(༢༤) ༤. ཀ་མྨ་ཝ་གྒོ

༡. སཾ་ཁི་ཏྟ་སུ་ཏྟཾ

༢༣༢. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནི. ཀ་ཏ་མཱ་ནི ཙ་ཏྟཱ་རི? ཨ་ཏྠི, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ [ཨ་ཀ་ཎྷཾ ཨ་སུ་ཀྐཾ (སཱི. སྱཱ. པཱི.) (དཱི. ནི. ༣.༣༡༢; མ. ནི. ༢.༨༡)] ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི. ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནཱི’’ཏི. པ་ཋ་མཾ.

༢. ཝི་ཏྠཱ་ར་སུ་ཏྟཾ

༢༣༣. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནི. ཀ་ཏ་མཱ་ནི ཙ་ཏྟཱ་རི? ཨ་ཏྠི, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ? ཨི་དྷ, བྷི་ཀྑ་ཝེ, ཨེ་ཀ་ཙྩོ ས་བྱཱ་བ་ཛ྄ཛྷཾ [ས་བྱཱ་པ་ཛ྄ཛྷཾ (ས་བྦ་ཏྠ)] ཀཱ་ཡ་ས་ངྑཱ་རཾ ཨ་བྷི་ས་ངྑ་རོ་ཏི, ས་བྱཱ་བ་ཛ྄ཛྷཾ ཝ་ཙཱི་ས་ངྑཱ་རཾ ཨ་བྷི་ས་ངྑ་རོ་ཏི, ས་བྱཱ་བ་ཛ྄ཛྷཾ མ་ནོ་ས་ངྑཱ་རཾ ཨ་བྷི་ས་ངྑ་རོ་ཏི. སོ ས་བྱཱ་བ་ཛ྄ཛྷཾ ཀཱ་ཡ་ས་ངྑཱ་རཾ ཨ་བྷི་ས་ངྑ་རི་ཏྭཱ, ས་བྱཱ་བ་ཛ྄ཛྷཾ ཝ་ཙཱི་ས་ངྑཱ་རཾ ཨ་བྷི་ས་ངྑ་རི་ཏྭཱ, ས་བྱཱ་བ་ཛ྄ཛྷཾ མ་ནོ་ས་ངྑཱ་རཾ ཨ་བྷི་ས་ངྑ་རི་ཏྭཱ ས་བྱཱ་བ་ཛ྄ཛྷཾ ལོ་ཀཾ ཨུ་པ་པ་ཛྫ་ཏི. ཏ་མེ་ནཾ ས་བྱཱ་བ་ཛ྄ཛྷཾ ལོ་ཀཾ ཨུ་པ་པ་ནྣཾ ས་མཱ་ནཾ ས་བྱཱ་བ་ཛ྄ཛྷཱ ཕ་སྶཱ ཕུ་ས་ནྟི. སོ ས་བྱཱ་བ་ཛ྄ཛྷེ་ཧི ཕ་སྶེ་ཧི ཕུ་ཊྛོ ས་མཱ་ནོ ས་བྱཱ་བ་ཛ྄ཛྷཾ ཝེ་ད་ནཾ ཝེ་དི་ཡ་ཏི [ཝེ་ད་ཡ་ཏི (ཀ.) ཨ. ནི. ༦.༦༣] ཨེ་ཀ་ནྟ་དུ་ཀྑཾ, སེ་ཡྻ་ཐཱ་པི ས་ཏྟཱ ནེ་ར་ཡི་ཀཱ. ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་བྱཱ་བ་ཛ྄ཛྷཾ ཀཱ་ཡ་ས་ངྑཱ་རཾ ཨ་བྷི་ས་ངྑ་རོ་ཏི, ཨ་བྱཱ་བ་ཛ྄ཛྷཾ ཝ་ཙཱི་ས་ངྑཱ་རཾ ཨ་བྷི་ས་ངྑ་རོ་ཏི, ཨ་བྱཱ་བ་ཛ྄ཛྷཾ མ་ནོ་ས་ངྑཱ་རཾ ཨ་བྷི་ས་ངྑ་རོ་ཏི. སོ ཨ་བྱཱ་བ་ཛ྄ཛྷཾ ཀཱ་ཡ་ས་ངྑཱ་རཾ ཨ་བྷི་ས་ངྑ་རི་ཏྭཱ, ཨ་བྱཱ་བ་ཛ྄ཛྷཾ ཝ་ཙཱི་ས་ངྑཱ་རཾ ཨ་བྷི་ས་ངྑ་རི་ཏྭཱ, ཨ་བྱཱ་བ་ཛ྄ཛྷཾ མ་ནོ་ས་ངྑཱ་རཾ ཨ་བྷི་ས་ངྑ་རི་ཏྭཱ ཨ་བྱཱ་བ་ཛ྄ཛྷཾ ལོ་ཀཾ ཨུ་པ་པ་ཛྫ་ཏི. ཏ་མེ་ནཾ ཨ་བྱཱ་བ་ཛ྄ཛྷཾ ལོ་ཀཾ ཨུ་པ་པ་ནྣཾ ས་མཱ་ནཾ ཨ་བྱཱ་བ་ཛ྄ཛྷཱ ཕ་སྶཱ ཕུ་ས་ནྟི. སོ ཨ་བྱཱ་བ་ཛ྄ཛྷེ་ཧི ཕ་སྶེ་ཧི ཕུ་ཊྛོ ས་མཱ་ནོ ཨ་བྱཱ་བ་ཛ྄ཛྷཾ ཝེ་ད་ནཾ ཝེ་དི་ཡ་ཏི ཨེ་ཀ་ནྟ་སུ་ཁཾ, སེ་ཡྻ་ཐཱ་པི དེ་ཝཱ སུ་བྷ་ཀི་ཎྷཱ. ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ? ཨི་དྷ, བྷི་ཀྑ་ཝེ, ཨེ་ཀ་ཙྩོ ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ཀཱ་ཡ་ས་ངྑཱ་རཾ ཨ་བྷི་ས་ངྑ་རོ་ཏི, ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ཝ་ཙཱི་ས་ངྑཱ་རཾ ཨ་བྷི་ས་ངྑ་རོ་ཏི, ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི མ་ནོ་ས་ངྑཱ་རཾ ཨ་བྷི་ས་ངྑ་རོ་ཏི. སོ ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ཀཱ་ཡ་ས་ངྑཱ་རཾ ཨ་བྷི་ས་ངྑ་རི་ཏྭཱ, ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ཝ་ཙཱི་ས་ངྑཱ་རཾ ཨ་བྷི་ས་ངྑ་རི་ཏྭཱ, ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི མ་ནོ་ས་ངྑཱ་རཾ ཨ་བྷི་ས་ངྑ་རི་ཏྭཱ ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ལོ་ཀཾ ཨུ་པ་པ་ཛྫ་ཏི. ཏ་མེ་ནཾ ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ལོ་ཀཾ ཨུ་པ་པ་ནྣཾ ས་མཱ་ནཾ ས་བྱཱ་བ་ཛ྄ཛྷཱ་པི ཨ་བྱཱ་བ་ཛ྄ཛྷཱ་པི ཕ་སྶཱ ཕུ་ས་ནྟི. སོ ས་བྱཱ་བ་ཛ྄ཛྷེ་ཧི་པི ཨ་བྱཱ་བ་ཛ྄ཛྷེ་ཧི་པི ཕ་སྶེ་ཧི ཕུ་ཊྛོ ས་མཱ་ནོ ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ཝེ་ད་ནཾ ཝེ་དི་ཡ་ཏི ཝོ་ཀི་ཎྞ་སུ་ཁ་དུ་ཀྑཾ, སེ་ཡྻ་ཐཱ་པི མ་ནུ་སྶཱ ཨེ་ཀ་ཙྩེ ཙ དེ་ཝཱ ཨེ་ཀ་ཙྩེ ཙ ཝི་ནི་པཱ་ཏི་ཀཱ. ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི? ཏ་ཏྲ, བྷི་ཀྑ་ཝེ, ཡ་མི་དཾ ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ ཏ་སྶ པ་ཧཱ་ནཱ་ཡ ཡཱ ཙེ་ཏ་ནཱ, ཡ་མི་དཾ [ཡ་མྤི་དཾ (སཱི. སྱཱ. ཀཾ. པཱི.)] ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ ཏ་སྶ པ་ཧཱ་ནཱ་ཡ ཡཱ ཙེ་ཏ་ནཱ, ཡ་མི་དཾ [ཡ་མྤི་དཾ (སཱི. སྱཱ. ཀཾ. པཱི.)] ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ ཏ་སྶ པ་ཧཱ་ནཱ་ཡ ཡཱ ཙེ་ཏ་ནཱ – ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི. ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནཱི’’ཏི. དུ་ཏི་ཡཾ.

