༨. སཾ་ཝེ་ཛ་ནཱི་ཡ་སུ་ཏྟཾ

༡༡༨. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, ས་དྡྷ་སྶ ཀུ་ལ་པུ་ཏྟ་སྶ ད་སྶ་ནཱི་ཡཱ་ནི སཾ་ཝེ་ཛ་ནཱི་ཡཱ་ནི ཋཱ་ནཱ་ནི. ཀ་ཏ་མཱ་ནི ཙ་ཏྟཱ་རི? ‘ཨི་དྷ ཏ་ཐཱ་ག་ཏོ ཛཱ་ཏོ’ཏི, བྷི་ཀྑ་ཝེ, ས་དྡྷ་སྶ ཀུ་ལ་པུ་ཏྟ་སྶ ད་སྶ་ནཱི་ཡཾ སཾ་ཝེ་ཛ་ནཱི་ཡཾ ཋཱ་ནཾ. ‘ཨི་དྷ ཏ་ཐཱ་ག་ཏོ ཨ་ནུ་ཏྟ་རཾ ས་མྨཱ་ས་མྦོ་དྷིཾ ཨ་བྷི་ས་མྦུ་དྡྷོ’ཏི, བྷི་ཀྑ་ཝེ, ས་དྡྷ་སྶ ཀུ་ལ་པུ་ཏྟ་སྶ ད་སྶ་ནཱི་ཡཾ སཾ་ཝེ་ཛ་ནཱི་ཡཾ ཋཱ་ནཾ. ‘ཨི་དྷ ཏ་ཐཱ་ག་ཏོ ཨ་ནུ་ཏྟ་རཾ དྷ་མྨ་ཙ་ཀྐཾ པ་ཝ་ཏྟེ་སཱི’ཏི, བྷི་ཀྑ་ཝེ, ས་དྡྷ་སྶ ཀུ་ལ་པུ་ཏྟ་སྶ ད་སྶ་ནཱི་ཡཾ སཾ་ཝེ་ཛ་ནཱི་ཡཾ ཋཱ་ནཾ. ‘ཨི་དྷ ཏ་ཐཱ་ག་ཏོ ཨ་ནུ་པཱ་དི་སེ་སཱ་ཡ ནི་བྦཱ་ན་དྷཱ་ཏུ་ཡཱ པ་རི་ནི་བྦུ་ཏོ’ཏི, བྷི་ཀྑ་ཝེ, ས་དྡྷ་སྶ ཀུ་ལ་པུ་ཏྟ་སྶ ད་སྶ་ནཱི་ཡཾ སཾ་ཝེ་ཛ་ནཱི་ཡཾ ཋཱ་ནཾ. ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི ས་དྡྷ་སྶ ཀུ་ལ་པུ་ཏྟ་སྶ ད་སྶ་ནཱི་ཡཱ་ནི སཾ་ཝེ་ཛ་ནཱི་ཡཱ་ནི ཋཱ་ནཱ་ནཱི’’ཏི. ཨ་ཊྛ་མཾ.