༢. ཨ་པ་རི་ཧཱ་ནི་ཡ་སུ་ཏྟཾ

༢༢. ‘‘ཚ་ཡི་མེ, བྷི་ཀྑ་ཝེ, ཨ་པ་རི་ཧཱ་ནི་ཡེ དྷ་མྨེ དེ་སེ་སྶཱ་མི, ཏཾ སུ་ཎཱ་ཐ…པེ… ཀ་ཏ་མེ ཙ, བྷི་ཀྑ་ཝེ, ཚ ཨ་པ་རི་ཧཱ་ནི་ཡཱ དྷ་མྨཱ? ན ཀ་མྨཱ་རཱ་མ་ཏཱ, ན བྷ་སྶཱ་རཱ་མ་ཏཱ, ན ནི་དྡཱ་རཱ་མ་ཏཱ, ན ས་ངྒ་ཎི་ཀཱ་རཱ་མ་ཏཱ, སོ་ཝ་ཙ་སྶ་ཏཱ, ཀ་ལྱཱ་ཎ་མི་ཏྟ་ཏཱ – ཨི་མེ ཁོ, བྷི་ཀྑ་ཝེ, ཚ ཨ་པ་རི་ཧཱ་ནི་ཡཱ དྷ་མྨཱ.

‘‘ཡེ ཧི ཀེ་ཙི, བྷི་ཀྑ་ཝེ, ཨ་ཏཱི་ཏ་མ་དྡྷཱ་ནཾ ན པ་རི་ཧཱ་ཡིཾ་སུ ཀུ་ས་ལེ་ཧི དྷ་མྨེ་ཧི, ས་བྦེ་ཏེ ཨི་མེ་ཧེ་ཝ ཚ་ཧི དྷ་མྨེ་ཧི ན པ་རི་ཧཱ་ཡིཾ་སུ ཀུ་ས་ལེ་ཧི དྷ་མྨེ་ཧི. ཡེ་པི ཧི ཀེ་ཙི, བྷི་ཀྑ་ཝེ, ཨ་ནཱ་ག་ཏ་མ་དྡྷཱ་ནཾ ན པ་རི་ཧཱ་ཡི་སྶ་ནྟི ཀུ་ས་ལེ་ཧི དྷ་མྨེ་ཧི, ས་བྦེ་ཏེ ཨི་མེ་ཧེ་ཝ ཚ་ཧི དྷ་མྨེ་ཧི ན པ་རི་ཧཱ་ཡི་སྶ་ནྟི ཀུ་ས་ལེ་ཧི དྷ་མྨེ་ཧི. ཡེ་པི ཧི ཀེ་ཙི, བྷི་ཀྑ་ཝེ, ཨེ་ཏ་ར་ཧི ན པ་རི་ཧཱ་ཡ་ནྟི ཀུ་ས་ལེ་ཧི དྷ་མྨེ་ཧི, ས་བྦེ་ཏེ ཨི་མེ་ཧེ་ཝ ཚ་ཧི དྷ་མྨེ་ཧི ན པ་རི་ཧཱ་ཡ་ནྟི ཀུ་ས་ལེ་ཧི དྷ་མྨེ་ཧཱི’’ཏི. དུ་ཏི་ཡཾ.