༨. དུ་ཏི་ཡ་པཱ་པ་དྷ་མྨ་སུ་ཏྟཾ

༢༠༨. ‘‘པཱ་པ་ཉྩ ཝོ, བྷི་ཀྑ་ཝེ, དེ་སེ་སྶཱ་མི, པཱ་པེ་ན པཱ་པ་ཏ་ར་ཉྩ; ཀ་ལྱཱ་ཎ་ཉྩ, ཀ་ལྱཱ་ཎེ་ན ཀ་ལྱཱ་ཎ་ཏ་ར་ཉྩ. ཏཾ སུ་ཎཱ་ཐ, སཱ་དྷུ་ཀཾ མ་ན་སི་ཀ་རོ་ཐ; བྷཱ་སི་སྶཱ་མཱི’’ཏི. ཨེ་ཝཾ…པེ… ཨེ་ཏ་ད་ཝོ་ཙ –

‘‘ཀ་ཏ་མོ ཙ, བྷི་ཀྑ་ཝེ, པཱ་པོ? ཨི་དྷ, བྷི་ཀྑ་ཝེ, ཨེ་ཀ་ཙྩོ མི་ཙྪཱ་དི་ཊྛི་ཀོ ཧོ་ཏི…པེ… མི་ཙྪཱ་ཉཱ་ཎཱི ཧོ་ཏི, མི་ཙྪཱ་ཝི་མུ་ཏྟི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པོ.

‘‘ཀ་ཏ་མོ ཙ, བྷི་ཀྑ་ཝེ, པཱ་པེ་ན པཱ་པ་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ མི་ཙྪཱ་དི་ཊྛི་ཀོ ཧོ་ཏི, པ་ར་ཉྩ མི་ཙྪཱ་དི་ཊྛི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ མི་ཙྪཱ་ཉཱ་ཎཱི ཧོ་ཏི, པ་ར་ཉྩ མི་ཙྪཱ་ཉཱ་ཎེ ས་མཱ་ད་པེ་ཏི; ཨ་ཏྟ་ནཱ ཙ མི་ཙྪཱ་ཝི་མུ་ཏྟི ཧོ་ཏི, པ་ར་ཉྩ མི་ཙྪཱ་ཝི་མུ་ཏྟི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པེ་ན པཱ་པ་ཏ་རོ.

‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ས་མྨཱ་དི་ཊྛི་ཀོ ཧོ་ཏི …པེ… ས་མྨཱ་ཉཱ་ཎཱི ཧོ་ཏི, ས་མྨཱ་ཝི་མུ་ཏྟི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎོ.

‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎེ་ན ཀ་ལྱཱ་ཎ་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ ས་མྨཱ་དི་ཊྛི་ཀོ ཧོ་ཏི, པ་ར་ཉྩ ས་མྨཱ་དི་ཊྛི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ ས་མྨཱ་ཉཱ་ཎཱི ཧོ་ཏི, པ་ར་ཉྩ ས་མྨཱ་ཉཱ་ཎེ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་ཝི་མུ་ཏྟི ཧོ་ཏི, པ་ར་ཉྩ ས་མྨཱ་ཝི་མུ་ཏྟི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎེ་ན ཀ་ལྱཱ་ཎ་ཏ་རོ’’ཏི. ཨ་ཊྛ་མཾ.