(༢༢) ༢. པ་རི་སཱ་ཝ་གྒོ

༡. པ་རི་སཱ་སུ་ཏྟཾ

༢༡༡. ‘‘ཙ་ཏྟཱ་རོ་མེ, བྷི་ཀྑ་ཝེ, པ་རི་ས་དཱུ་ས་ནཱ. ཀ་ཏ་མེ ཙ་ཏྟཱ་རོ? བྷི་ཀྑུ, བྷི་ཀྑ་ཝེ [ཨི་དྷ བྷི་ཀྑ་ཝེ བྷི་ཀྑུ (པཱི. ཀ.)], དུ་སྶཱི་ལོ པཱ་པ་དྷ་མྨོ པ་རི་ས་དཱུ་ས་ནོ; བྷི་ཀྑུ་ནཱི, བྷི་ཀྑ་ཝེ, དུ་སྶཱི་ལཱ པཱ་པ་དྷ་མྨཱ པ་རི་ས་དཱུ་ས་ནཱ; ཨུ་པཱ་ས་ཀོ, བྷི་ཀྑ་ཝེ, དུ་སྶཱི་ལོ པཱ་པ་དྷ་མྨོ པ་རི་ས་དཱུ་ས་ནོ; ཨུ་པཱ་སི་ཀཱ, བྷི་ཀྑ་ཝེ, དུ་སྶཱི་ལཱ པཱ་པ་དྷ་མྨཱ པ་རི་ས་དཱུ་ས་ནཱ. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ པ་རི་ས་དཱུ་ས་ནཱ.

‘‘ཙ་ཏྟཱ་རོ་མེ, བྷི་ཀྑ་ཝེ, པ་རི་ས་སོ་བྷ་ནཱ. ཀ་ཏ་མེ ཙ་ཏྟཱ་རོ? བྷི་ཀྑུ, བྷི་ཀྑ་ཝེ, སཱི་ལ་ཝཱ ཀ་ལྱཱ་ཎ་དྷ་མྨོ པ་རི་ས་སོ་བྷ་ནོ; བྷི་ཀྑུ་ནཱི, བྷི་ཀྑ་ཝེ, སཱི་ལ་ཝ་ཏཱི ཀ་ལྱཱ་ཎ་དྷ་མྨཱ པ་རི་ས་སོ་བྷ་ནཱ; ཨུ་པཱ་ས་ཀོ, བྷི་ཀྑ་ཝེ, སཱི་ལ་ཝཱ ཀ་ལྱཱ་ཎ་དྷ་མྨོ པ་རི་ས་སོ་བྷ་ནོ; ཨུ་པཱ་སི་ཀཱ, བྷི་ཀྑ་ཝེ, སཱི་ལ་ཝ་ཏཱི ཀ་ལྱཱ་ཎ་དྷ་མྨཱ པ་རི་ས་སོ་བྷ་ནཱ. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ པ་རི་ས་སོ་བྷ་ནཱ’’ཏི. པ་ཋ་མཾ.

༢. དི་ཊྛི་སུ་ཏྟཾ

༢༡༢. ‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ. ཀ་ཏ་མེ་ཧི ཙ་ཏཱུ་ཧི? ཀཱ་ཡ་དུ་ཙྩ་རི་ཏེ་ན, ཝ་ཙཱི་དུ་ཙྩ་རི་ཏེ་ན, མ་ནོ་དུ་ཙྩ་རི་ཏེ་ན, མི་ཙྪཱ་དི་ཊྛི་ཡཱ – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ.

‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ. ཀ་ཏ་མེ་ཧི ཙ་ཏཱུ་ཧི? ཀཱ་ཡ་སུ་ཙ་རི་ཏེ་ན, ཝ་ཙཱི་སུ་ཙ་རི་ཏེ་ན, མ་ནོ་སུ་ཙ་རི་ཏེ་ན, ས་མྨཱ་དི་ཊྛི་ཡཱ – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ’’ཏི. དུ་ཏི་ཡཾ.