༣. སོ་ཎ་ཀཱ་ཡ་ན་སུ་ཏྟཾ

༢༣༤. ཨ་ཐ ཁོ སི་ཁཱ་མོ་གྒ་ལླཱ་ནོ བྲཱ་ཧྨ་ཎོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ཏཱ ས་དྡྷིཾ ས་མྨོ་དི. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ སི་ཁཱ་མོ་གྒ་ལླཱ་ནོ བྲཱ་ཧྨ་ཎོ བྷ་ག་ཝ་ནྟཾ ཨེ་ཏ་ད་ཝོ་ཙ –

‘‘པུ་རི་མཱ་ནི, བྷོ གོ་ཏ་མ, དི་ཝ་སཱ་ནི པུ་རི་མ་ཏ་རཱ་ནི སོ་ཎ་ཀཱ་ཡ་ནོ མཱ་ཎ་ཝོ ཡེ་ནཱ་ཧཾ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ མཾ ཨེ་ཏ་ད་ཝོ་ཙ – ‘ས་མ་ཎོ གོ་ཏ་མོ ས་བྦ་ཀ་མྨཱ་ནཾ ཨ་ཀི་རི་ཡཾ པ་ཉྙ་པེ་ཏི, ས་བྦ་ཀ་མྨཱ་ནཾ ཁོ པ་ན ཨ་ཀི་རི་ཡཾ པ་ཉྙ་པེ་ནྟོ ཨུ་ཙྪེ་དཾ ཨཱ་ཧ ལོ་ཀ་སྶ – ཀ་མྨ་ས་ཙྩཱ་ཡཾ [ཀ་མྨ་ས་ཙྩཱ་ཡཱི (ཀ.)], བྷོ, ལོ་ཀོ ཀ་མྨ་ས་མཱ་ར་མྦྷ་ཊྛཱ་ཡཱི’’’ཏི.

‘‘ད་སྶ་ན་མྤི ཁོ ཨ་ཧཾ, བྲཱ་ཧྨ་ཎ, སོ་ཎ་ཀཱ་ཡ་ན་སྶ མཱ་ཎ་ཝ་སྶ ནཱ་བྷི་ཛཱ་ནཱ་མི; ཀུ་ཏོ པ་ནེ་ཝ་རཱུ་པོ ཀ་ཐཱ་ས་ལླཱ་པོ! ཙ་ཏྟཱ་རི་མཱ་ནི, བྲཱ་ཧྨ་ཎ, ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནི. ཀ་ཏ་མཱ་ནི ཙ་ཏྟཱ་རི? ཨ་ཏྠི, བྲཱ་ཧྨ་ཎ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ; ཨ་ཏྠི, བྲཱ་ཧྨ་ཎ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ; ཨ་ཏྠི, བྲཱ་ཧྨ་ཎ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ; ཨ་ཏྠི, བྲཱ་ཧྨ་ཎ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི.

‘‘ཀ་ཏ་མ་ཉྩ, བྲཱ་ཧྨ་ཎ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ? ཨི་དྷ, བྲཱ་ཧྨ་ཎ, ཨེ་ཀ་ཙྩོ ས་བྱཱ་བ་ཛ྄ཛྷཾ ཀཱ་ཡ་ས་ངྑཱ་རཾ ཨ་བྷི་ས་ངྑ་རོ་ཏི, ས་བྱཱ་བ་ཛ྄ཛྷཾ ཝ་ཙཱི་ས་ངྑཱ་རཾ ཨ་བྷི་ས་ངྑ་རོ་ཏི, ས་བྱཱ་བ་ཛ྄ཛྷཾ མ་ནོ་ས་ངྑཱ་རཾ ཨ་བྷི་ས་ངྑ་རོ་ཏི. སོ ས་བྱཱ་བ་ཛ྄ཛྷཾ ཀཱ་ཡ་ས་ངྑཱ་རཾ ཨ་བྷི་ས་ངྑ་རི་ཏྭཱ, ས་བྱཱ་བ་ཛ྄ཛྷཾ ཝ་ཙཱི་ས་ངྑཱ་རཾ ཨ་བྷི་ས་ངྑ་རི་ཏྭཱ, ས་བྱཱ་བ་ཛ྄ཛྷཾ མ་ནོ་ས་ངྑཱ་རཾ ཨ་བྷི་ས་ངྑ་རི་ཏྭཱ ས་བྱཱ་བ་ཛ྄ཛྷཾ ལོ་ཀཾ ཨུ་པ་པ་ཛྫ་ཏི. ཏ་མེ་ནཾ ས་བྱཱ་བ་ཛ྄ཛྷཾ ལོ་ཀཾ ཨུ་པ་པ་ནྣཾ ས་མཱ་ནཾ ས་བྱཱ་བ་ཛ྄ཛྷཱ ཕ་སྶཱ ཕུ་ས་ནྟི. སོ ས་བྱཱ་བ་ཛ྄ཛྷེ་ཧི ཕ་སྶེ་ཧི ཕུ་ཊྛོ ས་མཱ་ནོ ས་བྱཱ་བ་ཛ྄ཛྷཾ ཝེ་ད་ནཾ ཝེ་དི་ཡ་ཏི ཨེ་ཀ་ནྟ་དུ་ཀྑཾ, སེ་ཡྻ་ཐཱ་པི ས་ཏྟཱ ནེ་ར་ཡི་ཀཱ. ཨི་དཾ ཝུ་ཙྩ་ཏི, བྲཱ་ཧྨ་ཎ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ.

