༨. དེ་ཝ་ལོ་ཀ་སུ་ཏྟཾ

༡༨. ‘‘ས་ཙེ ཝོ, བྷི་ཀྑ་ཝེ, ཨ་ཉྙ་ཏི་ཏྠི་ཡཱ པ་རི་བྦཱ་ཛ་ཀཱ ཨེ་ཝཾ པུ་ཙྪེ་ཡྻུཾ – ‘དེ་ཝ་ལོ་ཀཱུ་པ་པ་ཏྟི་ཡཱ, ཨཱ་ཝུ་སོ, ས་མ་ཎེ གོ་ཏ་མེ བྲ་ཧྨ་ཙ་རི་ཡཾ ཝུ་སྶ་ཐཱ’ཏི? ན་ནུ ཏུ་མྷེ, བྷི་ཀྑ་ཝེ, ཨེ་ཝཾ པུ་ཊྛཱ ཨ་ཊྚཱི་ཡེ་ཡྻཱ་ཐ ཧ་རཱ་ཡེ་ཡྻཱ་ཐ ཛི་གུ་ཙྪེ་ཡྻཱ་ཐཱ’’ཏི? ‘‘ཨེ་ཝཾ, བྷ་ནྟེ’’. ‘‘ཨི་ཏི ཀི་ར ཏུ་མྷེ, བྷི་ཀྑ་ཝེ, དི་བྦེ་ན ཨཱ་ཡུ་ནཱ ཨ་ཊྚཱི་ཡ་ཐ ཧ་རཱ་ཡ་ཐ ཛི་གུ་ཙྪ་ཐ, དི་བྦེ་ན ཝ་ཎྞེ་ན དི་བྦེ་ན སུ་ཁེ་ན དི་བྦེ་ན ཡ་སེ་ན དི་བྦེ་ནཱ་དྷི་པ་ཏེ་ཡྻེ་ན ཨ་ཊྚཱི་ཡ་ཐ ཧ་རཱ་ཡ་ཐ ཛི་གུ་ཙྪ་ཐ; པ་གེ་ཝ ཁོ པ་ན, བྷི་ཀྑ་ཝེ, ཏུ་མྷེ་ཧི ཀཱ་ཡ་དུ་ཙྩ་རི་ཏེ་ན ཨ་ཊྚཱི་ཡི་ཏ་བྦཾ ཧ་རཱ་ཡི་ཏ་བྦཾ ཛི་གུ་ཙྪི་ཏ་བྦཾ, ཝ་ཙཱི་དུ་ཙྩ་རི་ཏེ་ན… མ་ནོ་དུ་ཙྩ་རི་ཏེ་ན ཨ་ཊྚཱི་ཡི་ཏ་བྦཾ ཧ་རཱ་ཡི་ཏ་བྦཾ ཛི་གུ་ཙྪི་ཏ་བྦ’’ནྟི. ཨ་ཊྛ་མཾ.