༤. བ་ཧུ་བྷཱ་ཎི་སུ་ཏྟཾ

༢༡༤. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ བ་ཧུ་བྷཱ་ཎི་སྨིཾ པུ་གྒ་ལེ. ཀ་ཏ་མེ པ་ཉྩ? མུ་སཱ བྷ་ཎ་ཏི, པི་སུ་ཎཾ བྷ་ཎ་ཏི, ཕ་རུ་སཾ བྷ་ཎ་ཏི, ས་མྥ་པྤ་ལཱ་པཾ བྷ་ཎ་ཏི, ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ བ་ཧུ་བྷཱ་ཎི་སྨིཾ པུ་གྒ་ལེ.

‘‘པ་ཉྩི་མེ, བྷི་ཀྑ་ཝེ, ཨཱ་ནི་སཾ་སཱ མ་ནྟ་བྷཱ་ཎི་སྨིཾ པུ་གྒ་ལེ. ཀ་ཏ་མེ པ་ཉྩ? ན མུ་སཱ བྷ་ཎ་ཏི, ན པི་སུ་ཎཾ བྷ་ཎ་ཏི, ན ཕ་རུ་སཾ བྷ་ཎ་ཏི, ན ས་མྥ་པྤ་ལཱ་པཾ བྷ་ཎ་ཏི, ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་ནི་སཾ་སཱ མ་ནྟ་བྷཱ་ཎི་སྨིཾ པུ་གྒ་ལེ’’ཏི. ཙ་ཏུ་ཏྠཾ.