‘‘ཀ་ཏ་མ་ཉྩ, བྲཱ་ཧྨ་ཎ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ? ཨི་དྷ, བྲཱ་ཧྨ་ཎ, ཨེ་ཀ་ཙྩོ ཨ་བྱཱ་བ་ཛ྄ཛྷཾ ཀཱ་ཡ་ས་ངྑཱ་རཾ ཨ་བྷི་ས་ངྑ་རོ་ཏི, ཨ་བྱཱ་བ་ཛ྄ཛྷཾ ཝ་ཙཱི་ས་ངྑཱ་རཾ ཨ་བྷི་ས་ངྑ་རོ་ཏི, ཨ་བྱཱ་བ་ཛ྄ཛྷཾ མ་ནོ་ས་ངྑཱ་རཾ ཨ་བྷི་ས་ངྑ་རོ་ཏི. སོ ཨ་བྱཱ་བ་ཛ྄ཛྷཾ ཀཱ་ཡ་ས་ངྑཱ་རཾ ཨ་བྷི་ས་ངྑ་རི་ཏྭཱ, ཨ་བྱཱ་བ་ཛ྄ཛྷཾ ཝ་ཙཱི་ས་ངྑཱ་རཾ ཨ་བྷི་ས་ངྑ་རི་ཏྭཱ, ཨ་བྱཱ་བ་ཛ྄ཛྷཾ མ་ནོ་ས་ངྑཱ་རཾ ཨ་བྷི་ས་ངྑ་རི་ཏྭཱ ཨ་བྱཱ་བ་ཛ྄ཛྷཾ ལོ་ཀཾ ཨུ་པ་པ་ཛྫ་ཏི. ཏ་མེ་ནཾ ཨ་བྱཱ་བ་ཛ྄ཛྷཾ ལོ་ཀཾ ཨུ་པ་པ་ནྣཾ ས་མཱ་ནཾ ཨ་བྱཱ་བ་ཛ྄ཛྷཱ ཕ་སྶཱ ཕུ་ས་ནྟི. སོ ཨ་བྱཱ་བ་ཛ྄ཛྷེ་ཧི ཕ་སྶེ་ཧི ཕུ་ཊྛོ ས་མཱ་ནོ ཨ་བྱཱ་བ་ཛ྄ཛྷཾ ཝེ་ད་ནཾ ཝེ་དི་ཡ་ཏི ཨེ་ཀ་ནྟ་སུ་ཁཾ, སེ་ཡྻ་ཐཱ་པི དེ་ཝཱ སུ་བྷ་ཀི་ཎྷཱ. ཨི་དཾ ཝུ་ཙྩ་ཏི, བྲཱ་ཧྨ་ཎ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ.

‘‘ཀ་ཏ་མ་ཉྩ, བྲཱ་ཧྨ་ཎ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ? ཨི་དྷ, བྲཱ་ཧྨ་ཎ, ཨེ་ཀ་ཙྩོ ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ཀཱ་ཡ་ས་ངྑཱ་རཾ ཨ་བྷི་ས་ངྑ་རོ་ཏི, ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ཝ་ཙཱི་ས་ངྑཱ་རཾ ཨ་བྷི་ས་ངྑ་རོ་ཏི, ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི མ་ནོ་ས་ངྑཱ་རཾ ཨ་བྷི་ས་ངྑ་རོ་ཏི. སོ ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ཀཱ་ཡ་ས་ངྑཱ་རཾ ཨ་བྷི་ས་ངྑ་རི་ཏྭཱ, ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ཝ་ཙཱི་ས་ངྑཱ་རཾ ཨ་བྷི་ས་ངྑ་རི་ཏྭཱ, ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི མ་ནོ་ས་ངྑཱ་རཾ ཨ་བྷི་ས་ངྑ་རི་ཏྭཱ ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ལོ་ཀཾ ཨུ་པ་པ་ཛྫ་ཏི. ཏ་མེ་ནཾ ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ལོ་ཀཾ ཨུ་པ་པ་ནྣཾ ས་མཱ་ནཾ ས་བྱཱ་བ་ཛ྄ཛྷཱ་པི ཨ་བྱཱ་བ་ཛ྄ཛྷཱ་པི ཕ་སྶཱ ཕུ་ས་ནྟི. སོ ས་བྱཱ་བ་ཛ྄ཛྷེ་ཧི་པི ཨ་བྱཱ་བ་ཛ྄ཛྷེ་ཧི་པི ཕ་སྶེ་ཧི ཕུ་ཊྛོ ས་མཱ་ནོ ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ཝེ་ད་ནཾ ཝེ་དི་ཡ་ཏི ཝོ་ཀི་ཎྞ་སུ་ཁ་དུ་ཀྑཾ, སེ་ཡྻ་ཐཱ་པི མ་ནུ་སྶཱ ཨེ་ཀ་ཙྩེ ཙ དེ་ཝཱ ཨེ་ཀ་ཙྩེ ཙ ཝི་ནི་པཱ་ཏི་ཀཱ. ཨི་དཾ ཝུ་ཙྩ་ཏི, བྲཱ་ཧྨ་ཎ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ.

