(༢༣) ༣. དུ་ཙྩ་རི་ཏ་ཝ་གྒོ

༡. དུ་ཙྩ་རི་ཏ་སུ་ཏྟཾ

༢༢༡. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, ཝ་ཙཱི་དུ་ཙྩ་རི་ཏཱ་ནི. ཀ་ཏ་མཱ་ནི ཙ་ཏྟཱ་རི? མུ་སཱ་ཝཱ་དོ, པི་སུ་ཎཱ ཝཱ་ཙཱ, ཕ་རུ་སཱ ཝཱ་ཙཱ, ས་མྥ་པྤ་ལཱ་པོ – ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི ཝ་ཙཱི་དུ་ཙྩ་རི་ཏཱ་ནི. ཙ་ཏྟཱ་རི་མཱ་ནི, བྷི་ཀྑ་ཝེ, ཝ་ཙཱི་སུ་ཙ་རི་ཏཱ་ནི. ཀ་ཏ་མཱ་ནི ཙ་ཏྟཱ་རི? ས་ཙྩ་ཝཱ་ཙཱ, ཨ་པི་སུ་ཎཱ ཝཱ་ཙཱ, ས་ཎྷཱ ཝཱ་ཙཱ, མ་ནྟ་ཝཱ་ཙཱ [མ་ནྟཱ ཝཱ་ཙཱ (སཱི. སྱཱ. ཀཾ. པཱི.)] – ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི ཝ་ཙཱི་སུ་ཙ་རི་ཏཱ་ནཱི’’ཏི. པ་ཋ་མཾ.

༢. དི་ཊྛི་སུ་ཏྟཾ

༢༢༢. ‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བཱ་ལོ ཨ་བྱ་ཏྟོ ཨ་ས་པྤུ་རི་སོ ཁ་ཏཾ ཨུ་པ་ཧ་ཏཾ ཨ་ཏྟཱ་ནཾ པ་རི་ཧ་ར་ཏི, སཱ་ཝ་ཛྫོ ཙ ཧོ་ཏི སཱ་ནུ་ཝ་ཛྫོ ཙ ཝི་ཉྙཱུ་ནཾ; བ་ཧུ་ཉྩ ཨ་པུ་ཉྙཾ པ་ས་ཝ་ཏི. ཀ་ཏ་མེ་ཧི ཙ་ཏཱུ་ཧི? ཀཱ་ཡ་དུ་ཙྩ་རི་ཏེ་ན, ཝ་ཙཱི་དུ་ཙྩ་རི་ཏེ་ན, མ་ནོ་དུ་ཙྩ་རི་ཏེ་ན, མི་ཙྪཱ་དི་ཊྛི་ཡཱ – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ བཱ་ལོ ཨ་བྱ་ཏྟོ ཨ་ས་པྤུ་རི་སོ ཁ་ཏཾ ཨུ་པ་ཧ་ཏཾ ཨ་ཏྟཱ་ནཾ པ་རི་ཧ་ར་ཏི, སཱ་ཝ་ཛྫོ ཙ ཧོ་ཏི སཱ་ནུ་ཝ་ཛྫོ ཙ ཝི་ཉྙཱུ་ནཾ, བ་ཧུ་ཉྩ ཨ་པུ་ཉྙཾ པ་ས་ཝ་ཏི.

‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ པ་ཎྜི་ཏོ ཝི་ཡ་ཏྟོ ས་པྤུ་རི་སོ ཨ་ཀྑ་ཏཾ ཨ་ནུ་པ་ཧ་ཏཾ ཨ་ཏྟཱ་ནཾ པ་རི་ཧ་ར་ཏི, ཨ་ན་ཝ་ཛྫོ ཙ ཧོ་ཏི ཨ་ན་ནུ་ཝ་ཛྫོ ཝི་ཉྙཱུ་ནཾ, བ་ཧུ་ཉྩ པུ་ཉྙཾ པ་ས་ཝ་ཏི. ཀ་ཏ་མེ་ཧི ཙ་ཏཱུ་ཧི? ཀཱ་ཡ་སུ་ཙ་རི་ཏེ་ན, ཝ་ཙཱི་སུ་ཙ་རི་ཏེ་ན, མ་ནོ་སུ་ཙ་རི་ཏེ་ན, ས་མྨཱ་དི་ཊྛི་ཡཱ – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ པ་ཎྜི་ཏོ ཝི་ཡ་ཏྟོ ས་པྤུ་རི་སོ ཨ་ཀྑ་ཏཾ ཨ་ནུ་པ་ཧ་ཏཾ ཨ་ཏྟཱ་ནཾ པ་རི་ཧ་ར་ཏི, ཨ་ན་ཝ་ཛྫོ ཙ ཧོ་ཏི ཨ་ན་ནུ་ཝ་ཛྫོ ཝི་ཉྙཱུ་ནཾ; བ་ཧུ་ཉྩ པུ་ཉྙཾ པ་ས་ཝ་ཏཱི’’ཏི. དུ་ཏི་ཡཾ.

