༤. དུ་ཏི་ཡ་ས་ཏྟ་ཀ་སུ་ཏྟཾ

༢༤. [དཱི. ནི. ༢.༡༣༨] ‘‘ས་ཏྟ ཝོ, བྷི་ཀྑ་ཝེ, ཨ་པ་རི་ཧཱ་ནི་ཡེ དྷ་མྨེ དེ་སེ་སྶཱ་མི. ཏཾ སུ་ཎཱ་ཐ, སཱ་དྷུ་ཀཾ མ་ན་སི ཀ་རོ་ཐ…པེ… ཀ་ཏ་མེ ཙ, བྷི་ཀྑ་ཝེ, ས་ཏྟ ཨ་པ་རི་ཧཱ་ནི་ཡཱ དྷ་མྨཱ?

ཡཱ་ཝ་ཀཱི་ཝ་ཉྩ, བྷི་ཀྑ་ཝེ, བྷི་ཀྑཱུ ན ཀ་མྨཱ་རཱ་མཱ བྷ་ཝི་སྶ་ནྟི, ན ཀ་མྨ་ར་ཏཱ, ན ཀ་མྨཱ་རཱ་མ་ཏཾ ཨ་ནུ་ཡུ་ཏྟཱ; ཝུ་དྡྷི་ཡེ་ཝ, བྷི་ཀྑ་ཝེ, བྷི་ཀྑཱུ་ནཾ པཱ་ཊི་ཀ་ངྑཱ, ནོ པ་རི་ཧཱ་ནི.

‘‘ཡཱ་ཝ་ཀཱི་ཝ་ཉྩ, བྷི་ཀྑ་ཝེ, བྷི་ཀྑཱུ ན བྷ་སྶཱ་རཱ་མཱ བྷ་ཝི་སྶ་ནྟི…པེ… ན ནི་དྡཱ་རཱ་མཱ བྷ་ཝི་སྶ་ནྟི… ན ས་ངྒ་ཎི་ཀཱ་རཱ་མཱ བྷ་ཝི་སྶ་ནྟི… ན པཱ་པི་ཙྪཱ བྷ་ཝི་སྶ་ནྟི ན པཱ་པི་ཀཱ་ནཾ ཨི་ཙྪཱ་ནཾ ཝ་སཾ ག་ཏཱ… ན པཱ་པ་མི་ཏྟཱ བྷ་ཝི་སྶ་ནྟི ན པཱ་པ་ས་ཧཱ་ཡཱ ན པཱ་པ་ས་མྤ་ཝ་ངྐཱ… ན ཨོ་ར་མ་ཏྟ་ཀེ་ན ཝི་སེ་སཱ་དྷི་ག་མེ་ན ཨ་ནྟ་རཱ་ཝོ་སཱ་ནཾ ཨཱ་པ་ཛྫི་སྶ་ནྟི; ཝུ་དྡྷི་ཡེ་ཝ, བྷི་ཀྑ་ཝེ, བྷི་ཀྑཱུ་ནཾ པཱ་ཊི་ཀ་ངྑཱ, ནོ པ་རི་ཧཱ་ནི.

‘‘ཡཱ་ཝ་ཀཱི་ཝ་ཉྩ, བྷི་ཀྑ་ཝེ, ཨི་མེ ས་ཏྟ ཨ་པ་རི་ཧཱ་ནི་ཡཱ དྷ་མྨཱ བྷི་ཀྑཱུ་སུ ཋ་སྶ་ནྟི, ཨི་མེ་སུ ཙ ས་ཏྟ་སུ ཨ་པ་རི་ཧཱ་ནི་ཡེ་སུ དྷ་མྨེ་སུ བྷི་ཀྑཱུ ས་ནྡི་སྶི་སྶ་ནྟི; ཝུ་དྡྷི་ཡེ་ཝ, བྷི་ཀྑ་ཝེ, བྷི་ཀྑཱུ་ནཾ པཱ་ཊི་ཀ་ངྑཱ, ནོ པ་རི་ཧཱ་ནཱི’’ཏི. ཙ་ཏུ་ཏྠཾ.