༩. བྷོ་ཛ་ན་སུ་ཏྟཾ

༣༧. ‘‘བྷོ་ཛ་ནཾ, བྷི་ཀྑ་ཝེ, ད་ད་མཱ་ནོ དཱ་ཡ་ཀོ པ་ཊི་གྒཱ་ཧ་ཀཱ་ནཾ པ་ཉྩ ཋཱ་ནཱ་ནི དེ་ཏི. ཀ་ཏ་མཱ་ནི པ་ཉྩ? ཨཱ་ཡུཾ དེ་ཏི, ཝ་ཎྞཾ དེ་ཏི, སུ་ཁཾ དེ་ཏི, བ་ལཾ དེ་ཏི, པ་ཊི་བྷཱ་ནཾ [པ་ཊི་བྷཱ་ཎཾ (སཱི.)] དེ་ཏི. ཨཱ་ཡུཾ ཁོ པ་ན ད་ཏྭཱ ཨཱ་ཡུ་སྶ བྷཱ་གཱི ཧོ་ཏི དི་བྦ་སྶ ཝཱ མཱ་ནུ་ས་སྶ ཝཱ; ཝ་ཎྞཾ ད་ཏྭཱ ཝ་ཎྞ་སྶ བྷཱ་གཱི ཧོ་ཏི དི་བྦ་སྶ ཝཱ མཱ་ནུ་ས་སྶ ཝཱ; སུ་ཁཾ ད་ཏྭཱ སུ་ཁ་སྶ བྷཱ་གཱི ཧོ་ཏི དི་བྦ་སྶ ཝཱ མཱ་ནུ་ས་སྶ ཝཱ; བ་ལཾ ད་ཏྭཱ བ་ལ་སྶ བྷཱ་གཱི ཧོ་ཏི དི་བྦ་སྶ ཝཱ མཱ་ནུ་ས་སྶ ཝཱ; པ་ཊི་བྷཱ་ནཾ ད་ཏྭཱ པ་ཊི་བྷཱ་ན་སྶ བྷཱ་གཱི ཧོ་ཏི དི་བྦ་སྶ ཝཱ མཱ་ནུ་ས་སྶ ཝཱ. བྷོ་ཛ་ནཾ, བྷི་ཀྑ་ཝེ, ད་ད་མཱ་ནོ དཱ་ཡ་ཀོ པ་ཊི་གྒཱ་ཧ་ཀཱ་ནཾ ཨི་མཱ་ནི པ་ཉྩ ཋཱ་ནཱ་ནི དེ་ཏཱི’’ཏི.

‘‘ཨཱ་ཡུ་དོ བ་ལ་དོ དྷཱི་རོ, ཝ་ཎྞ་དོ པ་ཊི་བྷཱ་ན་དོ;

སུ་ཁ་སྶ དཱ་ཏཱ མེ་དྷཱ་ཝཱི, སུ་ཁཾ སོ ཨ་དྷི་ག་ཙྪ་ཏི.

‘‘ཨཱ་ཡུཾ ད་ཏྭཱ བ་ལཾ ཝ་ཎྞཾ, སུ་ཁ་ཉྩ པ་ཊི་བྷཱ་ན་ཀཾ [པ་ཊི་བྷཱ་ཎ་ཀཾ (སཱི.), པ་ཊི་བྷཱ་ན་དོ (སྱཱ. ཀཾ. པཱི. ཀ.)];

དཱི་གྷཱ་ཡུ ཡ་ས་ཝཱ ཧོ་ཏི, ཡ་ཏྠ ཡ་ཏྠཱུ་པ་པ་ཛྫ་ཏཱི’’ཏི. ས་ཏྟ་མཾ;