༦. ཨ་སྶཱ་ད་སུ་ཏྟཾ

༡༡༢. ‘‘ཏ་ཡོ་མེ, བྷི་ཀྑ་ཝེ, དྷ་མྨཱ. ཀ་ཏ་མེ ཏ་ཡོ? ཨ་སྶཱ་ད་དི་ཊྛི, ཨ་ཏྟཱ་ནུ་དི་ཊྛི, མི་ཙྪཱ་དི་ཊྛི. ཨི་མེ ཁོ, བྷི་ཀྑ་ཝེ, ཏ་ཡོ དྷ་མྨཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞཾ དྷ་མྨཱ་ནཾ པ་ཧཱ་ནཱ་ཡ ཏ་ཡོ དྷ་མྨཱ བྷཱ་ཝེ་ཏ་བྦཱ. ཀ་ཏ་མེ ཏ་ཡོ? ཨ་སྶཱ་ད་དི་ཊྛི་ཡཱ པ་ཧཱ་ནཱ་ཡ ཨ་ནི་ཙྩ་ས་ཉྙཱ བྷཱ་ཝེ་ཏ་བྦཱ, ཨ་ཏྟཱ་ནུ་དི་ཊྛི་ཡཱ པ་ཧཱ་ནཱ་ཡ ཨ་ན་ཏྟ་ས་ཉྙཱ བྷཱ་ཝེ་ཏ་བྦཱ, མི་ཙྪཱ་དི་ཊྛི་ཡཱ པ་ཧཱ་ནཱ་ཡ ས་མྨཱ་དི་ཊྛི བྷཱ་ཝེ་ཏ་བྦཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞཾ དྷ་མྨཱ་ནཾ པ་ཧཱ་ནཱ་ཡ ཨི་མེ ཏ་ཡོ དྷ་མྨཱ བྷཱ་ཝེ་ཏ་བྦཱ’’ཏི. ཚ་ཊྛཾ.