༨. བྷ་ཏྟཱ་ད་ཀ་སུ་ཏྟཾ

༡༣༨. ‘‘པ་ཉྩ་ཧི, བྷི་ཀྑ་ཝེ, ཨ་ངྒེ་ཧི ས་མ་ནྣཱ་ག་ཏོ ར་ཉྙོ ནཱ་གོ བྷ་ཏྟཱ་ད་ཀོ ཙ ཧོ་ཏི ཨོ་ཀཱ་ས་ཕ་ར་ཎོ ཙ ལ་ཎྜ་སཱ་ར་ཎོ ཙ ས་ལཱ་ཀ་གྒཱ་ཧཱི ཙ ར་ཉྙོ ནཱ་གོ་ཏྭེ་ཝ ས་ངྑཾ ག་ཙྪ་ཏི. ཀ་ཏ་མེ་ཧི པ་ཉྩ་ཧི? ཨི་དྷ, བྷི་ཀྑ་ཝེ, ར་ཉྙོ ནཱ་གོ ཨ་ཀྑ་མོ ཧོ་ཏི རཱུ་པཱ་ནཾ, ཨ་ཀྑ་མོ ས་དྡཱ་ནཾ, ཨ་ཀྑ་མོ ག་ནྡྷཱ་ནཾ, ཨ་ཀྑ་མོ ར་སཱ་ནཾ, ཨ་ཀྑ་མོ ཕོ་ཊྛ་བྦཱ་ནཾ. ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི ཨ་ངྒེ་ཧི ས་མ་ནྣཱ་ག་ཏོ ར་ཉྙོ ནཱ་གོ བྷ་ཏྟཱ་ད་ཀོ ཙ ཨོ་ཀཱ་ས་ཕ་ར་ཎོ ཙ ལ་ཎྜ་སཱ་ར་ཎོ ཙ ས་ལཱ་ཀ་གྒཱ་ཧཱི ཙ, ར་ཉྙོ ནཱ་གོ་ཏྭེ་ཝ ས་ངྑཾ ག་ཙྪ་ཏི.

‘‘ཨེ་ཝ་མེ་ཝཾ ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ བྷ་ཏྟཱ་ད་ཀོ ཙ ཧོ་ཏི, ཨོ་ཀཱ་ས་ཕ་ར་ཎོ ཙ མ་ཉྩ་པཱི་ཋ་མ་དྡ་ནོ [པཱི་ཋ་མ་དྡ་ནོ (སཱི. སྱཱ. ཀཾ. པཱི.)] ཙ ས་ལཱ་ཀ་གྒཱ་ཧཱི ཙ, བྷི་ཀྑུ་ཏྭེ་ཝ ས་ངྑཾ ག་ཙྪ་ཏི. ཀ་ཏ་མེ་ཧི པ་ཉྩ་ཧི? ཨི་དྷ, བྷི་ཀྑ་ཝེ, བྷི་ཀྑུ ཨ་ཀྑ་མོ ཧོ་ཏི རཱུ་པཱ་ནཾ, ཨ་ཀྑ་མོ ས་དྡཱ་ནཾ, ཨ་ཀྑ་མོ ག་ནྡྷཱ་ནཾ, ཨ་ཀྑ་མོ ར་སཱ་ནཾ, ཨ་ཀྑ་མོ ཕོ་ཊྛ་བྦཱ་ནཾ. ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ བྷ་ཏྟཱ་ད་ཀོ ཙ ཧོ་ཏི ཨོ་ཀཱ་ས་ཕ་ར་ཎོ ཙ མ་ཉྩ་པཱི་ཋ་མ་དྡ་ནོ ཙ ས་ལཱ་ཀ་གྒཱ་ཧཱི ཙ, བྷི་ཀྑུ་ཏྭེ་ཝ ས་ངྑཾ ག་ཙྪ་ཏཱི’’ཏི. ཨ་ཊྛ་མཾ.