༣. སཱ་ཀ་ཙྪ་སུ་ཏྟཾ

༡༦༣. ཏ་ཏྲ ཁོ ཨཱ་ཡ་སྨཱ སཱ་རི་པུ་ཏྟོ བྷི་ཀྑཱུ ཨཱ་མ་ནྟེ་སི – ‘‘ཨཱ་ཝུ་སོ བྷི་ཀྑ་ཝེ’’ཏི. ‘‘ཨཱ་ཝུ་སོ’’ཏི ཁོ ཏེ བྷི་ཀྑཱུ ཨཱ་ཡ་སྨ་ཏོ སཱ་རི་པུ་ཏྟ་སྶ པ་ཙྩ་སྶོ་སུཾ. ཨཱ་ཡ་སྨཱ སཱ་རི་པུ་ཏྟོ ཨེ་ཏ་ད་ཝོ་ཙ –

[ཨ. ནི. ༥.༦༥-༦༦] ‘‘པ་ཉྩ་ཧཱ་ཝུ་སོ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ལཾ སཱ་ཀ་ཙྪོ ས་བྲ་ཧྨ་ཙཱ་རཱི་ནཾ. ཀ་ཏ་མེ་ཧི པ་ཉྩ་ཧི? ཨི་དྷཱ་ཝུ་སོ, བྷི་ཀྑུ ཨ་ཏྟ་ནཱ ཙ སཱི་ལ་ས་མྤ་ནྣོ ཧོ་ཏི, སཱི་ལ་ས་མྤ་དཱ་ཀ་ཐཱ་ཡ ཙ ཨཱ་ག་ཏཾ པ་ཉྷཾ བྱཱ་ཀ་ཏྟཱ ཧོ་ཏི; ཨ་ཏྟ་ནཱ ཙ ས་མཱ་དྷི་ས་མྤ་ནྣོ ཧོ་ཏི, ས་མཱ་དྷི་ས་མྤ་དཱ་ཀ་ཐཱ་ཡ ཙ ཨཱ་ག་ཏཾ པ་ཉྷཾ བྱཱ་ཀ་ཏྟཱ ཧོ་ཏི; ཨ་ཏྟ་ནཱ ཙ པ་ཉྙཱ་ས་མྤ་ནྣོ ཧོ་ཏི, པ་ཉྙཱ་ས་མྤ་དཱ་ཀ་ཐཱ་ཡ ཙ ཨཱ་ག་ཏཾ པ་ཉྷཾ བྱཱ་ཀ་ཏྟཱ ཧོ་ཏི; ཨ་ཏྟ་ནཱ ཙ ཝི་མུ་ཏྟི་ས་མྤ་ནྣོ ཧོ་ཏི, ཝི་མུ་ཏྟི་ས་མྤ་དཱ་ཀ་ཐཱ་ཡ ཙ ཨཱ་ག་ཏཾ པ་ཉྷཾ བྱཱ་ཀ་ཏྟཱ ཧོ་ཏི; ཨ་ཏྟ་ནཱ ཙ ཝི་མུ་ཏྟི་ཉཱ་ཎ་ད་སྶ་ན་ས་མྤ་ནྣོ ཧོ་ཏི, ཝི་མུ་ཏྟི་ཉཱ་ཎ་ད་སྶ་ན་ས་མྤ་དཱ་ཀ་ཐཱ་ཡ ཙ ཨཱ་ག་ཏཾ པ་ཉྷཾ བྱཱ་ཀ་ཏྟཱ ཧོ་ཏི. ཨི་མེ་ཧི ཁོ, ཨཱ་ཝུ་སོ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ལཾ སཱ་ཀ་ཙྪོ ས་བྲ་ཧྨ་ཙཱ་རཱི་ན’’ནྟི. ཏ་ཏི་ཡཾ.