༩. དྷ་མྨ་ཀ་ཐི་ཀ་སུ་ཏྟཾ

༡༣༩. ‘‘ཙ་ཏྟཱ་རོ་མེ, བྷི་ཀྑ་ཝེ, དྷ་མྨ་ཀ་ཐི་ཀཱ. ཀ་ཏ་མེ ཙ་ཏྟཱ་རོ? ཨི་དྷ, བྷི་ཀྑ་ཝེ, ཨེ་ཀ་ཙྩོ དྷ་མྨ་ཀ་ཐི་ཀོ ཨ་པྤ་ཉྩ བྷཱ་ས་ཏི ཨ་ས་ཧི་ཏ་ཉྩ; པ་རི་སཱ ཙ་སྶ [པ་རི་སཱ ཙ (སཱི. སྱཱ. ཀཾ. པཱི.) པུ. པ. ༡༥༦] ན ཀུ་ས་ལཱ ཧོ་ཏི ས་ཧི་ཏཱ་ས་ཧི་ཏ་སྶ. ཨེ་ཝ་རཱུ་པོ, བྷི་ཀྑ་ཝེ, དྷ་མྨ་ཀ་ཐི་ཀོ ཨེ་ཝ་རཱུ་པཱ་ཡ པ་རི་སཱ་ཡ དྷ་མྨ་ཀ་ཐི་ཀོ་ཏྭེ་ཝ ས་ངྑཾ ག་ཙྪ་ཏི.

‘‘ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ དྷ་མྨ་ཀ་ཐི་ཀོ ཨ་པྤ་ཉྩ བྷཱ་ས་ཏི ས་ཧི་ཏ་ཉྩ; པ་རི་སཱ ཙ་སྶ ཀུ་ས་ལཱ ཧོ་ཏི ས་ཧི་ཏཱ་ས་ཧི་ཏ་སྶ. ཨེ་ཝ་རཱུ་པོ, བྷི་ཀྑ་ཝེ, དྷ་མྨ་ཀ་ཐི་ཀོ ཨེ་ཝ་རཱུ་པཱ་ཡ པ་རི་སཱ་ཡ དྷ་མྨ་ཀ་ཐི་ཀོ་ཏྭེ་ཝ ས་ངྑཾ ག་ཙྪ་ཏི.

‘‘ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ དྷ་མྨ་ཀ་ཐི་ཀོ བ་ཧུ་ཉྩ བྷཱ་ས་ཏི ཨ་ས་ཧི་ཏ་ཉྩ; པ་རི་སཱ ཙ་སྶ ན ཀུ་ས་ལཱ ཧོ་ཏི ས་ཧི་ཏཱ་ས་ཧི་ཏ་སྶ. ཨེ་ཝ་རཱུ་པོ, བྷི་ཀྑ་ཝེ, དྷ་མྨ་ཀ་ཐི་ཀོ ཨེ་ཝ་རཱུ་པཱ་ཡ པ་རི་སཱ་ཡ དྷ་མྨ་ཀ་ཐི་ཀོ་ཏྭེ་ཝ ས་ངྑཾ ག་ཙྪ་ཏི.

‘‘ཨི་དྷ པ་ན, བྷི་ཀྑ་ཝེ, ཨེ་ཀ་ཙྩོ དྷ་མྨ་ཀ་ཐི་ཀོ བ་ཧུ་ཉྩ བྷཱ་ས་ཏི ས་ཧི་ཏ་ཉྩ; པ་རི་སཱ ཙ་སྶ ཀུ་ས་ལཱ ཧོ་ཏི ས་ཧི་ཏཱ་ས་ཧི་ཏ་སྶ. ཨེ་ཝ་རཱུ་པོ, བྷི་ཀྑ་ཝེ, དྷ་མྨ་ཀ་ཐི་ཀོ ཨེ་ཝ་རཱུ་པཱ་ཡ པ་རི་སཱ་ཡ དྷ་མྨ་ཀ་ཐི་ཀོ་ཏྭེ་ཝ ས་ངྑཾ ག་ཙྪ་ཏི. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ དྷ་མྨ་ཀ་ཐི་ཀཱ’’ཏི. ན་ཝ་མཾ.