༡༠. དུ་ཏི་ཡ་ཝ་ས་སུ་ཏྟཾ

༤༡. ‘‘ས་ཏྟ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ སཱ་རི་པུ་ཏྟོ ཙི་ཏྟཾ ཝ་སེ ཝ་ཏྟེ་ཏི, ནོ ཙ སཱ་རི་པུ་ཏྟོ ཙི་ཏྟ་སྶ ཝ་སེ་ན ཝ་ཏྟ་ཏི. ཀ་ཏ་མེ་ཧི ས་ཏྟ་ཧི? ཨི་དྷ, བྷི་ཀྑ་ཝེ, སཱ་རི་པུ་ཏྟོ ས་མཱ་དྷི་ཀུ་ས་ལོ ཧོ་ཏི, ས་མཱ་དྷི་སྶ ས་མཱ་པ་ཏྟི་ཀུ་ས་ལོ, ས་མཱ་དྷི་སྶ ཋི་ཏི་ཀུ་ས་ལོ, ས་མཱ་དྷི་སྶ ཝུ་ཊྛཱ་ན་ཀུ་ས་ལོ, ས་མཱ་དྷི་སྶ ཀ་ལྱཱ་ཎ་ཀུ་ས་ལོ, ས་མཱ་དྷི་སྶ གོ་ཙ་ར་ཀུ་ས་ལོ, ས་མཱ་དྷི་སྶ ཨ་བྷི་ནཱི་ཧཱ་ར་ཀུ་ས་ལོ ཧོ་ཏི. ཨི་མེ་ཧི ཁོ, བྷི་ཀྑ་ཝེ, ས་ཏྟ་ཧི དྷ་མྨེ་ཧི ས་མ་ནྣཱ་ག་ཏོ སཱ་རི་པུ་ཏྟོ ཙི་ཏྟཾ ཝ་སེ ཝ་ཏྟེ་ཏི, ནོ ཙ སཱ་རི་པུ་ཏྟོ ཙི་ཏྟ་སྶ ཝ་སེ་ན ཝ་ཏྟ་ཏཱི’’ཏི. ད་ས་མཾ.