(༢༡) ༡. ས་པྤུ་རི་ས་ཝ་གྒོ
༡. སི་ཀྑཱ་པ་ད་སུ་ཏྟཾ
༢༠༡. ‘‘ཨ་ས་པྤུ་རི་ས་ཉྩ ཝོ, བྷི་ཀྑ་ཝེ, དེ་སེ་སྶཱ་མི, ཨ་ས་པྤུ་རི་སེ་ན ཨ་ས་པྤུ་རི་ས་ཏ་ར་ཉྩ; ས་པྤུ་རི་ས་ཉྩ, ས་པྤུ་རི་སེ་ན ས་པྤུ་རི་ས་ཏ་ར་ཉྩ. ཏཾ སུ་ཎཱ་ཐ, སཱ་དྷུ་ཀཾ མ་ན་སི ཀ་རོ་ཐ; བྷཱ་སི་སྶཱ་མཱི’’ཏི. ‘‘ཨེ་ཝཾ, བྷ་ནྟེ’’ཏི ཁོ ཏེ བྷི་ཀྑཱུ བྷ་ག་ཝ་ཏོ པ་ཙྩ་སྶོ་སུཾ. བྷ་ག་ཝཱ ཨེ་ཏ་ད་ཝོ་ཙ –
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱི ཧོ་ཏི, ཨ་དི་ནྣཱ་དཱ་ཡཱི ཧོ་ཏི, ཀཱ་མེ་སུ་མི་ཙྪཱ་ཙཱ་རཱི ཧོ་ཏི, མུ་སཱ་ཝཱ་དཱི ཧོ་ཏི, སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ཡཱི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱི ཧོ་ཏི, པ་ར་ཉྩ པཱ་ཎཱ་ཏི་པཱ་ཏེ ས་མཱ་ད་པེ་ཏི; ཨ་ཏྟ་ནཱ ཙ ཨ་དི་ནྣཱ་དཱ་ཡཱི ཧོ་ཏི, པ་ར་ཉྩ ཨ་དི་ནྣཱ་དཱ་ནེ ས་མཱ་ད་པེ་ཏི; ཨ་ཏྟ་ནཱ ཙ ཀཱ་མེ་སུ་མི་ཙྪཱ་ཙཱ་རཱི ཧོ་ཏི, པ་ར་ཉྩ ཀཱ་མེ་སུ་མི་ཙྪཱ་ཙཱ་རེ ས་མཱ་ད་པེ་ཏི; ཨ་ཏྟ་ནཱ ཙ མུ་སཱ་ཝཱ་དཱི ཧོ་ཏི, པ་ར་ཉྩ མུ་སཱ་ཝཱ་དེ ས་མཱ་ད་པེ་ཏི; ཨ་ཏྟ་ནཱ ཙ སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ཡཱི ཧོ་ཏི, པ་ར་ཉྩ སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ནེ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, ཨ་དི་ནྣཱ་དཱ་ནཱ པ་ཊི་ཝི་ར་ཏོ ཧོ་ཏི, ཀཱ་མེ་སུ་མི་ཙྪཱ་ཙཱ་རཱ པ་ཊི་ཝི་ར་ཏོ ཧོ་ཏི, མུ་སཱ་ཝཱ་དཱ པ་ཊི་ཝི་ར་ཏོ ཧོ་ཏི, སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ནཱ པ་ཊི་ཝི་ར་ཏོ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, པ་ར་ཉྩ པཱ་ཎཱ་ཏི་པཱ་ཏཱ ཝེ་ར་མ་ཎི་ཡཱ ས་མཱ་ད་པེ་ཏི; ཨ་ཏྟ་ནཱ ཙ ཨ་དི་ནྣཱ་དཱ་ནཱ པ་ཊི་ཝི་ར་ཏོ ཧོ་ཏི, པ་ར་ཉྩ ཨ་དི་ནྣཱ་དཱ་ནཱ ཝེ་ར་མ་ཎི་ཡཱ ས་མཱ་ད་པེ་ཏི; ཨ་ཏྟ་ནཱ ཙ ཀཱ་མེ་སུ་མི་ཙྪཱ་ཙཱ་རཱ པ་ཊི་ཝི་ར་ཏོ ཧོ་ཏི, པ་ར་ཉྩ ཀཱ་མེ་སུ་མི་ཙྪཱ་ཙཱ་རཱ ཝེ་ར་མ་ཎི་ཡཱ ས་མཱ་ད་པེ་ཏི; ཨ་ཏྟ་ནཱ ཙ མུ་སཱ་ཝཱ་དཱ པ་ཊི་ཝི་ར་ཏོ ཧོ་ཏི, པ་ར་ཉྩ མུ་སཱ་ཝཱ་དཱ ཝེ་ར་མ་ཎི་ཡཱ ས་མཱ་ད་པེ་ཏི; ཨ་ཏྟ་ནཱ ཙ སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ནཱ པ་ཊི་ཝི་ར་ཏོ ཧོ་ཏི, པ་ར་ཉྩ སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ནཱ ཝེ་ར་མ་ཎི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ’’ཏི [པུ. པ. ༡༣༥]. པ་ཋ་མཾ.
