༤. ཧི་མ་ཝ་ནྟ་སུ་ཏྟཾ

༢༤. ‘‘ཚ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཧི་མ་ཝ་ནྟཾ པ་བྦ་ཏ་རཱ་ཛཾ པ་དཱ་ལེ་ཡྻ, ཀོ པ་ན ཝཱ་དོ ཚ་ཝཱ་ཡ ཨ་ཝི་ཛྫཱ་ཡ! ཀ་ཏ་མེ་ཧི ཚ་ཧི? ཨི་དྷ, བྷི་ཀྑ་ཝེ, བྷི་ཀྑུ ས་མཱ་དྷི་སྶ ས་མཱ་པ་ཏྟི་ཀུ་ས་ལོ ཧོ་ཏི, ས་མཱ་དྷི་སྶ ཋི་ཏི་ཀུ་ས་ལོ ཧོ་ཏི, ས་མཱ་དྷི་སྶ ཝུ་ཊྛཱ་ན་ཀུ་ས་ལོ ཧོ་ཏི, ས་མཱ་དྷི་སྶ ཀ་ལླི་ཏ་ཀུ་ས་ལོ [ཀ་ལླ་ཏཱ་ཀུ་ས་ལོ (སྱཱ. ཀཾ. ཀ.) སཾ. ནི. ༣.༦༦༥ པ་སྶི་ཏ་བྦཾ] ཧོ་ཏི, ས་མཱ་དྷི་སྶ གོ་ཙ་ར་ཀུ་ས་ལོ ཧོ་ཏི, ས་མཱ་དྷི་སྶ ཨ་བྷི་ནཱི་ཧཱ་ར་ཀུ་ས་ལོ ཧོ་ཏི. ཨི་མེ་ཧི ཁོ, བྷི་ཀྑ་ཝེ, ཚ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཧི་མ་ཝ་ནྟཾ པ་བྦ་ཏ་རཱ་ཛཾ པ་དཱ་ལེ་ཡྻ, ཀོ པ་ན ཝཱ་དོ ཚ་ཝཱ་ཡ ཨ་ཝི་ཛྫཱ་ཡཱ’’ཏི! ཙ་ཏུ་ཏྠཾ.