༣. ཨ་ཀ་ཏ་ཉྙུ་ཏཱ་སུ་ཏྟཾ

༢༡༣. ‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ. ཀ་ཏ་མེ་ཧི ཙ་ཏཱུ་ཧི? ཀཱ་ཡ་དུ་ཙྩ་རི་ཏེ་ན, ཝ་ཙཱི་དུ་ཙྩ་རི་ཏེ་ན, མ་ནོ་དུ་ཙྩ་རི་ཏེ་ན, ཨ་ཀ་ཏ་ཉྙུ་ཏཱ ཨ་ཀ་ཏ་ཝེ་དི་ཏཱ [ཨ་ཀ་ཏ་ཉྙུ་ཏཱ་ཨ་ཀ་ཏ་ཝེ་དི་ཏཱ་ཡ (སཱི.)] – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ.

‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ. ཀ་ཏ་མེ་ཧི ཙ་ཏཱུ་ཧི? ཀཱ་ཡ་སུ་ཙ་རི་ཏེ་ན, ཝ་ཙཱི་སུ་ཙ་རི་ཏེ་ན, མ་ནོ་སུ་ཙ་རི་ཏེ་ན, ཀ་ཏ་ཉྙུ་ཏཱ་ཀ་ཏ་ཝེ་དི་ཏཱ [ཀ་ཏ་ཉྙུ་ཏཱ་ཀ་ཏ་ཝེ་དི་ཏཱ་ཡ (སཱི.)] – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ’’ཏི. ཏ་ཏི་ཡཾ.

༤. པཱ་ཎཱ་ཏི་པཱ་ཏཱི་སུ་ཏྟཾ

༢༡༤. …པེ… པཱ་ཎཱ་ཏི་པཱ་ཏཱི ཧོ་ཏི, ཨ་དི་ནྣཱ་དཱ་ཡཱི ཧོ་ཏི, ཀཱ་མེ་སུ་མི་ཙྪཱ་ཙཱ་རཱི ཧོ་ཏི, མུ་སཱ་ཝཱ་དཱི ཧོ་ཏི…པེ… པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, ཨ་དི་ནྣཱ་དཱ་ནཱ པ་ཊི་ཝི་ར་ཏོ ཧོ་ཏི, ཀཱ་མེ་སུ་མི་ཙྪཱ་ཙཱ་རཱ པ་ཊི་ཝི་ར་ཏོ ཧོ་ཏི, མུ་སཱ་ཝཱ་དཱ པ་ཊི་ཝི་ར་ཏོ ཧོ་ཏི. ཙ་ཏུ་ཏྠཾ.

༥. པ་ཋ་མ་མ་གྒ་སུ་ཏྟཾ

༢༡༥. …པེ… མི་ཙྪཱ་དི་ཊྛི་ཀོ ཧོ་ཏི, མི་ཙྪཱ་ས་ངྐ་པྤོ ཧོ་ཏི, མི་ཙྪཱ་ཝཱ་ཙོ ཧོ་ཏི, མི་ཙྪཱ་ཀ་མྨ་ནྟོ ཧོ་ཏི…པེ… ས་མྨཱ་དི་ཊྛི་ཀོ ཧོ་ཏི, ས་མྨཱ་ས་ངྐ་པྤོ ཧོ་ཏི, ས་མྨཱ་ཝཱ་ཙོ ཧོ་ཏི, ས་མྨཱ་ཀ་མྨ་ནྟོ ཧོ་ཏི. པ་ཉྩ་མཾ.

༦. དུ་ཏི་ཡ་མ་གྒ་སུ་ཏྟཾ

༢༡༦. …པེ… མི་ཙྪཱ་ཨཱ་ཛཱི་ཝོ ཧོ་ཏི, མི་ཙྪཱ་ཝཱ་ཡཱ་མོ ཧོ་ཏི, མི་ཙྪཱ་ས་ཏི ཧོ་ཏི, མི་ཙྪཱ་ས་མཱ་དྷི ཧོ་ཏི…པེ… ས་མྨཱ་ཨཱ་ཛཱི་ཝོ ཧོ་ཏི, ས་མྨཱ་ཝཱ་ཡཱ་མོ ཧོ་ཏི, ས་མྨཱ་ས་ཏི ཧོ་ཏི, ས་མྨཱ་ས་མཱ་དྷི ཧོ་ཏི. ཚ་ཊྛཾ.