༣. ཨ་ཀ་ཏ་ཉྙུ་ཏཱ་སུ་ཏྟཾ

༢༢༣. ‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བཱ་ལོ ཨ་བྱ་ཏྟོ ཨ་ས་པྤུ་རི་སོ ཁ་ཏཾ ཨུ་པ་ཧ་ཏཾ ཨ་ཏྟཱ་ནཾ པ་རི་ཧ་ར་ཏི, སཱ་ཝ་ཛྫོ ཙ ཧོ་ཏི སཱ་ནུ་ཝ་ཛྫོ ཝི་ཉྙཱུ་ནཾ, བ་ཧུ་ཉྩ ཨ་པུ་ཉྙཾ པ་ས་ཝ་ཏི. ཀ་ཏ་མེ་ཧི ཙ་ཏཱུ་ཧི? ཀཱ་ཡ་དུ་ཙྩ་རི་ཏེ་ན, ཝ་ཙཱི་དུ་ཙྩ་རི་ཏེ་ན, མ་ནོ་དུ་ཙྩ་རི་ཏེ་ན, ཨ་ཀ་ཏ་ཉྙུ་ཏཱ ཨ་ཀ་ཏ་ཝེ་དི་ཏཱ – ཨི་མེ་ཧི…པེ… པ་ཎྜི་ཏོ… ཀཱ་ཡ་སུ་ཙ་རི་ཏེ་ན, ཝ་ཙཱི་སུ་ཙ་རི་ཏེ་ན, མ་ནོ་སུ་ཙ་རི་ཏེ་ན ཀ་ཏ་ཉྙུ་ཏཱ་ཀ་ཏ་ཝེ་དི་ཏཱ…པེ…. ཏ་ཏི་ཡཾ.

༤. པཱ་ཎཱ་ཏི་པཱ་ཏཱི་སུ་ཏྟཾ

༢༢༤. … པཱ་ཎཱ་ཏི་པཱ་ཏཱི ཧོ་ཏི, ཨ་དི་ནྣཱ་དཱ་ཡཱི ཧོ་ཏི, ཀཱ་མེ་སུ་མི་ཙྪཱ་ཙཱ་རཱི ཧོ་ཏི, མུ་སཱ་ཝཱ་དཱི ཧོ་ཏི…པེ… པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, ཨ་དི་ནྣཱ་དཱ་ནཱ པ་ཊི་ཝི་ར་ཏོ ཧོ་ཏི, ཀཱ་མེ་སུ་མི་ཙྪཱ་ཙཱ་རཱ པ་ཊི་ཝི་ར་ཏོ ཧོ་ཏི, མུ་སཱ་ཝཱ་དཱ པ་ཊི་ཝི་ར་ཏོ ཧོ་ཏི…པེ…. ཙ་ཏུ་ཏྠཾ.

༥. པ་ཋ་མ་མ་གྒ་སུ་ཏྟཾ

༢༢༥. … མི་ཙྪཱ་དི་ཊྛི་ཀོ ཧོ་ཏི, མི་ཙྪཱ་ས་ངྐ་པྤོ ཧོ་ཏི, མི་ཙྪཱ་ཝཱ་ཙོ ཧོ་ཏི, མི་ཙྪཱ་ཀ་མྨ་ནྟོ ཧོ་ཏི…པེ… ས་མྨཱ་དི་ཊྛི་ཀོ ཧོ་ཏི, ས་མྨཱ་ས་ངྐ་པྤོ ཧོ་ཏི, ས་མྨཱ་ཝཱ་ཙོ ཧོ་ཏི, ས་མྨཱ་ཀ་མྨ་ནྟོ ཧོ་ཏི…པེ…. པ་ཉྩ་མཾ.

༦. དུ་ཏི་ཡ་མ་གྒ་སུ་ཏྟཾ

༢༢༦. … མི་ཙྪཱ་ཨཱ་ཛཱི་ཝོ ཧོ་ཏི, མི་ཙྪཱ་ཝཱ་ཡཱ་མོ ཧོ་ཏི, མི་ཙྪཱ་ས་ཏི ཧོ་ཏི, མི་ཙྪཱ་ས་མཱ་དྷི ཧོ་ཏི…པེ… ས་མྨཱ་ཨཱ་ཛཱི་ཝོ ཧོ་ཏི, ས་མྨཱ་ཝཱ་ཡཱ་མོ ཧོ་ཏི, ས་མྨཱ་ས་ཏི ཧོ་ཏི, ས་མྨཱ་ས་མཱ་དྷི ཧོ་ཏི…པེ…. ཚ་ཊྛཾ.

