༥. དྷཱ་ཏུ་སུ་ཏྟཾ

༡༡༡. ‘‘ཏ་ཡོ་མེ, བྷི་ཀྑ་ཝེ, དྷ་མྨཱ. ཀ་ཏ་མེ ཏ་ཡོ? ཀཱ་མ་དྷཱ་ཏུ, བྱཱ་པཱ་ད་དྷཱ་ཏུ, ཝི་ཧིཾ་སཱ་དྷཱ་ཏུ. ཨི་མེ ཁོ, བྷི་ཀྑ་ཝེ, ཏ་ཡོ དྷ་མྨཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞཾ དྷ་མྨཱ་ནཾ པ་ཧཱ་ནཱ་ཡ ཏ་ཡོ དྷ་མྨཱ བྷཱ་ཝེ་ཏ་བྦཱ. ཀ་ཏ་མེ ཏ་ཡོ? ཀཱ་མ་དྷཱ་ཏུ་ཡཱ པ་ཧཱ་ནཱ་ཡ ནེ་ཀྑ་མྨ་དྷཱ་ཏུ བྷཱ་ཝེ་ཏ་བྦཱ, བྱཱ་པཱ་ད་དྷཱ་ཏུ་ཡཱ པ་ཧཱ་ནཱ་ཡ ཨ་བྱཱ་པཱ་ད་དྷཱ་ཏུ བྷཱ་ཝེ་ཏ་བྦཱ, ཝི་ཧིཾ་སཱ་དྷཱ་ཏུ་ཡཱ པ་ཧཱ་ནཱ་ཡ ཨ་ཝི་ཧིཾ་སཱ་དྷཱ་ཏུ བྷཱ་ཝེ་ཏ་བྦཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞཾ དྷ་མྨཱ་ནཾ པ་ཧཱ་ནཱ་ཡ ཨི་མེ ཏ་ཡོ དྷ་མྨཱ བྷཱ་ཝེ་ཏ་བྦཱ’’ཏི. པ་ཉྩ་མཾ.