༣. པ་ཋ་མ་སོ་ཝ་ཙ་སྶ་ཏཱ་སུ་ཏྟཾ

༣༤. ‘‘ཨི་མཾ, བྷི་ཀྑ་ཝེ, ར་ཏྟིཾ ཨ་ཉྙ་ཏ་རཱ དེ་ཝ་ཏཱ…པེ… མཾ ཨེ་ཏ་ད་ཝོ་ཙ – ‘ས་ཏྟི་མེ, བྷ་ནྟེ, དྷ་མྨཱ བྷི་ཀྑུ་ནོ ཨ་པ་རི་ཧཱ་ནཱ་ཡ སཾ་ཝ་ཏྟ་ནྟི. ཀ་ཏ་མེ ས་ཏྟ? ས་ཏྠུ་གཱ་ར་ཝ་ཏཱ, དྷ་མྨ་གཱ་ར་ཝ་ཏཱ, ས་ངྒྷ་གཱ་ར་ཝ་ཏཱ, སི་ཀྑཱ་གཱ་ར་ཝ་ཏཱ, ས་མཱ་དྷི་གཱ་ར་ཝ་ཏཱ, སོ་ཝ་ཙ་སྶ་ཏཱ, ཀ་ལྱཱ་ཎ་མི་ཏྟ་ཏཱ. ཨི་མེ ཁོ, བྷ་ནྟེ, ས་ཏྟ དྷ་མྨཱ བྷི་ཀྑུ་ནོ ཨ་པ་རི་ཧཱ་ནཱ་ཡ སཾ་ཝ་ཏྟ་ནྟཱི’ཏི. ཨི་ད་མ་ཝོ་ཙ, བྷི་ཀྑ་ཝེ, སཱ དེ་ཝ་ཏཱ. ཨི་དཾ ཝ་ཏྭཱ མཾ ཨ་བྷི་ཝཱ་དེ་ཏྭཱ པ་ད་ཀྑི་ཎཾ ཀ་ཏྭཱ ཏ་ཏྠེ་ཝ་ནྟ་ར་དྷཱ་ཡཱི’’ཏི.

‘‘ས་ཏྠུ་ག་རུ དྷ་མྨ་ག་རུ, ས་ངྒྷེ ཙ ཏི་བྦ་གཱ་ར་ཝོ;

ས་མཱ་དྷི་ག་རུ ཨཱ་ཏཱ་པཱི, སི་ཀྑཱ་ཡ ཏི་བྦ་གཱ་ར་ཝོ.

‘‘ཀ་ལྱཱ་ཎ་མི་ཏྟོ སུ་ཝ་ཙོ, ས་པྤ་ཏི་སྶོ ས་གཱ་ར་ཝོ;

ཨ་བྷ་བྦོ པ་རི་ཧཱ་ནཱ་ཡ, ནི་བྦཱ་ན་སྶེ་ཝ ས་ནྟི་ཀེ’’ཏི. ཏ་ཏི་ཡཾ;