༥. པ་ཎྜི་ཏ་སུ་ཏྟཾ

༤༥. ‘‘ཏཱི་ཎི་མཱ་ནི, བྷི་ཀྑ་ཝེ, པ་ཎྜི་ཏ་པ་ཉྙ་ཏྟཱ་ནི ས་པྤུ་རི་ས་པ་ཉྙ་ཏྟཱ་ནི. ཀ་ཏ་མཱ་ནི ཏཱི་ཎི? དཱ་ནཾ, བྷི་ཀྑ་ཝེ, པ་ཎྜི་ཏ་པ་ཉྙ་ཏྟཾ ས་པྤུ་རི་ས་པ་ཉྙ་ཏྟཾ. པ་བྦ་ཛྫཱ, བྷི་ཀྑ་ཝེ, པ་ཎྜི་ཏ་པ་ཉྙ་ཏྟཱ ས་པྤུ་རི་ས་པ་ཉྙ་ཏྟཱ. མཱ་ཏཱ་པི་ཏཱུ་ནཾ, བྷི་ཀྑ་ཝེ, ཨུ་པ་ཊྛཱ་ནཾ པ་ཎྜི་ཏ་པ་ཉྙ་ཏྟཾ ས་པྤུ་རི་ས་པ་ཉྙ་ཏྟཾ. ཨི་མཱ་ནི ཁོ, བྷི་ཀྑ་ཝེ, ཏཱི་ཎི པ་ཎྜི་ཏ་པ་ཉྙ་ཏྟཱ་ནི ས་པྤུ་རི་ས་པ་ཉྙ་ཏྟཱ་ནཱི’’ཏི.

‘‘ས་བྦྷི དཱ་ནཾ ཨུ་པ་ཉྙ་ཏྟཾ, ཨ་ཧིཾ་སཱ སཾ་ཡ་མོ ད་མོ;

མཱ་ཏཱ་པི་ཏུ ཨུ་པ་ཊྛཱ་ནཾ, ས་ནྟཱ་ནཾ བྲ་ཧྨ་ཙཱ་རི་ནཾ.

‘‘ས་ཏཾ ཨེ་ཏཱ་ནི ཋཱ་ནཱ་ནི, ཡཱ་ནི སེ་ཝེ་ཐ པ་ཎྜི་ཏོ;

ཨ་རི་ཡོ ད་སྶ་ན་ས་མྤ་ནྣོ, ས ལོ་ཀཾ བྷ་ཛ་ཏེ སི་ཝ’’ནྟི. པ་ཉྩ་མཾ;