༢. ཨ་སྶ་དྡྷ་སུ་ཏྟཾ
༢༠༢. ‘‘ཨ་ས་པྤུ་རི་ས་ཉྩ ཝོ, བྷི་ཀྑ་ཝེ, དེ་སེ་སྶཱ་མི, ཨ་ས་པྤུ་རི་སེ་ན ཨ་ས་པྤུ་རི་ས་ཏ་ར་ཉྩ; ས་པྤུ་རི་ས་ཉྩ, ས་པྤུ་རི་སེ་ན ས་པྤུ་རི་ས་ཏ་ར་ཉྩ. ཏཾ སུ་ཎཱ་ཐ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་སྶ་དྡྷོ ཧོ་ཏི, ཨ་ཧི་རི་ཀོ ཧོ་ཏི, ཨ་ནོ་ཏྟ་པྤཱི ཧོ་ཏི, ཨ་པྤ་སྶུ་ཏོ ཧོ་ཏི, ཀུ་སཱི་ཏོ ཧོ་ཏི, མུ་ཊྛ་སྶ་ཏི ཧོ་ཏི, དུ་པྤ་ཉྙོ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ ཨ་སྶ་དྡྷོ ཧོ་ཏི, པ་ར་ཉྩ ཨ་སྶ་དྡྷི་ཡེ [ཨ་ས་དྡྷཱ་ཡ (ཀ.)] ས་མཱ་ད་པེ་ཏི; ཨ་ཏྟ་ནཱ ཙ ཨ་ཧི་རི་ཀོ ཧོ་ཏི, པ་ར་ཉྩ ཨ་ཧི་རི་ཀ་ཏཱ་ཡ ས་མཱ་ད་པེ་ཏི; ཨ་ཏྟ་ནཱ ཙ ཨ་ནོ་ཏྟ་པྤཱི ཧོ་ཏི, པ་ར་ཉྩ ཨ་ནོ་ཏྟ་པྤེ ས་མཱ་ད་པེ་ཏི; ཨ་ཏྟ་ནཱ ཙ ཨ་པྤ་སྶུ་ཏོ ཧོ་ཏི, པ་ར་ཉྩ ཨ་པྤ་སྶུ་ཏེ ས་མཱ་ད་པེ་ཏི; ཨ་ཏྟ་ནཱ ཙ ཀུ་སཱི་ཏོ ཧོ་ཏི, པ་ར་ཉྩ ཀོ་ས་ཛྫེ ས་མཱ་ད་པེ་ཏི; ཨ་ཏྟ་ནཱ ཙ མུ་ཊྛ་སྶ་ཏི ཧོ་ཏི, པ་ར་ཉྩ མུ་ཊྛ་སྶ་ཙྩེ [མུ་ཊྛ་ས་ཙྩེ (སཱི. སྱཱ. ཀཾ. པཱི.)] ས་མཱ་ད་པེ་ཏི; ཨ་ཏྟ་ནཱ ཙ དུ་པྤ་ཉྙོ ཧོ་ཏི, པ་ར་ཉྩ དུ་པྤ་ཉྙ་ཏཱ་ཡ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ས་དྡྷོ ཧོ་ཏི, ཧི་རི་མཱ ཧོ་ཏི, ཨོ་ཏྟ་པྤཱི ཧོ་ཏི, བ་ཧུ་སྶུ་ཏོ ཧོ་ཏི, ཨཱ་ར་དྡྷ་ཝཱི་རི་ཡོ ཧོ་ཏི, ས་ཏི་མཱ ཧོ་ཏི, པ་ཉྙ་ཝཱ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ ས་དྡྷཱ་ས་མྤ་ནྣོ ཧོ་ཏི, པ་ར་ཉྩ ས་དྡྷཱ་ས་མྤ་དཱ་ཡ ས་མཱ་ད་པེ་ཏི; ཨ་ཏྟ་ནཱ ཙ ཧི་རི་མཱ ཧོ་ཏི, པ་ར་ཉྩ ཧི་རི་མ་ཏཱ་ཡ [ཧི་རི་ས་མྤ་དཱ་ཡ (ཀ.)] ས་མཱ་ད་པེ་ཏི; ཨ་ཏྟ་ནཱ ཙ ཨོ་ཏྟ་པྤཱི ཧོ་ཏི, པ་ར་ཉྩ ཨོ་ཏྟ་པྤེ ས་མཱ་ད་པེ་ཏི; ཨ་ཏྟ་ནཱ ཙ བ་ཧུ་སྶུ་ཏོ ཧོ་ཏི, པ་ར་ཉྩ བཱ་ཧུ་ས་ཙྩེ ས་མཱ་ད་པེ་ཏི; ཨ་ཏྟ་ནཱ ཙ ཨཱ་ར་དྡྷ་ཝཱི་རི་ཡོ ཧོ་ཏི, པ་ར་ཉྩ ཝཱི་རི་ཡཱ་ར་མྦྷེ ས་མཱ་ད་པེ་ཏི; ཨ་ཏྟ་ནཱ ཙ ཨུ་པ་ཊྛི་ཏ་སྶ་ཏི ཧོ་ཏི, པ་ར་ཉྩ ས་ཏི་ཨུ་པ་ཊྛཱ་ནེ [ས་ཏི་པ་ཊྛཱ་ནེ (སཱི. སྱཱ. ཀཾ. པཱི.)] ས་མཱ་ད་པེ་ཏི; ཨ་ཏྟ་ནཱ ཙ པ་ཉྙཱ་ས་མྤ་ནྣོ ཧོ་ཏི, པ་ར་ཉྩ པ་ཉྙཱ་ས་མྤ་དཱ་ཡ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ’’ཏི. དུ་ཏི་ཡཾ.
