༣. མི་ཏྟ་སུ་ཏྟཾ

༦༧. ‘‘‘སོ ཝ་ཏ, བྷི་ཀྑ་ཝེ, བྷི་ཀྑུ པཱ་པ་མི་ཏྟོ པཱ་པ་ས་ཧཱ་ཡོ པཱ་པ་ས་མྤ་ཝ་ངྐོ, པཱ་པ་མི་ཏྟེ [པཱ་པ་ཀེ མི་ཏྟེ (ཀ.)] སེ་ཝ་མཱ་ནོ བྷ་ཛ་མཱ་ནོ པ་ཡི་རུ་པཱ་ས་མཱ་ནོ, ཏེ་ས་ཉྩ དི་ཊྛཱ་ནུ་ག་ཏིཾ ཨཱ་པ་ཛྫ་མཱ་ནོ ཨཱ་བྷི་ས་མཱ་ཙཱ་རི་ཀཾ དྷ་མྨཾ པ་རི་པཱུ་རེ་སྶ་ཏཱི’ཏི ནེ་ཏཾ ཋཱ་ནཾ ཝི་ཛྫ་ཏི. ‘ཨཱ་བྷི་ས་མཱ་ཙཱ་རི་ཀཾ དྷ་མྨཾ ཨ་པ་རི་པཱུ་རེ་ཏྭཱ སེ་ཁཾ དྷ་མྨཾ པ་རི་པཱུ་རེ་སྶ་ཏཱི’ཏི ནེ་ཏཾ ཋཱ་ནཾ ཝི་ཛྫ་ཏི. ‘སེ་ཁཾ དྷ་མྨཾ ཨ་པ་རི་པཱུ་རེ་ཏྭཱ སཱི་ལཱ་ནི པ་རི་པཱུ་རེ་སྶ་ཏཱི’ཏི ནེ་ཏཾ ཋཱ་ནཾ ཝི་ཛྫ་ཏི. ‘སཱི་ལཱ་ནི ཨ་པ་རི་པཱུ་རེ་ཏྭཱ ཀཱ་མ་རཱ་གཾ ཝཱ རཱུ་པ་རཱ་གཾ ཝཱ ཨ་རཱུ་པ་རཱ་གཾ ཝཱ པ་ཛ་ཧི་སྶ་ཏཱི’ཏི ནེ་ཏཾ ཋཱ་ནཾ ཝི་ཛྫ་ཏི.

‘‘‘སོ ཝ་ཏ, བྷི་ཀྑ་ཝེ, བྷི་ཀྑུ ཀ་ལྱཱ་ཎ་མི་ཏྟོ ཀ་ལྱཱ་ཎ་ས་ཧཱ་ཡོ ཀ་ལྱཱ་ཎ་ས་མྤ་ཝ་ངྐོ, ཀ་ལྱཱ་ཎ་མི་ཏྟེ སེ་ཝ་མཱ་ནོ བྷ་ཛ་མཱ་ནོ པ་ཡི་རུ་པཱ་ས་མཱ་ནོ, ཏེ་ས་ཉྩ དི་ཊྛཱ་ནུ་ག་ཏིཾ ཨཱ་པ་ཛྫ་མཱ་ནོ ཨཱ་བྷི་ས་མཱ་ཙཱ་རི་ཀཾ དྷ་མྨཾ པ་རི་པཱུ་རེ་སྶ་ཏཱི’ཏི ཋཱ་ན་མེ་ཏཾ ཝི་ཛྫ་ཏི. ‘ཨཱ་བྷི་ས་མཱ་ཙཱ་རི་ཀཾ དྷ་མྨཾ པ་རི་པཱུ་རེ་ཏྭཱ སེ་ཁཾ དྷ་མྨཾ པ་རི་པཱུ་རེ་སྶ་ཏཱི’ཏི ཋཱ་ན་མེ་ཏཾ ཝི་ཛྫ་ཏི. ‘སེ་ཁཾ དྷ་མྨཾ པ་རི་པཱུ་རེ་ཏྭཱ སཱི་ལཱ་ནི པ་རི་པཱུ་རེ་སྶ་ཏཱི’ཏི ཋཱ་ན་མེ་ཏཾ ཝི་ཛྫ་ཏི. ‘སཱི་ལཱ་ནི པ་རི་པཱུ་རེ་ཏྭཱ ཀཱ་མ་རཱ་གཾ ཝཱ རཱུ་པ་རཱ་གཾ ཝཱ ཨ་རཱུ་པ་རཱ་གཾ ཝཱ པ་ཛ་ཧི་སྶ་ཏཱི’ཏི ཋཱ་ན་མེ་ཏཾ ཝི་ཛྫ་ཏཱི’’ཏི. ཏ་ཏི་ཡཾ.