༢. པ་དྷཱ་ན་སུ་ཏྟཾ

༢. ‘‘དྭེ་མཱ་ནི, བྷི་ཀྑ་ཝེ, པ་དྷཱ་ནཱ་ནི དུ་ར་བྷི་ས་མྦྷ་ཝཱ་ནི ལོ་ཀ་སྨིཾ. ཀ་ཏ་མཱ་ནི དྭེ? ཡ་ཉྩ གི་ཧཱི་ནཾ ཨ་གཱ་རཾ ཨ་ཛ྄ཛྷཱ་ཝ་ས་ཏཾ ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རཱ་ནུ་པྤ་དཱ་ན་ཏྠཾ པ་དྷཱ་ནཾ, ཡ་ཉྩ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏཱ་ནཾ ས་བྦཱུ་པ་དྷི་པ་ཊི་ནི་སྶ་གྒ་ཏྠཾ པ་དྷཱ་ནཾ. ཨི་མཱ་ནི ཁོ, བྷི་ཀྑ་ཝེ, དྭེ པ་དྷཱ་ནཱ་ནི དུ་ར་བྷི་ས་མྦྷ་ཝཱ་ནི ལོ་ཀ་སྨིཾ.

‘‘ཨེ་ཏ་ད་གྒཾ, བྷི་ཀྑ་ཝེ, ཨི་མེ་སཾ དྭི་ནྣཾ པ་དྷཱ་ནཱ་ནཾ ཡ་དི་དཾ ས་བྦཱུ་པ་དྷི་པ་ཊི་ནི་སྶ་གྒ་ཏྠཾ པ་དྷཱ་ནཾ. ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘ས་བྦཱུ་པ་དྷི་པ་ཊི་ནི་སྶ་གྒ་ཏྠཾ པ་དྷཱ་ནཾ པ་ད་ཧི་སྶཱ་མཱ’ཏི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. དུ་ཏི་ཡཾ.