༧. སུ་ཝི་དཱུ་ར་སུ་ཏྟཾ

༤༧. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, སུ་ཝི་དཱུ་ར་ཝི་དཱུ་རཱ་ནི. ཀ་ཏ་མཱ་ནི ཙ་ཏྟཱ་རི? ན་བྷ་ཉྩ, བྷི་ཀྑ་ཝེ, པ་ཐ་ཝཱི ཙ; ཨི་དཾ པ་ཋ་མཾ སུ་ཝི་དཱུ་ར་ཝི་དཱུ་རེ. ཨོ་རི་མ་ཉྩ, བྷི་ཀྑ་ཝེ, ཏཱི་རཾ ས་མུ་དྡ་སྶ པཱ་རི་མ་ཉྩ; ཨི་དཾ དུ་ཏི་ཡཾ སུ་ཝི་དཱུ་ར་ཝི་དཱུ་རེ. ཡ་ཏོ ཙ, བྷི་ཀྑ་ཝེ, ཝེ་རོ་ཙ་ནོ ཨ་བྦྷུ་དེ་ཏི ཡ་ཏྠ ཙ ཨ་ཏྠ་མེ་ཏི [ཨ་ཏྠ་ངྒ་མེ་ཏི (སྱཱ.), ཝེ་ཏི (ཀ.)]; ཨི་དཾ ཏ་ཏི་ཡཾ སུ་ཝི་དཱུ་ར་ཝི་དཱུ་རེ. ས་ཏ་ཉྩ, བྷི་ཀྑ་ཝེ, དྷ་མྨོ ཨ་ས་ཏ་ཉྩ དྷ་མྨོ; ཨི་དཾ ཙ་ཏུ་ཏྠཾ སུ་ཝི་དཱུ་ར་ཝི་དཱུ་རེ. ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི སུ་ཝི་དཱུ་ར་ཝི་དཱུ་རཱ་ནཱི’’ཏི.

[ཛཱ. ༢.༢༡.༤༡༤, ༤༤༨] ‘‘ན་བྷ་ཉྩ དཱུ་རེ པ་ཐ་ཝཱི ཙ དཱུ་རེ,

པཱ་རཾ ས་མུ་དྡ་སྶ ཏ་དཱ་ཧུ དཱུ་རེ;

ཡ་ཏོ ཙ ཝེ་རོ་ཙ་ནོ ཨ་བྦྷུ་དེ་ཏི,

པ་བྷ་ངྐ་རོ ཡ་ཏྠ ཙ ཨ་ཏྠ་མེ་ཏི;

ཏ་ཏོ ཧ་ཝེ དཱུ་ར་ཏ་རཾ ཝ་ད་ནྟི,

ས་ཏ་ཉྩ དྷ་མྨཾ ཨ་ས་ཏ་ཉྩ དྷ་མྨཾ.

‘‘ཨ་བྱཱ་ཡི་ཀོ ཧོ་ཏི ས་ཏཾ ས་མཱ་ག་མོ,

ཡཱ་ཝཱ་པི [ཡཱ་ཝ་མྤི (སཱི. སྱཱ. ཀཾ. པཱི.)] ཏི་ཊྛེ་ཡྻ ཏ་ཐེ་ཝ ཧོ་ཏི;

ཁི་པྤ་ཉྷི ཝེ་ཏི ཨ་ས་ཏཾ ས་མཱ་ག་མོ,

ཏ་སྨཱ ས་ཏཾ དྷ་མྨོ ཨ་ས་བྦྷི ཨཱ་ར་ཀཱ’’ཏི. ས་ཏྟ་མཾ;