‘‘ཀ་ཏ་མ་ཉྩ, བྲཱ་ཧྨ་ཎ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི? ཏ་ཏྲ, བྲཱ་ཧྨ་ཎ, ཡ་མི་དཾ ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ ཏ་སྶ པ་ཧཱ་ནཱ་ཡ ཡཱ ཙེ་ཏ་ནཱ, ཡ་མི་དཾ ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ ཏ་སྶ པ་ཧཱ་ནཱ་ཡ ཡཱ ཙེ་ཏ་ནཱ, ཡ་མི་དཾ ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ ཏ་སྶ པ་ཧཱ་ནཱ་ཡ ཡཱ ཙེ་ཏ་ནཱ – ཨི་དཾ ཝུ་ཙྩ་ཏི, བྲཱ་ཧྨ་ཎ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི. ཨི་མཱ་ནི ཁོ, བྲཱ་ཧྨ་ཎ, ཙ་ཏྟཱ་རི ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནཱི’’ཏི. ཏ་ཏི་ཡཾ.

༤. པ་ཋ་མ་སི་ཀྑཱ་པ་ད་སུ་ཏྟཾ

༢༣༥. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནི. ཀ་ཏ་མཱ་ནི ཙ་ཏྟཱ་རི? ཨ་ཏྠི, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི. ཀ་ཏ་མ་ཉྩ, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱི ཧོ་ཏི, ཨ་དི་ནྣཱ་དཱ་ཡཱི ཧོ་ཏི, ཀཱ་མེ་སུ་མི་ཙྪཱ་ཙཱ་རཱི ཧོ་ཏི, མུ་སཱ་ཝཱ་དཱི ཧོ་ཏི, སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ཡཱི ཧོ་ཏི. ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ? ཨི་དྷ, བྷི་ཀྑ་ཝེ, ཨེ་ཀ་ཙྩོ ས་བྱཱ་བ་ཛ྄ཛྷ་མྤི ཨ་བྱཱ་བ་ཛ྄ཛྷ་མྤི ཀཱ་ཡ་ས་ངྑཱ་རཾ ཨ་བྷི་ས་ངྑ་རོ་ཏི…པེ… ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི? ཏ་ཏྲ, བྷི་ཀྑ་ཝེ, ཡ་མི་དཾ ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ…པེ… ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི. ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནཱི’’ཏི. ཙ་ཏུ་ཏྠཾ.

༥. དུ་ཏི་ཡ་སི་ཀྑཱ་པ་ད་སུ་ཏྟཾ

༢༣༦. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནི. ཀ་ཏ་མཱ་ནི ཙ་ཏྟཱ་རི? ཨ་ཏྠི, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ? ཨི་དྷ, བྷི་ཀྑ་ཝེ, ཨེ་ཀ་ཙྩེ་ན མཱ་ཏཱ [ཨེ་ཀ་ཙྩོ མཱ་ཏ་རཾ (ཀ.)] ཛཱི་ཝི་ཏཱ ཝོ་རོ་པི་ཏཱ ཧོ་ཏི, པི་ཏཱ [པི་ཏ་རཾ (ཀ.)] ཛཱི་ཝི་ཏཱ ཝོ་རོ་པི་ཏོ [ཝོ་རོ་པི་ཏཱ (ཀ.)] ཧོ་ཏི, ཨ་ར་ཧཾ [ཨ་ར་ཧ་ནྟཾ (ཀ.)] ཛཱི་ཝི་ཏཱ ཝོ་རོ་པི་ཏོ [ཝོ་རོ་པི་ཏཱ (ཀ.)] ཧོ་ཏི, ཏ་ཐཱ་ག་ཏ་སྶ དུ་ཊྛེ་ན ཙི་ཏྟེ་ན ལོ་ཧི་ཏཾ ཨུ་པྤཱ་དི་ཏཾ [ཨུ་པྤཱ་དི་ཏཱ (ཀ.)] ཧོ་ཏི, ས་ངྒྷོ བྷི་ནྣོ ཧོ་ཏི. ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, ཨ་དི་ནྣཱ་དཱ་ནཱ པ་ཊི་ཝི་ར་ཏོ ཧོ་ཏི, ཀཱ་མེ་སུ་མི་ཙྪཱ་ཙཱ་རཱ པ་ཊི་ཝི་ར་ཏོ ཧོ་ཏི, མུ་སཱ་ཝཱ་དཱ པ་ཊི་ཝི་ར་ཏོ ཧོ་ཏི, པི་སུ་ཎཱ་ཡ ཝཱ་ཙཱ་ཡ པ་ཊི་ཝི་ར་ཏོ ཧོ་ཏི, ཕ་རུ་སཱ་ཡ ཝཱ་ཙཱ་ཡ པ་ཊི་ཝི་ར་ཏོ ཧོ་ཏི, ས་མྥ་པྤ་ལཱ་པཱ པ་ཊི་ཝི་ར་ཏོ ཧོ་ཏི, ཨ་ན་བྷི་ཛ྄ཛྷཱ་ལུ ཧོ་ཏི, ཨ་བྱཱ་པ་ནྣ་ཙི་ཏྟོ ཧོ་ཏི, ས་མྨཱ་དི་ཊྛི [ས་མྨཱ་དི་ཊྛི་ཀོ (སཱི. སྱཱ. ཀཾ.)] ཧོ་ཏི. ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ.