༣. ས་ཏྟ་ཀ་མྨ་སུ་ཏྟཾ
༢༠༣. ‘‘ཨ་ས་པྤུ་རི་ས་ཉྩ ཝོ, བྷི་ཀྑ་ཝེ, དེ་སེ་སྶཱ་མི, ཨ་ས་པྤུ་རི་སེ་ན ཨ་ས་པྤུ་རི་ས་ཏ་ར་ཉྩ; ས་པྤུ་རི་ས་ཉྩ, ས་པྤུ་རི་སེ་ན ས་པྤུ་རི་ས་ཏ་ར་ཉྩ. ཏཾ སུ་ཎཱ་ཐ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱི ཧོ་ཏི, ཨ་དི་ནྣཱ་དཱ་ཡཱི ཧོ་ཏི, ཀཱ་མེ་སུ་མི་ཙྪཱ་ཙཱ་རཱི ཧོ་ཏི, མུ་སཱ་ཝཱ་དཱི ཧོ་ཏི, པི་སུ་ཎ་ཝཱ་ཙོ ཧོ་ཏི, ཕ་རུ་ས་ཝཱ་ཙོ ཧོ་ཏི, ས་མྥ་པྤ་ལཱ་པཱི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱི ཧོ་ཏི, པ་ར་ཉྩ པཱ་ཎཱ་ཏི་པཱ་ཏེ ས་མཱ་ད་པེ་ཏི; ཨ་ཏྟ་ནཱ ཙ ཨ་དི་ནྣཱ་དཱ་ཡཱི ཧོ་ཏི, པ་ར་ཉྩ ཨ་དི་ནྣཱ་དཱ་ནེ ས་མཱ་ད་པེ་ཏི; ཨ་ཏྟ་ནཱ ཙ ཀཱ་མེ་སུ་མི་ཙྪཱ་ཙཱ་རཱི ཧོ་ཏི, པ་ར་ཉྩ ཀཱ་མེ་སུ་མི་ཙྪཱ་ཙཱ་རེ ས་མཱ་ད་པེ་ཏི; ཨ་ཏྟ་ནཱ ཙ མུ་སཱ་ཝཱ་དཱི ཧོ་ཏི, པ་ར་ཉྩ མུ་སཱ་ཝཱ་དེ ས་མཱ་ད་པེ་ཏི; ཨ་ཏྟ་ནཱ ཙ པི་སུ་ཎ་ཝཱ་ཙོ ཧོ་ཏི, པ་ར་ཉྩ པི་སུ་ཎཱ་ཡ ཝཱ་ཙཱ་ཡ ས་མཱ་ད་པེ་ཏི; ཨ་ཏྟ་ནཱ ཙ ཕ་རུ་ས་ཝཱ་ཙོ ཧོ་ཏི, པ་ར་ཉྩ ཕ་རུ་སཱ་ཡ ཝཱ་ཙཱ་ཡ ས་མཱ་ད་པེ་ཏི; ཨ་ཏྟ་ནཱ ཙ ས་མྥ་པྤ་ལཱ་པཱི ཧོ་ཏི, པ་ར་ཉྩ ས་མྥ་པྤ་ལཱ་པེ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, ཨ་དི་ནྣཱ་དཱ་ནཱ པ་ཊི་ཝི་ར་ཏོ ཧོ་ཏི, ཀཱ་མེ་སུ་མི་ཙྪཱ་ཙཱ་རཱ པ་ཊི་ཝི་ར་ཏོ ཧོ་ཏི, མུ་སཱ་ཝཱ་དཱ པ་ཊི་ཝི་ར་ཏོ ཧོ་ཏི, པི་སུ་ཎཱ་ཡ ཝཱ་ཙཱ་ཡ པ་ཊི་ཝི་ར་ཏོ ཧོ་ཏི, ཕ་རུ་སཱ་ཡ ཝཱ་ཙཱ་ཡ པ་ཊི་ཝི་ར་ཏོ, ཧོ་ཏི, ས་མྥ་པྤ་ལཱ་པཱ པ་ཊི་ཝི་ར་ཏོ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ? ཨི་དྷ བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, པ་ར་ཉྩ པཱ་ཎཱ་ཏི་པཱ་ཏཱ ཝེ་ར་མ་ཎི་ཡཱ ས་མཱ་ད་པེ་ཏི; ཨ་ཏྟ་ནཱ ཙ ཨ་དི་ནྣཱ་དཱ་ནཱ པ་ཊི་ཝི་ར་ཏོ ཧོ་ཏི, པ་ར་ཉྩ ཨ་དི་ནྣཱ་དཱ་ནཱ ཝེ་ར་མ་ཎི་ཡཱ ས་མཱ་ད་པེ་ཏི; ཨ་ཏྟ་ནཱ ཙ ཀཱ་མེ་སུ་མི་ཙྪཱ་ཙཱ་རཱ པ་ཊི་ཝི་ར་ཏོ ཧོ་ཏི, པ་ར་ཉྩ ཀཱ་མེ་སུ་མི་ཙྪཱ་ཙཱ་རཱ ཝེ་ར་མ་ཎི་ཡཱ ས་མཱ་ད་པེ་ཏི; ཨ་ཏྟ་ནཱ ཙ མུ་སཱ་ཝཱ་དཱ པ་ཊི་ཝི་ར་ཏོ ཧོ་ཏི, པ་ར་ཉྩ མུ་སཱ་ཝཱ་དཱ ཝེ་ར་མ་ཎི་ཡཱ ས་མཱ་ད་པེ་ཏི; ཨ་ཏྟ་ནཱ ཙ པི་སུ་ཎཱ་ཡ ཝཱ་ཙཱ་ཡ པ་ཊི་ཝི་ར་ཏོ ཧོ་ཏི, པ་ར་ཉྩ པི་སུ་ཎཱ་ཡ ཝཱ་ཙཱ་ཡ ཝེ་ར་མ་ཎི་ཡཱ ས་མཱ་ད་པེ་ཏི; ཨ་ཏྟ་ནཱ ཙ ཕ་རུ་སཱ་ཡ ཝཱ་ཙཱ་ཡ པ་ཊི་ཝི་ར་ཏོ ཧོ་ཏི, པ་ར་ཉྩ ཕ་རུ་སཱ་ཡ ཝཱ་ཙཱ་ཡ ཝེ་ར་མ་ཎི་ཡཱ ས་མཱ་ད་པེ་ཏི; ཨ་ཏྟ་ནཱ ཙ ས་མྥ་པྤ་ལཱ་པཱ པ་ཊི་ཝི་ར་ཏོ ཧོ་ཏི, པ་ར་ཉྩ ས་མྥ་པྤ་ལཱ་པཱ ཝེ་ར་མ་ཎི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ’’ཏི. ཏ་ཏི་ཡཾ.
༤. ད་ས་ཀ་མྨ་སུ་ཏྟཾ
༢༠༤. ‘‘ཨ་ས་པྤུ་རི་ས་ཉྩ ཝོ, བྷི་ཀྑ་ཝེ, དེ་སེ་སྶཱ་མི, ཨ་ས་པྤུ་རི་སེ་ན ཨ་ས་པྤུ་རི་ས་ཏ་ར་ཉྩ; ས་པྤུ་རི་ས་ཉྩ, ས་པྤུ་རི་སེ་ན ས་པྤུ་རི་ས་ཏ་ར་ཉྩ. ཏཾ སུ་ཎཱ་ཐ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱི ཧོ་ཏི, ཨ་དི་ནྣཱ་དཱ་ཡཱི ཧོ་ཏི, ཀཱ་མེ་སུ་མི་ཙྪཱ་ཙཱ་རཱི ཧོ་ཏི, མུ་སཱ་ཝཱ་དཱི ཧོ་ཏི, པི་སུ་ཎ་ཝཱ་ཙོ ཧོ་ཏི, ཕ་རུ་ས་ཝཱ་ཙོ ཧོ་ཏི, ས་མྥ་པྤ་ལཱ་པཱི ཧོ་ཏི, ཨ་བྷི་ཛ྄ཛྷཱ་ལུ ཧོ་ཏི, བྱཱ་པ་ནྣ་ཙི་ཏྟོ ཧོ་ཏི, མི་ཙྪཱ་དི་ཊྛི་ཀོ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱི ཧོ་ཏི, པ་ར་ཉྩ པཱ་ཎཱ་ཏི་པཱ་ཏེ ས་མཱ་ད་པེ་ཏི…པེ… ཨ་ཏྟ་ནཱ ཙ ཨ་བྷི་ཛ྄ཛྷཱ་ལུ ཧོ་ཏི, པ་ར་ཉྩ ཨ་བྷི་ཛ྄ཛྷཱ་ཡ ས་མཱ་ད་པེ་ཏི; ཨ་ཏྟ་ནཱ ཙ བྱཱ་པ་ནྣ་ཙི་ཏྟོ ཧོ་ཏི, པ་ར་ཉྩ བྱཱ་པཱ་དེ ས་མཱ་ད་པེ་ཏི, ཨ་ཏྟ་ནཱ ཙ མི་ཙྪཱ་དི་ཊྛི་ཀོ ཧོ་ཏི, པ་ར་ཉྩ མི་ཙྪཱ་དི་ཊྛི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི…པེ… ཨ་ན་བྷི་ཛ྄ཛྷཱ་ལུ ཧོ་ཏི, ཨ་བྱཱ་པ་ནྣ་ཙི་ཏྟོ ཧོ་ཏི, ས་མྨཱ་དི་ཊྛི་ཀོ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, པ་ར་ཉྩ པཱ་ཎཱ་ཏི་པཱ་ཏཱ ཝེ་ར་མ་ཎི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ ཨ་ན་བྷི་ཛ྄ཛྷཱ་ལུ ཧོ་ཏི, པ་ར་ཉྩ ཨ་ན་བྷི་ཛ྄ཛྷཱ་ཡ ས་མཱ་ད་པེ་ཏི; ཨ་ཏྟ་ནཱ ཙ ཨ་བྱཱ་པ་ནྣ་ཙི་ཏྟོ ཧོ་ཏི, པ་ར་ཉྩ ཨ་བྱཱ་པཱ་དེ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་དི་ཊྛི་ཀོ ཧོ་ཏི, པ་ར་ཉྩ ས་མྨཱ་དི་ཊྛི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ’’ཏི. ཙ་ཏུ་ཏྠཾ.