༧. པ་ཋ་མ་ཝོ་ཧཱ་ར་པ་ཐ་སུ་ཏྟཾ

༢༢༧. … ཨ་དི་ཊྛེ དི་ཊྛ་ཝཱ་དཱི ཧོ་ཏི, ཨ་སུ་ཏེ སུ་ཏ་ཝཱ་དཱི ཧོ་ཏི, ཨ་མུ་ཏེ མུ་ཏ་ཝཱ་དཱི ཧོ་ཏི, ཨ་ཝི་ཉྙཱ་ཏེ ཝི་ཉྙཱ་ཏ་ཝཱ་དཱི ཧོ་ཏི…པེ… ཨ་དི་ཊྛེ ཨ་དི་ཊྛ་ཝཱ་དཱི ཧོ་ཏི, ཨ་སུ་ཏེ ཨ་སུ་ཏ་ཝཱ་དཱི ཧོ་ཏི, ཨ་མུ་ཏེ ཨ་མུ་ཏ་ཝཱ་དཱི ཧོ་ཏི, ཨ་ཝི་ཉྙཱ་ཏེ ཨ་ཝི་ཉྙཱ་ཏ་ཝཱ་དཱི ཧོ་ཏི…པེ…. ས་ཏྟ་མཾ.

༨. དུ་ཏི་ཡ་ཝོ་ཧཱ་ར་པ་ཐ་སུ་ཏྟཾ

༢༢༨. … དི་ཊྛེ ཨ་དི་ཊྛ་ཝཱ་དཱི ཧོ་ཏི, སུ་ཏེ ཨ་སུ་ཏ་ཝཱ་དཱི ཧོ་ཏི, མུ་ཏེ ཨ་མུ་ཏ་ཝཱ་དཱི ཧོ་ཏི, ཝི་ཉྙཱ་ཏེ ཨ་ཝི་ཉྙཱ་ཏ་ཝཱ་དཱི ཧོ་ཏི…པེ… དི་ཊྛེ དི་ཊྛ་ཝཱ་དཱི ཧོ་ཏི, སུ་ཏེ སུ་ཏ་ཝཱ་དཱི ཧོ་ཏི, མུ་ཏེ མུ་ཏ་ཝཱ་དཱི ཧོ་ཏི, ཝི་ཉྙཱ་ཏེ ཝི་ཉྙཱ་ཏ་ཝཱ་དཱི ཧོ་ཏི…པེ…. ཨ་ཊྛ་མཾ.

༩. ཨ་ཧི་རི་ཀ་སུ་ཏྟཾ

༢༢༩. … ཨ་སྶ་དྡྷོ ཧོ་ཏི, དུ་སྶཱི་ལོ ཧོ་ཏི, ཨ་ཧི་རི་ཀོ ཧོ་ཏི, ཨ་ནོ་ཏྟ་པྤཱི ཧོ་ཏི…པེ… ས་དྡྷོ ཧོ་ཏི, སཱི་ལ་ཝཱ ཧོ་ཏི, ཧི་རི་མཱ ཧོ་ཏི, ཨོ་ཏྟ་པྤཱི ཧོ་ཏི…པེ…. ན་ཝ་མཾ.

༡༠. དུ་པྤ་ཉྙ་སུ་ཏྟཾ

༢༣༠. … ཨ་སྶ་དྡྷོ ཧོ་ཏི, དུ་སྶཱི་ལོ ཧོ་ཏི, ཀུ་སཱི་ཏོ ཧོ་ཏི, དུ་པྤ་ཉྙོ ཧོ་ཏི…པེ… ས་དྡྷོ ཧོ་ཏི, སཱི་ལ་ཝཱ ཧོ་ཏི, ཨཱ་ར་དྡྷ་ཝཱི་རི་ཡོ ཧོ་ཏི, པ་ཉྙ་ཝཱ ཧོ་ཏི – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ པ་ཎྜི་ཏོ ཝི་ཡ་ཏྟོ ས་པྤུ་རི་སོ ཨ་ཀྑ་ཏཾ ཨ་ནུ་པ་ཧ་ཏཾ ཨ་ཏྟཱ་ནཾ པ་རི་ཧ་ར་ཏི, ཨ་ན་ཝ་ཛྫོ ཙ ཧོ་ཏི ཨ་ན་ནུ་ཝ་ཛྫོ ཝི་ཉྙཱུ་ནཾ, བ་ཧུ་ཉྩ པུ་ཉྙཾ པ་ས་ཝ་ཏཱི’’ཏི. ད་ས་མཾ.

༡༡. ཀ་ཝི་སུ་ཏྟཾ

༢༣༡. ‘‘ཙ་ཏྟཱ་རོ་མེ, བྷི་ཀྑ་ཝེ, ཀ་ཝཱི. ཀ་ཏ་མེ ཙ་ཏྟཱ་རོ? ཙི་ནྟཱ་ཀ་ཝི, སུ་ཏ་ཀ་ཝི, ཨ་ཏྠ་ཀ་ཝི, པ་ཊི་བྷཱ་ན་ཀ་ཝི – ཨི་མེ ཁོ, བྷི་ཀྑ་ཝེ, ཙ་ཏྟཱ་རོ ཀ་ཝཱི’’ཏི. ཨེ་ཀཱ་ད་ས་མཾ.

དུ་ཙྩ་རི་ཏ་ཝ་གྒོ ཏ་ཏི་ཡོ.