༦. ཨ་རི་ཡ་མ་གྒ་སུ་ཏྟཾ

༢༣༧. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནི. ཀ་ཏ་མཱ་ནི ཙ་ཏྟཱ་རི? ཨ་ཏྠི, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ ཀ་ཎྷ་སུ་ཀྐཾ ཀ་ཎྷ་སུ་ཀྐ་ཝི་པཱ་ཀཾ; ཨ་ཏྠི, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ? ཨི་དྷ, བྷི་ཀྑ་ཝེ, ཨེ་ཀ་ཙྩོ ས་བྱཱ་བ་ཛ྄ཛྷཾ ཀཱ་ཡ་ས་ངྑཱ་རཾ ཨ་བྷི་ས་ངྑ་རོ་ཏི…པེ… ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་བྱཱ་བ་ཛ྄ཛྷཾ ཀཱ་ཡ་ས་ངྑཱ་རཾ ཨ་བྷི་ས་ངྑ་རོ་ཏི…པེ… ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ སུ་ཀྐཾ སུ་ཀྐ་ཝི་པཱ་ཀཾ.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི? ས་མྨཱ་དི་ཊྛི…པེ… ས་མྨཱ་ས་མཱ་དྷི. ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི. ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནཱི’’ཏི. ཚ་ཊྛཾ.

༧. བོ་ཛ྄ཛྷ་ངྒ་སུ་ཏྟཾ

༢༣༨. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, ཀ་མྨཱ་ནི…པེ… ཀ་ཎྷཾ ཀ་ཎྷ་ཝི་པཱ་ཀཾ…པེ… ཨི་དྷ, བྷི་ཀྑ་ཝེ, ཨེ་ཀ་ཙྩོ ས་བྱཱ་བ་ཛ྄ཛྷཾ ཀཱ་ཡ་ས་ངྑཱ་རཾ ཨ་བྷི་ས་ངྑ་རོ་ཏི…པེ… ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ ཀ་ཎྷཾ ཀ་ཎྷ་ཝི་པཱ་ཀཾ.

‘‘ཀ་ཏ་མ་ཉྩ, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི? ས་ཏི་ས་མྦོ་ཛ྄ཛྷ་ངྒོ, དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒོ, ཝཱི་རི་ཡ་ས་མྦོ་ཛ྄ཛྷ་ངྒོ, པཱི་ཏི་ས་མྦོ་ཛ྄ཛྷ་ངྒོ, པ་སྶ་དྡྷི་ས་མྦོ་ཛ྄ཛྷ་ངྒོ, ས་མཱ་དྷི་ས་མྦོ་ཛ྄ཛྷ་ངྒོ, ཨུ་པེ་ཀྑཱ་ས་མྦོ་ཛ྄ཛྷ་ངྒོ – ཨི་དཾ ཝུ་ཙྩ་ཏི, བྷི་ཀྑ་ཝེ, ཀ་མྨཾ ཨ་ཀ་ཎྷ་ཨ་སུ་ཀྐཾ ཨ་ཀ་ཎྷ་ཨ་སུ་ཀྐ་ཝི་པཱ་ཀཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི. ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི ཀ་མྨཱ་ནི མ་ཡཱ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དི་ཏཱ་ནཱི’’ཏི. ས་ཏྟ་མཾ.

༨. སཱ་ཝ་ཛྫ་སུ་ཏྟཾ

༢༣༩. ‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ. ཀ་ཏ་མེ་ཧི ཙ་ཏཱུ་ཧི? སཱ་ཝ་ཛྫེ་ན ཀཱ་ཡ་ཀ་མྨེ་ན, སཱ་ཝ་ཛྫེ་ན ཝ་ཙཱི་ཀ་མྨེ་ན, སཱ་ཝ་ཛྫེ་ན མ་ནོ་ཀ་མྨེ་ན, སཱ་ཝ་ཛྫཱ་ཡ དི་ཊྛི་ཡཱ – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ.

‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ. ཀ་ཏ་མེ་ཧི ཙ་ཏཱུ་ཧི? ཨ་ན་ཝ་ཛྫེ་ན ཀཱ་ཡ་ཀ་མྨེ་ན, ཨ་ན་ཝ་ཛྫེ་ན ཝ་ཙཱི་ཀ་མྨེ་ན, ཨ་ན་ཝ་ཛྫེ་ན མ་ནོ་ཀ་མྨེ་ན, ཨ་ན་ཝ་ཛྫཱ་ཡ དི་ཊྛི་ཡཱ – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ’’ཏི. ཨ་ཊྛ་མཾ.

༩. ཨ་བྱཱ་བ་ཛ྄ཛྷ་སུ་ཏྟཾ

༢༤༠. ‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ. ཀ་ཏ་མེ་ཧི ཙ་ཏཱུ་ཧི? ས་བྱཱ་བ་ཛ྄ཛྷེ་ན ཀཱ་ཡ་ཀ་མྨེ་ན, ས་བྱཱ་བ་ཛ྄ཛྷེ་ན ཝ་ཙཱི་ཀ་མྨེ་ན, ས་བྱཱ་བ་ཛ྄ཛྷེ་ན མ་ནོ་ཀ་མྨེ་ན, ས་བྱཱ་བ་ཛ྄ཛྷཱ་ཡ དི་ཊྛི་ཡཱ – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ.

‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ. ཀ་ཏ་མེ་ཧི ཙ་ཏཱུ་ཧི? ཨ་བྱཱ་བ་ཛ྄ཛྷེ་ན ཀཱ་ཡ་ཀ་མྨེ་ན, ཨ་བྱཱ་བ་ཛ྄ཛྷེ་ན ཝ་ཙཱི་ཀ་མྨེ་ན, ཨ་བྱཱ་བ་ཛ྄ཛྷེ་ན མ་ནོ་ཀ་མྨེ་ན, ཨ་བྱཱ་བ་ཛ྄ཛྷཱ་ཡ དི་ཊྛི་ཡཱ – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ’’ཏི. ན་ཝ་མཾ.

༡༠. ས་མ་ཎ་སུ་ཏྟཾ

༢༤༡. ‘‘‘ཨི་དྷེ་ཝ, བྷི་ཀྑ་ཝེ, (པ་ཋ་མོ) ས་མ་ཎོ, ཨི་དྷ དུ་ཏི་ཡོ ས་མ་ཎོ, ཨི་དྷ ཏ་ཏི་ཡོ ས་མ་ཎོ, ཨི་དྷ ཙ་ཏུ་ཏྠོ ས་མ་ཎོ; སུ་ཉྙཱ པ་ར་པྤ་ཝཱ་དཱ ས་མ་ཎེ་ཧི ཨ་ཉྙེ་ཧཱི’ཏི [ས་མ་ཎེ་ཧི ཨ་ཉྙེ་ཏི (སཱི. པཱི. ཀ.) ཨེ་ཏྠ ཨ་ཉྙེ་ཧཱི་ཏི ས་ཀཱ་ཡ པ་ཊི་ཉྙཱ་ཡ ས་ཙྩཱ་བྷི་ཉྙེ་ཧཱི་ཏི ཨ་ཏྠོ ཝེ་དི་ཏ་བྦོ. དཱི. ནི. ༢.༢༡༤; མ. ནི. ༡.༡༤༠] – ཨེ་ཝ་མེ་ཏཾ, བྷི་ཀྑ་ཝེ, ས་མྨཱ སཱི་ཧ་ནཱ་དཾ ན་ད་ཐ.

‘‘ཀ་ཏ་མོ ཙ, བྷི་ཀྑ་ཝེ, པ་ཋ་མོ ས་མ་ཎོ? ཨི་དྷ, བྷི་ཀྑ་ཝེ, བྷི་ཀྑུ ཏི་ཎྞཾ སཾ་ཡོ་ཛ་ནཱ་ནཾ པ་རི་ཀྑ་ཡཱ སོ་ཏཱ་པ་ནྣོ ཧོ་ཏི ཨ་ཝི་ནི་པཱ་ཏ་དྷ་མྨོ ནི་ཡ་ཏོ ས་མྦོ་དྷི་པ་རཱ་ཡ་ཎོ. ཨ་ཡཾ, བྷི་ཀྑ་ཝེ, པ་ཋ་མོ ས་མ་ཎོ.

