༤. ས་ཉྙཱ་སུ་ཏྟཾ

༡༡༠. ‘‘ཏ་ཡོ་མེ, བྷི་ཀྑ་ཝེ, དྷ་མྨཱ. ཀ་ཏ་མེ ཏ་ཡོ? ཀཱ་མ་ས་ཉྙཱ, བྱཱ་པཱ་ད་ས་ཉྙཱ, ཝི་ཧིཾ་སཱ་ས་ཉྙཱ. ཨི་མེ ཁོ, བྷི་ཀྑ་ཝེ, ཏ་ཡོ དྷ་མྨཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞཾ དྷ་མྨཱ་ནཾ པ་ཧཱ་ནཱ་ཡ ཏ་ཡོ དྷ་མྨཱ བྷཱ་ཝེ་ཏ་བྦཱ. ཀ་ཏ་མེ ཏ་ཡོ? ཀཱ་མ་ས་ཉྙཱ་ཡ པ་ཧཱ་ནཱ་ཡ ནེ་ཀྑ་མྨ་ས་ཉྙཱ བྷཱ་ཝེ་ཏ་བྦཱ, བྱཱ་པཱ་ད་ས་ཉྙཱ་ཡ པ་ཧཱ་ནཱ་ཡ ཨ་བྱཱ་པཱ་ད་ས་ཉྙཱ བྷཱ་ཝེ་ཏ་བྦཱ, ཝི་ཧིཾ་སཱ་ས་ཉྙཱ་ཡ པ་ཧཱ་ནཱ་ཡ ཨ་ཝི་ཧིཾ་སཱ་ས་ཉྙཱ བྷཱ་ཝེ་ཏ་བྦཱ. ཨི་མེ་སཾ ཁོ, བྷི་ཀྑ་ཝེ, ཏི་ཎྞཾ དྷ་མྨཱ་ནཾ པ་ཧཱ་ནཱ་ཡ ཨི་མེ ཏ་ཡོ དྷ་མྨཱ བྷཱ་ཝེ་ཏ་བྦཱ’’ཏི. ཙ་ཏུ་ཏྠཾ.