༩. ས་ཙྪི་ཀ་ར་ཎཱི་ཡ་སུ་ཏྟཾ

༡༨༩. ‘‘ཙ་ཏྟཱ་རོ་མེ, བྷི་ཀྑ་ཝེ, ས་ཙྪི་ཀ་ར་ཎཱི་ཡཱ དྷ་མྨཱ. ཀ་ཏ་མེ ཙ་ཏྟཱ་རོ? ཨ་ཏྠི, བྷི་ཀྑ་ཝེ, དྷ་མྨཱ ཀཱ་ཡེ་ན ས་ཙྪི་ཀ་ར་ཎཱི་ཡཱ; ཨ་ཏྠི, བྷི་ཀྑ་ཝེ, དྷ་མྨཱ ས་ཏི་ཡཱ ས་ཙྪི་ཀ་ར་ཎཱི་ཡཱ; ཨ་ཏྠི, བྷི་ཀྑ་ཝེ, དྷ་མྨཱ ཙ་ཀྑུ་ནཱ ས་ཙྪི་ཀ་ར་ཎཱི་ཡཱ; ཨ་ཏྠི, བྷི་ཀྑ་ཝེ, དྷ་མྨཱ པ་ཉྙཱ་ཡ ས་ཙྪི་ཀ་ར་ཎཱི་ཡཱ. ཀ་ཏ་མེ ཙ, བྷི་ཀྑ་ཝེ, དྷ་མྨཱ ཀཱ་ཡེ་ན ས་ཙྪི་ཀ་ར་ཎཱི་ཡཱ? ཨ་ཊྛ ཝི་མོ་ཀྑཱ, བྷི་ཀྑ་ཝེ, ཀཱ་ཡེ་ན ས་ཙྪི་ཀ་ར་ཎཱི་ཡཱ.

‘‘ཀ་ཏ་མེ ཙ, བྷི་ཀྑ་ཝེ, དྷ་མྨཱ ས་ཏི་ཡཱ ས་ཙྪི་ཀ་ར་ཎཱི་ཡཱ? པུ་བྦེ་ནི་ཝཱ་སོ, བྷི་ཀྑ་ཝེ, ས་ཏི་ཡཱ ས་ཙྪི་ཀ་ར་ཎཱི་ཡོ.

‘‘ཀ་ཏ་མེ ཙ, བྷི་ཀྑ་ཝེ, དྷ་མྨཱ ཙ་ཀྑུ་ནཱ ས་ཙྪི་ཀ་ར་ཎཱི་ཡཱ? ས་ཏྟཱ་ནཾ ཙུ་ཏཱུ་པ་པཱ་ཏོ, བྷི་ཀྑ་ཝེ, ཙ་ཀྑུ་ནཱ ས་ཙྪི་ཀ་ར་ཎཱི་ཡོ.

‘‘ཀ་ཏ་མེ ཙ, བྷི་ཀྑ་ཝེ, དྷ་མྨཱ པ་ཉྙཱ་ཡ ས་ཙྪི་ཀ་ར་ཎཱི་ཡཱ? ཨཱ་ས་ཝཱ་ནཾ ཁ་ཡོ, བྷི་ཀྑ་ཝེ, པ་ཉྙཱ་ཡ ས་ཙྪི་ཀ་ར་ཎཱི་ཡོ. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ ས་ཙྪི་ཀ་ར་ཎཱི་ཡཱ དྷ་མྨཱ’’ཏི. ན་ཝ་མཾ.