༣. དུ་ཏི་ཡ་ཨ་པ་རི་ཧཱ་ན་སུ་ཏྟཾ

༣༣. ‘‘ཨི་མཾ, བྷི་ཀྑ་ཝེ, ར་ཏྟིཾ ཨ་ཉྙ་ཏ་རཱ དེ་ཝ་ཏཱ ཨ་བྷི་ཀྐ་ནྟཱ་ཡ ར་ཏྟི་ཡཱ ཨ་བྷི་ཀྐ་ནྟ་ཝ་ཎྞཱ ཀེ་ཝ་ལ་ཀ་པྤཾ ཛེ་ཏ་ཝ་ནཾ ཨོ་བྷཱ་སེ་ཏྭཱ ཡེ་ནཱ་ཧཾ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ མཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏཱ ཁོ, བྷི་ཀྑ་ཝེ, སཱ དེ་ཝ་ཏཱ མཾ ཨེ་ཏ་ད་ཝོ་ཙ – ‘ཚ་ཡི་མེ, བྷ་ནྟེ, དྷ་མྨཱ བྷི་ཀྑུ་ནོ ཨ་པ་རི་ཧཱ་ནཱ་ཡ སཾ་ཝ་ཏྟ་ནྟི. ཀ་ཏ་མེ ཚ? ས་ཏྠུ་གཱ་ར་ཝ་ཏཱ, དྷ་མྨ་གཱ་ར་ཝ་ཏཱ, ས་ངྒྷ་གཱ་ར་ཝ་ཏཱ, སི་ཀྑཱ་གཱ་ར་ཝ་ཏཱ, ཧི་རི་གཱ་ར་ཝ་ཏཱ, ཨོ་ཏྟ་པྤ་གཱ་ར་ཝ་ཏཱ – ཨི་མེ ཁོ, བྷ་ནྟེ, ཚ དྷ་མྨཱ བྷི་ཀྑུ་ནོ ཨ་པ་རི་ཧཱ་ནཱ་ཡ སཾ་ཝ་ཏྟ་ནྟཱི’ཏི. ཨི་ད་མ་ཝོ་ཙ, བྷི་ཀྑ་ཝེ, སཱ དེ་ཝ་ཏཱ. ཨི་དཾ ཝ་ཏྭཱ མཾ ཨ་བྷི་ཝཱ་དེ་ཏྭཱ པ་ད་ཀྑི་ཎཾ ཀ་ཏྭཱ ཏ་ཏྠེ་ཝ་ནྟ་ར་དྷཱ་ཡཱི’’ཏི.

‘‘ས་ཏྠུ་ག་རུ དྷ་མྨ་ག་རུ, ས་ངྒྷེ ཙ ཏི་བྦ་གཱ་ར་ཝོ;

ཧི་རི་ཨོ་ཏྟ་པྤ་ས་མྤ་ནྣོ, ས་པྤ་ཏི་སྶོ ས་གཱ་ར་ཝོ;

ཨ་བྷ་བྦོ པ་རི་ཧཱ་ནཱ་ཡ, ནི་བྦཱ་ན་སྶེ་ཝ ས་ནྟི་ཀེ’’ཏི. ཏ་ཏི་ཡཾ;