༦. མི་ཏྟ་སུ་ཏྟཾ

༡༤༦. ‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ མི་ཏྟོ ན སེ་ཝི་ཏ་བྦོ. ཀ་ཏ་མེ་ཧི པ་ཉྩ་ཧི? ཀ་མྨ་ནྟཾ ཀཱ་རེ་ཏི, ཨ་དྷི་ཀ་ར་ཎཾ ཨཱ་དི་ཡ་ཏི, པཱ་མོ་ཀྑེ་སུ བྷི་ཀྑཱུ་སུ པ་ཊི་ཝི་རུ་དྡྷོ ཧོ་ཏི, དཱི་གྷ་ཙཱ་རི་ཀཾ ཨ་ན་ཝ་ཏྠ་ཙཱ་རི་ཀཾ [ཨ་ཝ་ཏྠཱ་ན་ཙཱ་རི་ཀཾ (སྱཱ.)] ཨ་ནུ་ཡུ་ཏྟོ ཝི་ཧ་ར་ཏི, ན་པྤ་ཊི་བ་ལོ ཧོ་ཏི ཀཱ་ལེ་ན ཀཱ་ལཾ དྷ་མྨི་ཡཱ ཀ་ཐཱ་ཡ ས་ནྡ་སྶེ་ཏུཾ ས་མཱ་ད་པེ་ཏུཾ ས་མུ་ཏྟེ་ཛེ་ཏུཾ ས་མྤ་ཧཾ་སེ་ཏུཾ. ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ མི་ཏྟོ ན སེ་ཝི་ཏ་བྦོ.

‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ མི་ཏྟོ སེ་ཝི་ཏ་བྦོ. ཀ་ཏ་མེ་ཧི པ་ཉྩ་ཧི? ན ཀ་མྨ་ནྟཾ ཀཱ་རེ་ཏི, ན ཨ་དྷི་ཀ་ར་ཎཾ ཨཱ་དི་ཡ་ཏི, ན པཱ་མོ་ཀྑེ་སུ བྷི་ཀྑཱུ་སུ པ་ཊི་ཝི་རུ་དྡྷོ ཧོ་ཏི, ན དཱི་གྷ་ཙཱ་རི་ཀཾ ཨ་ན་ཝ་ཏྠ་ཙཱ་རི་ཀཾ ཨ་ནུ་ཡུ་ཏྟོ ཝི་ཧ་ར་ཏི, པ་ཊི་བ་ལོ ཧོ་ཏི ཀཱ་ལེ་ན ཀཱ་ལཾ དྷ་མྨི་ཡཱ ཀ་ཐཱ་ཡ ས་ནྡ་སྶེ་ཏུཾ ས་མཱ་ད་པེ་ཏུཾ ས་མུ་ཏྟེ་ཛེ་ཏུཾ ས་མྤ་ཧཾ་སེ་ཏུཾ. ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ མི་ཏྟོ སེ་ཝི་ཏ་བྦོ’’ཏི. ཚ་ཊྛཾ.