༩. ཏ་ཏི་ཡ་པཱ་པ་དྷ་མྨ་སུ་ཏྟཾ

༢༠༩. ‘‘པཱ་པ་དྷ་མྨ་ཉྩ ཝོ, བྷི་ཀྑ་ཝེ, དེ་སེ་སྶཱ་མི, པཱ་པ་དྷ་མྨེ་ན པཱ་པ་དྷ་མྨ་ཏ་ར་ཉྩ; ཀ་ལྱཱ་ཎ་དྷ་མྨ་ཉྩ, ཀ་ལྱཱ་ཎ་དྷ་མྨེ་ན ཀ་ལྱཱ་ཎ་དྷ་མྨ་ཏ་ར་ཉྩ. ཏཾ སུ་ཎཱ་ཐ…པེ….

‘‘ཀ་ཏ་མོ ཙ, བྷི་ཀྑ་ཝེ, པཱ་པ་དྷ་མྨོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱི ཧོ་ཏི…པེ… མི་ཙྪཱ་དི་ཊྛི་ཀོ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པ་དྷ་མྨོ.

‘‘ཀ་ཏ་མོ ཙ, བྷི་ཀྑ་ཝེ, པཱ་པ་དྷ་མྨེ་ན པཱ་པ་དྷ་མྨ་ཏ་རོ? ཨི་དྷ བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱི ཧོ་ཏི, པ་ར་ཉྩ པཱ་ཎཱ་ཏི་པཱ་ཏེ ས་མཱ་ད་པེ་ཏི…པེ… ཨ་ཏྟ་ནཱ ཙ མི་ཙྪཱ་དི་ཊྛི་ཀོ ཧོ་ཏི, པ་ར་ཉྩ མི་ཙྪཱ་དི་ཊྛི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, པཱ་པ་དྷ་མྨེ་ན པཱ་པ་དྷ་མྨ་ཏ་རོ.

‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎ་དྷ་མྨོ? ཨི་དྷ, བྷི་ཀྑ་ཝེ, ཨེ་ཀ་ཙྩོ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི…པེ… ས་མྨཱ་དི་ཊྛི་ཀོ ཧོ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎ་དྷ་མྨོ.

‘‘ཀ་ཏ་མོ ཙ, བྷི་ཀྑ་ཝེ, ཀ་ལྱཱ་ཎ་དྷ་མྨེ་ན ཀ་ལྱཱ་ཎ་དྷ་མྨ་ཏ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ ཨ་ཏྟ་ནཱ ཙ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, པ་ར་ཉྩ པཱ་ཎཱ་ཏི་པཱ་ཏཱ ཝེ་ར་མ་ཎི་ཡཱ ས་མཱ་ད་པེ་ཏི…པེ… ཨ་ཏྟ་ནཱ ཙ ས་མྨཱ་དི་ཊྛི་ཀོ ཧོ་ཏི, པ་ར་ཉྩ ས་མྨཱ་དི་ཊྛི་ཡཱ ས་མཱ་ད་པེ་ཏི. ཨ་ཡཾ ཝུ་ཙྩ་ཏི, བྷི་ཀྑ་ཝེ, ཀ་ལྱཱ་ཎ་དྷ་མྨེ་ན ཀ་ལྱཱ་ཎ་དྷ་མྨ་ཏ་རོ’’ཏི. ན་ཝ་མཾ.