‘‘ཀ་ཏ་མོ ཙ, བྷི་ཀྑ་ཝེ, དུ་ཏི་ཡོ ས་མ་ཎོ? ཨི་དྷ, བྷི་ཀྑ་ཝེ, བྷི་ཀྑུ ཏི་ཎྞཾ སཾ་ཡོ་ཛ་ནཱ་ནཾ པ་རི་ཀྑ་ཡཱ རཱ་ག་དོ་ས་མོ་ཧཱ་ནཾ ཏ་ནུ་ཏྟཱ ས་ཀ་དཱ་གཱ་མཱི ཧོ་ཏི, ས་ཀི་དེ་ཝ ཨི་མཾ ལོ་ཀཾ ཨཱ་ག་ནྟྭཱ དུ་ཀྑ་སྶ་ནྟཾ ཀ་རོ་ཏི. ཨ་ཡཾ, བྷི་ཀྑ་ཝེ, དུ་ཏི་ཡོ ས་མ་ཎོ.

‘‘ཀ་ཏ་མོ ཙ, བྷི་ཀྑ་ཝེ, ཏ་ཏི་ཡོ ས་མ་ཎོ? ཨི་དྷ, བྷི་ཀྑ་ཝེ, བྷི་ཀྑུ པ་ཉྩ་ནྣཾ ཨོ་ར་མྦྷཱ་གི་ཡཱ་ནཾ སཾ་ཡོ་ཛ་ནཱ་ནཾ པ་རི་ཀྑ་ཡཱ ཨོ་པ་པཱ་ཏི་ཀོ ཧོ་ཏི ཏ་ཏྠ པ་རི་ནི་བྦཱ་ཡཱི ཨ་ནཱ་ཝ་ཏྟི་དྷ་མྨོ ཏ་སྨཱ ལོ་ཀཱ. ཨ་ཡཾ, བྷི་ཀྑ་ཝེ, ཏ་ཏི་ཡོ ས་མ་ཎོ.

‘‘ཀ་ཏ་མོ ཙ, བྷི་ཀྑ་ཝེ, ཙ་ཏུ་ཏྠོ ས་མ་ཎོ? ཨི་དྷ, བྷི་ཀྑ་ཝེ, བྷི་ཀྑུ ཨཱ་ས་ཝཱ་ནཾ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ, བྷི་ཀྑ་ཝེ, ཙ་ཏུ་ཏྠོ ས་མ་ཎོ.

‘‘‘ཨི་དྷེ་ཝ, བྷི་ཀྑ་ཝེ, པ་ཋ་མོ ས་མ་ཎོ, ཨི་དྷ དུ་ཏི་ཡོ ས་མ་ཎོ, ཨི་དྷ ཏ་ཏི་ཡོ ས་མ་ཎོ, ཨི་དྷ ཙ་ཏུ་ཏྠོ ས་མ་ཎོ; སུ་ཉྙཱ པ་ར་པྤ་ཝཱ་དཱ ས་མ་ཎེ་བྷི ཨ་ཉྙེ་ཧཱི’ཏི – ཨེ་ཝ་མེ་ཏཾ, བྷི་ཀྑ་ཝེ, ས་མྨཱ སཱི་ཧ་ནཱ་དཾ ན་ད་ཐཱ’’ཏི. ད་ས་མཾ.

༡༡. ས་པྤུ་རི་སཱ་ནི་སཾ་ས་སུ་ཏྟཾ

༢༤༢. ‘‘ས་པྤུ་རི་སཾ, བྷི་ཀྑ་ཝེ, ནི་སྶཱ་ཡ ཙ་ཏྟཱ་རོ ཨཱ་ནི་སཾ་སཱ པཱ་ཊི་ཀ་ངྑཱ. ཀ་ཏ་མེ ཙ་ཏྟཱ་རོ? ཨ་རི་ཡེ་ན སཱི་ལེ་ན ཝ་ཌྜྷ་ཏི, ཨ་རི་ཡེ་ན ས་མཱ་དྷི་ནཱ ཝ་ཌྜྷ་ཏི, ཨ་རི་ཡཱ་ཡ པ་ཉྙཱ་ཡ ཝ་ཌྜྷ་ཏི, ཨ་རི་ཡཱ་ཡ ཝི་མུ་ཏྟི་ཡཱ ཝ་ཌྜྷ་ཏི – ས་པྤུ་རི་སཾ, བྷི་ཀྑ་ཝེ, ནི་སྶཱ་ཡ ཨི་མེ ཙ་ཏྟཱ་རོ ཨཱ་ནི་སཾ་སཱ པཱ་ཊི་ཀ་ངྑཱ’’ཏི. ཨེ་ཀཱ་ད་ས་མཾ.

ཀ་མྨ་ཝ་གྒོ ཙ་ཏུ་ཏྠོ.