༥. ཨ་ཊྛ་ངྒི་ཀ་སུ་ཏྟཾ
༢༠༥. ‘‘ཨ་ས་པྤུ་རི་ས་ཉྩ ཝོ, བྷི་ཀྑ་ཝེ, དེ་སེ་སྶཱ་མི, ཨ་ས་པྤུ་རི་སེ་ན ཨ་ས་པྤུ་རི་ས་ཏ་ར་ཉྩ; ས་པྤུ་རི་ས་ཉྩ, ས་པྤུ་རི་སེ་ན ས་པྤུ་རི་ས་ཏ་ར་ཉྩ. ཏཾ སུ་ཎཱ་ཐ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ མི་ཙྪཱ་དི་ཊྛི་ཀོ ཧོ་ཏི, མི་ཙྪཱ་ས་ངྐ་པྤོ ཧོ་ཏི, མི་ཙྪཱ་ཝཱ་ཙོ ཧོ་ཏི, མི་ཙྪཱ་ཀ་མྨ་ནྟོ ཧོ་ཏི, མི་ཙྪཱ་ཨཱ་ཛཱི་ཝོ ཧོ་ཏི, མི་ཙྪཱ་ཝཱ་ཡཱ་མོ ཧོ་ཏི, མི་ཙྪཱ་ས་ཏི ཧོ་ཏི, མི་ཙྪཱ་ས་མཱ་དྷི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ? ཨི་དྷ བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ མི་ཙྪཱ་དི་ཊྛི་ཀོ ཧོ་ཏི, པ་ར་ཉྩ མི་ཙྪཱ་དི་ཊྛི་ཡཱ ས་མཱ་ད་པེ་ཏི; ཨ་ཏྟ་ནཱ ཙ མི་ཙྪཱ་ས་ངྐ་པྤོ ཧོ་ཏི, པ་ར་ཉྩ མི་ཙྪཱ་ས་ངྐ་པྤེ ས་མཱ་ད་པེ་ཏི; ཨ་ཏྟ་ནཱ ཙ མི་ཙྪཱ་ཝཱ་ཙོ ཧོ་ཏི, པ་ར་ཉྩ མི་ཙྪཱ་ཝཱ་ཙཱ་ཡ ས་མཱ་ད་པེ་ཏི; ཨ་ཏྟ་ནཱ ཙ མི་ཙྪཱ་ཀ་མྨ་ནྟོ ཧོ་ཏི, པ་ར་ཉྩ མི་ཙྪཱ་ཀ་མྨ་ནྟེ ས་མཱ་ད་པེ་ཏི; ཨ་ཏྟ་ནཱ ཙ མི་ཙྪཱ་ཨཱ་ཛཱི་ཝོ ཧོ་ཏི, པ་ར་ཉྩ མི་ཙྪཱ་ཨཱ་ཛཱི་ཝེ ས་མཱ་ད་པེ་ཏི; ཨ་ཏྟ་ནཱ ཙ མི་ཙྪཱ་ཝཱ་ཡཱ་མོ ཧོ་ཏི, པ་ར་ཉྩ མི་ཙྪཱ་ཝཱ་ཡཱ་མེ ས་མཱ་ད་པེ་ཏི; ཨ་ཏྟ་ནཱ ཙ མི་ཙྪཱ་ས་ཏི ཧོ་ཏི, པ་ར་ཉྩ མི་ཙྪཱ་ས་ཏི་ཡཱ ས་མཱ་ད་པེ་ཏི; ཨ་ཏྟ་ནཱ ཙ མི་ཙྪཱ་ས་མཱ་དྷི ཧོ་ཏི, པ་ར་ཉྩ མི་ཙྪཱ་ས་མཱ་དྷི་མྷི ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ས་མྨཱ་དི་ཊྛི་ཀོ ཧོ་ཏི, ས་མྨཱ་ས་ངྐ་པྤོ ཧོ་ཏི, ས་མྨཱ་ཝཱ་ཙོ ཧོ་ཏི, ས་མྨཱ་ཀ་མྨ་ནྟོ ཧོ་ཏི, ས་མྨཱ་ཨཱ་ཛཱི་ཝོ ཧོ་ཏི, ས་མྨཱ་ཝཱ་ཡཱ་མོ ཧོ་ཏི, ས་མྨཱ་ས་ཏི ཧོ་ཏི, ས་མྨཱ་ས་མཱ་དྷི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ ས་མྨཱ་དི་ཊྛི་ཀོ ཧོ་ཏི, པ་ར་ཉྩ ས་མྨཱ་དི་ཊྛི་ཡཱ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་ས་ངྐ་པྤོ ཧོ་ཏི, པ་ར་ཉྩ ས་མྨཱ་ས་ངྐ་པྤེ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་ཝཱ་ཙོ ཧོ་ཏི, པ་ར་ཉྩ ས་མྨཱ་ཝཱ་ཙཱ་ཡ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་ཀ་མྨ་ནྟོ ཧོ་ཏི, པ་ར་ཉྩ ས་མྨཱ་ཀ་མྨ་ནྟེ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་ཨཱ་ཛཱི་ཝོ ཧོ་ཏི, པ་ར་ཉྩ ས་མྨཱ་ཨཱ་ཛཱི་ཝེ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་ཝཱ་ཡཱ་མོ ཧོ་ཏི, པ་ར་ཉྩ ས་མྨཱ་ཝཱ་ཡཱ་མེ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་ས་ཏི ཧོ་ཏི, པ་ར་ཉྩ ས་མྨཱ་ས་ཏི་ཡཱ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་ས་མཱ་དྷི ཧོ་ཏི, པ་ར་ཉྩ ས་མྨཱ་ས་མཱ་དྷི་མྷི ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ’’ཏི. པ་ཉྩ་མཾ.
