༦. ཨ་པྤ་མཱ་ད་སུ་ཏྟཾ

༡༡༦. ‘‘ཙ་ཏཱུ་ཧི, བྷི་ཀྑ་ཝེ, ཋཱ་ནེ་ཧི ཨ་པྤ་མཱ་དོ ཀ་ར་ཎཱི་ཡོ. ཀ་ཏ་མེ་ཧི ཙ་ཏཱུ་ཧི? ཀཱ་ཡ་དུ་ཙྩ་རི་ཏཾ, བྷི་ཀྑ་ཝེ, པ་ཛ་ཧ་ཐ, ཀཱ་ཡ་སུ་ཙ་རི་ཏཾ བྷཱ་ཝེ་ཐ; ཏ་ཏྠ ཙ མཱ པ་མཱ་ད་ཏྠ. ཝ་ཙཱི་དུ་ཙྩ་རི་ཏཾ, བྷི་ཀྑ་ཝེ, པ་ཛ་ཧ་ཐ, ཝ་ཙཱི་སུ་ཙ་རི་ཏཾ བྷཱ་ཝེ་ཐ; ཏ་ཏྠ ཙ མཱ པ་མཱ་ད་ཏྠ. མ་ནོ་དུ་ཙྩ་རི་ཏཾ, བྷི་ཀྑ་ཝེ, པ་ཛ་ཧ་ཐ, མ་ནོ་སུ་ཙ་རི་ཏཾ བྷཱ་ཝེ་ཐ; ཏ་ཏྠ ཙ མཱ པ་མཱ་ད་ཏྠ. མི་ཙྪཱ་དི་ཊྛིཾ, བྷི་ཀྑ་ཝེ, པ་ཛ་ཧ་ཐ, ས་མྨཱ་དི་ཊྛིཾ བྷཱ་ཝེ་ཐ; ཏ་ཏྠ ཙ མཱ པ་མཱ་ད་ཏྠ.

‘‘ཡ་ཏོ ཁོ, བྷི་ཀྑ་ཝེ, བྷི་ཀྑུ་ནོ ཀཱ་ཡ་དུ་ཙྩ་རི་ཏཾ པ་ཧཱི་ནཾ ཧོ་ཏི ཀཱ་ཡ་སུ་ཙ་རི་ཏཾ བྷཱ་ཝི་ཏཾ, ཝ་ཙཱི་དུ་ཙྩ་རི་ཏཾ པ་ཧཱི་ནཾ ཧོ་ཏི ཝ་ཙཱི་སུ་ཙ་རི་ཏཾ བྷཱ་ཝི་ཏཾ, མ་ནོ་དུ་ཙྩ་རི་ཏཾ པ་ཧཱི་ནཾ ཧོ་ཏི མ་ནོ་སུ་ཙ་རི་ཏཾ བྷཱ་ཝི་ཏཾ, མི་ཙྪཱ་དི་ཊྛི པ་ཧཱི་ནཱ ཧོ་ཏི ས་མྨཱ་དི་ཊྛི བྷཱ་ཝི་ཏཱ, སོ ན བྷཱ་ཡ་ཏི ས་མྤ་རཱ་ཡི་ཀ་སྶ མ་ར་ཎ་སྶཱ’’ཏི. ཚ་ཊྛཾ.