༧. པ་ཋ་མ་ཝོ་ཧཱ་ར་པ་ཐ་སུ་ཏྟཾ

༢༡༧. …པེ… ཨ་དི་ཊྛེ དི་ཊྛ་ཝཱ་དཱི ཧོ་ཏི, ཨ་སུ་ཏེ སུ་ཏ་ཝཱ་དཱི ཧོ་ཏི, ཨ་མུ་ཏེ མུ་ཏ་ཝཱ་དཱི ཧོ་ཏི, ཨ་ཝི་ཉྙཱ་ཏེ ཝི་ཉྙཱ་ཏ་ཝཱ་དཱི ཧོ་ཏི…པེ… ཨ་དི་ཊྛེ ཨ་དི་ཊྛ་ཝཱ་དཱི ཧོ་ཏི, ཨ་སུ་ཏེ ཨ་སུ་ཏ་ཝཱ་དཱི ཧོ་ཏི, ཨ་མུ་ཏེ ཨ་མུ་ཏ་ཝཱ་དཱི ཧོ་ཏི, ཨ་ཝི་ཉྙཱ་ཏེ ཨ་ཝི་ཉྙཱ་ཏ་ཝཱ་དཱི ཧོ་ཏི. ས་ཏྟ་མཾ.

༨. དུ་ཏི་ཡ་ཝོ་ཧཱ་ར་པ་ཐ་སུ་ཏྟཾ

༢༡༨. …པེ… དི་ཊྛེ ཨ་དི་ཊྛ་ཝཱ་དཱི ཧོ་ཏི, སུ་ཏེ ཨ་སུ་ཏ་ཝཱ་དཱི ཧོ་ཏི, མུ་ཏེ ཨ་མུ་ཏ་ཝཱ་དཱི ཧོ་ཏི, ཝི་ཉྙཱ་ཏེ ཨ་ཝི་ཉྙཱ་ཏ་ཝཱ་དཱི ཧོ་ཏི…པེ… དི་ཊྛེ དི་ཊྛ་ཝཱ་དཱི ཧོ་ཏི, སུ་ཏེ སུ་ཏ་ཝཱ་དཱི ཧོ་ཏི, མུ་ཏེ མུ་ཏ་ཝཱ་དཱི ཧོ་ཏི, ཝི་ཉྙཱ་ཏེ ཝི་ཉྙཱ་ཏ་ཝཱ་དཱི ཧོ་ཏི. ཨ་ཊྛ་མཾ.

༩. ཨ་ཧི་རི་ཀ་སུ་ཏྟཾ

༢༡༩. …པེ… ཨ་སྶ་དྡྷོ ཧོ་ཏི, དུ་སྶཱི་ལོ ཧོ་ཏི, ཨ་ཧི་རི་ཀོ ཧོ་ཏི, ཨ་ནོ་ཏྟ་པྤཱི ཧོ་ཏི…པེ… ས་དྡྷོ ཧོ་ཏི, སཱི་ལ་ཝཱ ཧོ་ཏི, ཧི་རི་མཱ ཧོ་ཏི, ཨོ་ཏྟ་པྤཱི ཧོ་ཏི. ན་ཝ་མཾ.

༡༠. དུ་སྶཱི་ལ་སུ་ཏྟཾ

༢༢༠. ‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ. ཀ་ཏ་མེ་ཧི ཙ་ཏཱུ་ཧི? ཨ་སྶ་དྡྷོ ཧོ་ཏི, དུ་སྶཱི་ལོ ཧོ་ཏི, ཀུ་སཱི་ཏོ ཧོ་ཏི, དུ་པྤ་ཉྙོ ཧོ་ཏི – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ.

‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ. ཀ་ཏ་མེ་ཧི ཙ་ཏཱུ་ཧི? ས་དྡྷོ ཧོ་ཏི, སཱི་ལ་ཝཱ ཧོ་ཏི, ཨཱ་ར་དྡྷ་ཝཱི་རི་ཡོ ཧོ་ཏི, པ་ཉྙ་ཝཱ ཧོ་ཏི – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ’’ཏི. ད་ས་མཾ.

པ་རི་སཱ་ཝ་གྒོ [སོ་བྷ་ན་ཝ་གྒོ (སཱི. སྱཱ. ཀཾ. པཱི.)] དུ་ཏི་ཡོ.