཱ་ནུ་རོ་དྷཱ ཨ་ཐ ཝཱ ཝི་རོ་དྷཱ,

ཝི་དྷཱུ་པི་ཏཱ ཨ་ཏྠ་ངྒ་ཏཱ ན ས་ནྟི;

པ་ད་ཉྩ ཉ་ཏྭཱ ཝི་ར་ཛཾ ཨ་སོ་ཀཾ,

ས་མྨ་པྤ་ཛཱ་ནཱ་ཏི བྷ་ཝ་སྶ པཱ་ར་གཱུ’’ཏི. པ་ཉྩ་མཾ;