༢. པ་ཉྷ་བྱཱ་ཀ་ར་ཎ་སུ་ཏྟཾ

༤༢. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, པ་ཉྷ་བྱཱ་ཀ་ར་ཎཱ་ནི [པ་ཉྷཱ་བྱཱ་ཀ་ར་ཎཱ་ནི (ཀ.)]. ཀ་ཏ་མཱ་ནི ཙ་ཏྟཱ་རི? ཨ་ཏྠི, བྷི་ཀྑ་ཝེ, པ་ཉྷོ ཨེ་ཀཾ་ས་བྱཱ་ཀ་ར་ཎཱི་ཡོ; ཨ་ཏྠི, བྷི་ཀྑ་ཝེ, པ་ཉྷོ ཝི་བྷ་ཛྫ་བྱཱ་ཀ་ར་ཎཱི་ཡོ; ཨ་ཏྠི, བྷི་ཀྑ་ཝེ, པ་ཉྷོ པ་ཊི་པུ་ཙྪཱ་བྱཱ་ཀ་ར་ཎཱི་ཡོ; ཨ་ཏྠི, བྷི་ཀྑ་ཝེ, པ་ཉྷོ ཋ་པ་ནཱི་ཡོ. ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི པ་ཉྷ་བྱཱ་ཀ་ར་ཎཱ་ནཱི’’ཏི.

‘‘ཨེ་ཀཾ་ས་ཝ་ཙ་ནཾ ཨེ་ཀཾ, ཝི་བྷ་ཛྫ་ཝ་ཙ་ནཱ་པ་རཾ;

ཏ་ཏི་ཡཾ པ་ཊི་པུ་ཙྪེ་ཡྻ, ཙ་ཏུ་ཏྠཾ པ་ན ཋཱ་པ་ཡེ.

‘‘ཡོ ཙ ཏེ་སཾ [ནེ་སཾ (སཱི. སྱཱ. ཀཾ.)] ཏ་ཏྠ ཏ་ཏྠ, ཛཱ་ནཱ་ཏི ཨ་ནུ་དྷ་མྨ་ཏཾ;

ཙ་ཏུ་པ་ཉྷ་སྶ ཀུ་ས་ལོ, ཨཱ་ཧུ བྷི་ཀྑུཾ ཏ་ཐཱ་ཝི་དྷཾ.

‘‘དུ་རཱ་ས་དོ དུ་པྤ་ས་ཧོ, ག་མྦྷཱི་རོ དུ་པྤ་དྷཾ་སི་ཡོ;

ཨ་ཐོ ཨ་ཏྠེ ཨ་ན་ཏྠེ ཙ, ཨུ་བྷ་ཡ་སྶ ཧོ་ཏི ཀོ་ཝི་དོ [ཨུ་བྷ་ཡ་ཏྠ་སྶ ཀོ་ཝི་དོ (སྱཱ. ཀཾ.)].

‘‘ཨ་ན་ཏྠཾ པ་རི་ཝ་ཛྫེ་ཏི, ཨ་ཏྠཾ ག་ཎྷཱ་ཏི པ་ཎྜི་ཏོ;

ཨ་ཏྠཱ་བྷི་ས་མ་ཡཱ དྷཱི་རོ, པ་ཎྜི་ཏོ་ཏི པ་ཝུ་ཙྩ་ཏཱི’’ཏི. དུ་ཏི་ཡཾ;