༦. ད་ས་མ་གྒ་སུ་ཏྟཾ
༢༠༦. ‘‘ཨ་ས་པྤུ་རི་ས་ཉྩ ཝོ, བྷི་ཀྑ་ཝེ, དེ་སེ་སྶཱ་མི, ཨ་ས་པྤུ་རི་སེ་ན ཨ་ས་པྤུ་རི་ས་ཏ་ར་ཉྩ; ས་པྤུ་རི་ས་ཉྩ, ས་པྤུ་རི་སེ་ན ས་པྤུ་རི་ས་ཏ་ར་ཉྩ. ཏཾ སུ་ཎཱ་ཐ…པེ….
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ མི་ཙྪཱ་དི་ཊྛི་ཀོ ཧོ་ཏི …པེ… མི་ཙྪཱ་ཉཱ་ཎཱི ཧོ་ཏི, མི་ཙྪཱ་ཝི་མུ་ཏྟི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ མི་ཙྪཱ་དི་ཊྛི་ཀོ ཧོ་ཏི, པ་ར་ཉྩ མི་ཙྪཱ་དི་ཊྛི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ མི་ཙྪཱ་ཉཱ་ཎཱི ཧོ་ཏི, པ་ར་ཉྩ མི་ཙྪཱ་ཉཱ་ཎེ ས་མཱ་ད་པེ་ཏི; ཨ་ཏྟ་ནཱ ཙ མི་ཙྪཱ་ཝི་མུ་ཏྟི ཧོ་ཏི, པ་ར་ཉྩ མི་ཙྪཱ་ཝི་མུ་ཏྟི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་ས་པྤུ་རི་སེ་ན ཨ་ས་པྤུ་རི་ས་ཏ་རོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ས་མྨཱ་དི་ཊྛི་ཀོ ཧོ་ཏི…པེ… ས་མྨཱ་ཉཱ་ཎཱི ཧོ་ཏི, ས་མྨཱ་ཝི་མུ་ཏྟི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སོ.
‘‘ཀ་ཏ་མོ ཙ, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ ས་མྨཱ་དི་ཊྛི་ཀོ ཧོ་ཏི, པ་ར་ཉྩ ས་མྨཱ་དི་ཊྛི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ ས་མྨཱ་ཉཱ་ཎཱི ཧོ་ཏི, པ་ར་ཉྩ ས་མྨཱ་ཉཱ་ཎེ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་ཝི་མུ་ཏྟི ཧོ་ཏི, པ་ར་ཉྩ ས་མྨཱ་ཝི་མུ་ཏྟི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ས་པྤུ་རི་སེ་ན ས་པྤུ་རི་ས་ཏ་རོ’’ཏི. ཚ་ཊྛཾ.
༧. པ་ཋ་མ་པཱ་པ་དྷ་མྨ་སུ་ཏྟཾ
༢༠༧. ‘‘པཱ་པ་ཉྩ ཝོ, བྷི་ཀྑ་ཝེ, དེ་སེ་སྶཱ་མི, པཱ་པེ་ན པཱ་པ་ཏ་ར་ཉྩ; ཀ་ལྱཱ་ཎ་ཉྩ, ཀ་ལྱཱ་ཎེ་ན ཀ་ལྱཱ་ཎ་ཏ་ར་ཉྩ. ཏཾ སུ་ཎཱ་ཐ…པེ….
‘‘ཀ་ཏ་མོ ཙ, བྷི་ཀྑ་ཝེ, པཱ་པོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱི ཧོ་ཏི…པེ… མི་ཙྪཱ་དི་ཊྛི་ཀོ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པོ.
‘‘ཀ་ཏ་མོ ཙ, བྷི་ཀྑ་ཝེ, པཱ་པེ་ན པཱ་པ་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱི ཧོ་ཏི, པ་ར་ཉྩ པཱ་ཎཱ་ཏི་པཱ་ཏེ ས་མཱ་ད་པེ་ཏི…པེ… ཨ་ཏྟ་ནཱ ཙ མི་ཙྪཱ་དི་ཊྛི་ཀོ ཧོ་ཏི, པ་ར་ཉྩ མི་ཙྪཱ་དི་ཊྛི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པེ་ན པཱ་པ་ཏ་རོ.
‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི…པེ… ས་མྨཱ་དི་ཊྛི་ཀོ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎོ.
‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎེ་ན ཀ་ལྱཱ་ཎ་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, པ་ར་ཉྩ པཱ་ཎཱ་ཏི་པཱ་ཏཱ ཝེ་ར་མ་ཎི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ ས་མྨཱ་དི་ཊྛི་ཀོ ཧོ་ཏི, པ་ར་ཉྩ ས་མྨཱ་དི་ཊྛི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎེ་ན ཀ་ལྱཱ་ཎ་ཏ་རོ’’ཏི. ས་ཏྟ་མཾ.
༨. དུ་ཏི་ཡ་པཱ་པ་དྷ་མྨ་སུ་ཏྟཾ
༢༠༨. ‘‘པཱ་པ་ཉྩ ཝོ, བྷི་ཀྑ་ཝེ, དེ་སེ་སྶཱ་མི, པཱ་པེ་ན པཱ་པ་ཏ་ར་ཉྩ; ཀ་ལྱཱ་ཎ་ཉྩ, ཀ་ལྱཱ་ཎེ་ན ཀ་ལྱཱ་ཎ་ཏ་ར་ཉྩ. ཏཾ སུ་ཎཱ་ཐ, སཱ་དྷུ་ཀཾ མ་ན་སི་ཀ་རོ་ཐ; བྷཱ་སི་སྶཱ་མཱི’’ཏི. ཨེ་ཝཾ…པེ… ཨེ་ཏ་ད་ཝོ་ཙ –
‘‘ཀ་ཏ་མོ ཙ, བྷི་ཀྑ་ཝེ, པཱ་པོ? ཨི་དྷ, བྷི་ཀྑ་ཝེ, ཨེ་ཀ་ཙྩོ མི་ཙྪཱ་དི་ཊྛི་ཀོ ཧོ་ཏི…པེ… མི་ཙྪཱ་ཉཱ་ཎཱི ཧོ་ཏི, མི་ཙྪཱ་ཝི་མུ་ཏྟི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པོ.
‘‘ཀ་ཏ་མོ ཙ, བྷི་ཀྑ་ཝེ, པཱ་པེ་ན པཱ་པ་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ མི་ཙྪཱ་དི་ཊྛི་ཀོ ཧོ་ཏི, པ་ར་ཉྩ མི་ཙྪཱ་དི་ཊྛི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ མི་ཙྪཱ་ཉཱ་ཎཱི ཧོ་ཏི, པ་ར་ཉྩ མི་ཙྪཱ་ཉཱ་ཎེ ས་མཱ་ད་པེ་ཏི; ཨ་ཏྟ་ནཱ ཙ མི་ཙྪཱ་ཝི་མུ་ཏྟི ཧོ་ཏི, པ་ར་ཉྩ མི་ཙྪཱ་ཝི་མུ་ཏྟི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པེ་ན པཱ་པ་ཏ་རོ.
‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ས་མྨཱ་དི་ཊྛི་ཀོ ཧོ་ཏི …པེ… ས་མྨཱ་ཉཱ་ཎཱི ཧོ་ཏི, ས་མྨཱ་ཝི་མུ་ཏྟི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎོ.
‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎེ་ན ཀ་ལྱཱ་ཎ་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ ས་མྨཱ་དི་ཊྛི་ཀོ ཧོ་ཏི, པ་ར་ཉྩ ས་མྨཱ་དི་ཊྛི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ ས་མྨཱ་ཉཱ་ཎཱི ཧོ་ཏི, པ་ར་ཉྩ ས་མྨཱ་ཉཱ་ཎེ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་ཝི་མུ་ཏྟི ཧོ་ཏི, པ་ར་ཉྩ ས་མྨཱ་ཝི་མུ་ཏྟི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎེ་ན ཀ་ལྱཱ་ཎ་ཏ་རོ’’ཏི. ཨ་ཊྛ་མཾ.
༩. ཏ་ཏི་ཡ་པཱ་པ་དྷ་མྨ་སུ་ཏྟཾ
༢༠༩. ‘‘པཱ་པ་དྷ་མྨ་ཉྩ ཝོ, བྷི་ཀྑ་ཝེ, དེ་སེ་སྶཱ་མི, པཱ་པ་དྷ་མྨེ་ན པཱ་པ་དྷ་མྨ་ཏ་ར་ཉྩ; ཀ་ལྱཱ་ཎ་དྷ་མྨ་ཉྩ, ཀ་ལྱཱ་ཎ་དྷ་མྨེ་ན ཀ་ལྱཱ་ཎ་དྷ་མྨ་ཏ་ར་ཉྩ. ཏཾ སུ་ཎཱ་ཐ…པེ….
‘‘ཀ་ཏ་མོ ཙ, བྷི་ཀྑ་ཝེ, པཱ་པ་དྷ་མྨོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱི ཧོ་ཏི…པེ… མི་ཙྪཱ་དི་ཊྛི་ཀོ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པ་དྷ་མྨོ.
