༡. ས་མ་ཎ་སུ་ཏྟཾ

༨༢. ‘‘ཏཱི་ཎི་མཱ་ནི, བྷི་ཀྑ་ཝེ, ས་མ་ཎ་སྶ ས་མ་ཎི་ཡཱ་ནི ས་མ་ཎ་ཀ་ར་ཎཱི་ཡཱ་ནི. ཀ་ཏ་མཱ་ནི ཏཱི་ཎི? ཨ་དྷི་སཱི་ལ་སི་ཀྑཱ་ས་མཱ་དཱ་ནཾ, ཨ་དྷི་ཙི་ཏྟ་སི་ཀྑཱ་ས་མཱ་དཱ་ནཾ, ཨ་དྷི་པ་ཉྙཱ་སི་ཀྑཱ་ས་མཱ་དཱ་ནཾ – ཨི་མཱ་ནི ཁོ, བྷི་ཀྑ་ཝེ, ཏཱི་ཎི ས་མ་ཎ་སྶ ས་མ་ཎི་ཡཱ་ནི ས་མ་ཎ་ཀ་ར་ཎཱི་ཡཱ་ནི.

‘‘ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘ཏི་བྦོ ནོ ཚ་ནྡོ བྷ་ཝི་སྶ་ཏི ཨ་དྷི་སཱི་ལ་སི་ཀྑཱ་ས་མཱ་དཱ་ནེ, ཏི་བྦོ ནོ ཚ་ནྡོ བྷ་ཝི་སྶ་ཏི ཨ་དྷི་ཙི་ཏྟ་སི་ཀྑཱ་ས་མཱ་དཱ་ནེ, ཏི་བྦོ ནོ ཚ་ནྡོ བྷ་ཝི་སྶ་ཏི ཨ་དྷི་པ་ཉྙཱ་སི་ཀྑཱ་ས་མཱ་དཱ་ནེ’ཏི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. པ་ཋ་མཾ.