༥. པ་ཋ་མ་ཨ་ཀྑ་ནྟི་སུ་ཏྟཾ

༢༡༥. ‘‘པ་ཉྩི་མེ, བྷི་ཀྑ་ཝེ, ཨཱ་དཱི་ན་ཝཱ ཨ་ཀྑ་ནྟི་ཡཱ. ཀ་ཏ་མེ པ་ཉྩ? བ་ཧུ་ནོ ཛ་ན་སྶ ཨ་པྤི་ཡོ ཧོ་ཏི ཨ་མ་ནཱ་པོ, ཝེ་ར་བ་ཧུ་ལོ ཙ ཧོ་ཏི, ཝ་ཛྫ་བ་ཧུ་ལོ ཙ, ས་མྨཱུ་ལ༹ྷོ ཀཱ་ལཾ ཀ་རོ་ཏི, ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་དཱི་ན་ཝཱ ཨ་ཀྑ་ནྟི་ཡཱ.

‘‘པ་ཉྩི་མེ, བྷི་ཀྑ་ཝེ, ཨཱ་ནི་སཾ་སཱ ཁ་ནྟི་ཡཱ. ཀ་ཏ་མེ པ་ཉྩ? བ་ཧུ་ནོ ཛ་ན་སྶ པི་ཡོ ཧོ་ཏི མ་ནཱ་པོ, ན ཝེ་ར་བ་ཧུ་ལོ ཧོ་ཏི, ན ཝ་ཛྫ་བ་ཧུ་ལོ, ཨ་ས་མྨཱུ་ལ༹ྷོ ཀཱ་ལཾ ཀ་རོ་ཏི, ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ཏི. ཨི་མེ ཁོ, བྷི་ཀྑ་ཝེ, པ་ཉྩ ཨཱ་ནི་སཾ་སཱ ཁ་ནྟི་ཡཱ’’ཏི. པ་ཉྩ་མཾ.