༡༠. ཝཱ་དཱི་སུ་ཏྟཾ

༡༤༠. ‘‘ཙ་ཏྟཱ་རོ་མེ, བྷི་ཀྑ་ཝེ, ཝཱ་དཱི. ཀ་ཏ་མེ ཙ་ཏྟཱ་རོ? ཨ་ཏྠི, བྷི་ཀྑ་ཝེ, ཝཱ་དཱི ཨ་ཏྠ་ཏོ པ་རི་ཡཱ་དཱ་ནཾ ག་ཙྪ་ཏི, ནོ བྱ་ཉྫ་ན་ཏོ; ཨ་ཏྠི, བྷི་ཀྑ་ཝེ, ཝཱ་དཱི བྱ་ཉྫ་ན་ཏོ པ་རི་ཡཱ་དཱ་ནཾ ག་ཙྪ་ཏི, ནོ ཨ་ཏྠ་ཏོ; ཨ་ཏྠི, བྷི་ཀྑ་ཝེ, ཝཱ་དཱི ཨ་ཏྠ་ཏོ ཙ བྱ་ཉྫ་ན་ཏོ ཙ པ་རི་ཡཱ་དཱ་ནཾ ག་ཙྪ་ཏི; ཨ་ཏྠི, བྷི་ཀྑ་ཝེ, ཝཱ་དཱི ནེ་ཝ་ཏྠ་ཏོ ནོ བྱ་ཉྫ་ན་ཏོ པ་རི་ཡཱ་དཱ་ནཾ ག་ཙྪ་ཏི. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ ཝཱ་དཱི. ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཙ་ཏཱུ་ཧི པ་ཊི་ས་མྦྷི་དཱ་ཧི ས་མ་ནྣཱ་ག་ཏོ [ས་མ་ནྣཱ་ག་ཏོ བྷི་ཀྑུ (སཱི. སྱཱ. ཀཾ.)] ཨ་ཏྠ་ཏོ ཝཱ བྱ་ཉྫ་ན་ཏོ ཝཱ པ་རི་ཡཱ་དཱ་ནཾ ག་ཙྪེ་ཡྻཱ’’ཏི. ད་ས་མཾ.

པུ་གྒ་ལ་ཝ་གྒོ ཙ་ཏུ་ཏྠོ.