‘‘ཀ་ཏ་མོ ཙ, བྷི་ཀྑ་ཝེ, པཱ་པ་དྷ་མྨེ་ན པཱ་པ་དྷ་མྨ་ཏ་རོ? ཨི་དྷ བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱི ཧོ་ཏི, པ་ར་ཉྩ པཱ་ཎཱ་ཏི་པཱ་ཏེ ས་མཱ་ད་པེ་ཏི…པེ… ཨ་ཏྟ་ནཱ ཙ མི་ཙྪཱ་དི་ཊྛི་ཀོ ཧོ་ཏི, པ་ར་ཉྩ མི་ཙྪཱ་དི་ཊྛི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པ་དྷ་མྨེ་ན པཱ་པ་དྷ་མྨ་ཏ་རོ.
‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎ་དྷ་མྨོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི…པེ… ས་མྨཱ་དི་ཊྛི་ཀོ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎ་དྷ་མྨོ.
‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎ་དྷ་མྨེ་ན ཀ་ལྱཱ་ཎ་དྷ་མྨ་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, པ་ར་ཉྩ པཱ་ཎཱ་ཏི་པཱ་ཏཱ ཝེ་ར་མ་ཎི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ ས་མྨཱ་དི་ཊྛི་ཀོ ཧོ་ཏི, པ་ར་ཉྩ ས་མྨཱ་དི་ཊྛི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎ་དྷ་མྨེ་ན ཀ་ལྱཱ་ཎ་དྷ་མྨ་ཏ་རོ’’ཏི. ན་ཝ་མཾ.
༡༠. ཙ་ཏུ་ཏྠ་པཱ་པ་དྷ་མྨ་སུ་ཏྟཾ
༢༡༠. ‘‘པཱ་པ་དྷ་མྨ་ཉྩ ཝོ, བྷི་ཀྑ་ཝེ, དེ་སེ་སྶཱ་མི, པཱ་པ་དྷ་མྨེ་ན པཱ་པ་དྷ་མྨ་ཏ་ར་ཉྩ; ཀ་ལྱཱ་ཎ་དྷ་མྨ་ཉྩ, ཀ་ལྱཱ་ཎ་དྷ་མྨེ་ན ཀ་ལྱཱ་ཎ་དྷ་མྨ་ཏ་ར་ཉྩ. ཏཾ སུ་ཎཱ་ཐ…པེ….
‘‘ཀ་ཏ་མོ ཙ, བྷི་ཀྑ་ཝེ, པཱ་པ་དྷ་མྨོ? ཨི་དྷ, བྷི་ཀྑ་ཝེ, ཨེ་ཀ་ཙྩོ མི་ཙྪཱ་དི་ཊྛི་ཀོ ཧོ་ཏི…པེ… མི་ཙྪཱ་ཉཱ་ཎཱི ཧོ་ཏི, མི་ཙྪཱ་ཝི་མུ་ཏྟི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པ་དྷ་མྨོ.
‘‘ཀ་ཏ་མོ ཙ, བྷི་ཀྑ་ཝེ, པཱ་པ་དྷ་མྨེ་ན པཱ་པ་དྷ་མྨ་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ མི་ཙྪཱ་དི་ཊྛི་ཀོ ཧོ་ཏི, པ་ར་ཉྩ མི་ཙྪཱ་དི་ཊྛི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ མི་ཙྪཱ་ཉཱ་ཎཱི ཧོ་ཏི, པ་ར་ཉྩ མི་ཙྪཱ་ཉཱ་ཎེ ས་མཱ་ད་པེ་ཏི; ཨ་ཏྟ་ནཱ ཙ མི་ཙྪཱ་ཝི་མུ་ཏྟི ཧོ་ཏི, པ་ར་ཉྩ མི་ཙྪཱ་ཝི་མུ་ཏྟི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པ་དྷ་མྨེ་ན པཱ་པ་དྷ་མྨ་ཏ་རོ.
‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎ་དྷ་མྨོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ས་མྨཱ་དི་ཊྛི་ཀོ ཧོ་ཏི…པེ… ས་མྨཱ་ཉཱ་ཎཱི ཧོ་ཏི, ས་མྨཱ་ཝི་མུ་ཏྟི ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎ་དྷ་མྨོ.
‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎ་དྷ་མྨེ་ན ཀ་ལྱཱ་ཎ་དྷ་མྨ་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ ས་མྨཱ་དི་ཊྛི་ཀོ ཧོ་ཏི, པ་ར་ཉྩ ས་མྨཱ་དི་ཊྛི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ ས་མྨཱ་ཉཱ་ཎཱི ཧོ་ཏི, པ་ར་ཉྩ ས་མྨཱ་ཉཱ་ཎེ ས་མཱ་ད་པེ་ཏི; ཨ་ཏྟ་ནཱ ཙ ས་མྨཱ་ཝི་མུ་ཏྟི ཧོ་ཏི, པ་ར་ཉྩ ས་མྨཱ་ཝི་མུ་ཏྟི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎ་དྷ་མྨེ་ན ཀ་ལྱཱ་ཎ་དྷ་མྨ་ཏ་རོ’’ཏི. ད་ས་མཾ.
ས་པྤུ་རི་ས་ཝ་གྒོ པ་ཋ་མོ.