༡. ནི་སྶ་ཡ་ཝ་གྒོ

༡. ཀི་མ་ཏྠི་ཡ་སུ་ཏྟཾ

༡. [ཨ. ནི. ༡༠.༡] ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཨ་ཐ ཁོ ཨཱ་ཡ་སྨཱ ཨཱ་ན་ནྡོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ ཨཱ་ན་ནྡོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཀི་མ་ཏྠི་ཡཱ་ནི, བྷ་ནྟེ, ཀུ་ས་ལཱ་ནི སཱི་ལཱ་ནི ཀི་མཱ་ནི་སཾ་སཱ་ནཱི’’ཏི? ‘‘ཨ་ཝི་པྤ་ཊི་སཱ་ར་ཏྠཱ་ནི ཁོ, ཨཱ་ན་ནྡ, ཀུ་ས་ལཱ་ནི སཱི་ལཱ་ནི ཨ་ཝི་པྤ་ཊི་སཱ་རཱ་ནི་སཾ་སཱ་ནཱི’’ཏི.

‘‘ཨ་ཝི་པྤ་ཊི་སཱ་རོ པ་ན, བྷ་ནྟེ, ཀི་མ་ཏྠི་ཡོ ཀི་མཱ་ནི་སཾ་སོ’’? ‘‘ཨ་ཝི་པྤ་ཊི་སཱ་རོ ཁོ, ཨཱ་ན་ནྡ, པཱ་མོ་ཛྫ་ཏྠོ པཱ་མོ་ཛྫཱ་ནི་སཾ་སོ’’.

‘‘པཱ་མོ་ཛྫཾ པ་ན, བྷ་ནྟེ, ཀི་མ་ཏྠི་ཡཾ ཀི་མཱ་ནི་སཾ་སཾ’’? ‘‘པཱ་མོ་ཛྫཾ ཁོ, ཨཱ་ན་ནྡ, པཱི་ཏ་ཏྠཾ པཱི་ཏཱ་ནི་སཾ་སཾ’’.

‘‘པཱི་ཏི པ་ན, བྷ་ནྟེ, ཀི་མ་ཏྠི་ཡཱ ཀི་མཱ་ནི་སཾ་སཱ’’? ‘‘པཱི་ཏི ཁོ, ཨཱ་ན་ནྡ, པ་སྶ་དྡྷ་ཏྠཱ པ་སྶ་དྡྷཱ་ནི་སཾ་སཱ’’.

‘‘པ་སྶ་དྡྷི པ་ན, བྷ་ནྟེ, ཀི་མ་ཏྠི་ཡཱ ཀི་མཱ་ནི་སཾ་སཱ’’? ‘‘པ་སྶ་དྡྷི ཁོ, ཨཱ་ན་ནྡ, སུ་ཁ་ཏྠཱ སུ་ཁཱ་ནི་སཾ་སཱ’’.

‘‘སུ་ཁཾ པ་ན, བྷ་ནྟེ, ཀི་མ་ཏྠི་ཡཾ ཀི་མཱ་ནི་སཾ་སཾ’’? ‘‘སུ་ཁཾ ཁོ, ཨཱ་ན་ནྡ, ས་མཱ་དྷ་ཏྠཾ ས་མཱ་དྷཱ་ནི་སཾ་སཾ’’.

‘‘ས་མཱ་དྷི པ་ན, བྷ་ནྟེ, ཀི་མ་ཏྠི་ཡོ ཀི་མཱ་ནི་སཾ་སོ’’? ‘‘ས་མཱ་དྷི ཁོ, ཨཱ་ན་ནྡ, ཡ་ཐཱ་བྷཱུ་ཏ་ཉཱ་ཎ་ད་སྶ་ན་ཏྠོ ཡ་ཐཱ་བྷཱུ་ཏ་ཉཱ་ཎ་ད་སྶ་ནཱ་ནི་སཾ་སོ’’.

‘‘ཡ་ཐཱ་བྷཱུ་ཏ་ཉཱ་ཎ་ད་སྶ་ནཾ པ་ན, བྷ་ནྟེ, ཀི་མ་ཏྠི་ཡཾ ཀི་མཱ་ནི་སཾ་སཾ’’? ‘‘ཡ་ཐཱ་བྷཱུ་ཏ་ཉཱ་ཎ་ད་སྶ་ནཾ ཁོ, ཨཱ་ན་ནྡ, ནི་བྦི་ད་ཏྠཾ ནི་བྦི་དཱ་ནི་སཾ་སཾ’’.

‘‘ནི་བྦི་དཱ, པ་ན, བྷ་ནྟེ, ཀི་མ་ཏྠི་ཡཱ ཀི་མཱ་ནི་སཾ་སཱ’’? ‘‘ནི་བྦི་དཱ ཁོ, ཨཱ་ན་ནྡ, ཝི་རཱ་ག་ཏྠཱ ཝི་རཱ་གཱ་ནི་སཾ་སཱ ’’.

‘‘ཝི་རཱ་གོ པ་ན, བྷ་ནྟེ, ཀི་མ་ཏྠི་ཡོ ཀི་མཱ་ནི་སཾ་སོ’’? ‘‘ཝི་རཱ་གོ ཁོ, ཨཱ་ན་ནྡ, ཝི་མུ་ཏྟི་ཉཱ་ཎ་ད་སྶ་ན་ཏྠོ ཝི་མུ་ཏྟི་ཉཱ་ཎ་ད་སྶ་ནཱ་ནི་སཾ་སོ.

‘‘ཨི་ཏི ཁོ, ཨཱ་ན་ནྡ, ཀུ་ས་ལཱ་ནི སཱི་ལཱ་ནི ཨ་ཝི་པྤ་ཊི་སཱ་ར་ཏྠཱ་ནི ཨ་ཝི་པྤ་ཊི་སཱ་རཱ་ནི་སཾ་སཱ་ནི, ཨ་ཝི་པྤ་ཊི་སཱ་རོ པཱ་མོ་ཛྫ་ཏྠོ པཱ་མོ་ཛྫཱ་ནི་སཾ་སོ, པཱ་མོ་ཛྫཾ པཱི་ཏ་ཏྠཾ པཱི་ཏཱ་ནི་སཾ་སཾ, པཱི་ཏི པ་སྶ་དྡྷ་ཏྠཱ པ་སྶ་དྡྷཱ་ནི་སཾ་སཱ, པ་སྶ་དྡྷི སུ་ཁ་ཏྠཱ སུ་ཁཱ་ནི་སཾ་སཱ, སུ་ཁཾ ས་མཱ་དྷ་ཏྠཾ ས་མཱ་དྷཱ་ནི་སཾ་སཾ, ས་མཱ་དྷི ཡ་ཐཱ་བྷཱུ་ཏ་ཉཱ་ཎ་ད་སྶ་ན་ཏྠོ ཡ་ཐཱ་བྷཱུ་ཏ་ཉཱ་ཎ་ད་སྶ་ནཱ་ནི་སཾ་སོ, ཡ་ཐཱ་བྷཱུ་ཏ་ཉཱ་ཎ་ད་སྶ་ནཾ ནི་བྦི་ད་ཏྠཾ ནི་བྦི་དཱ་ནི་སཾ་སཾ, ནི་བྦི་དཱ ཝི་རཱ་ག་ཏྠཱ ཝི་རཱ་གཱ་ནི་སཾ་སཱ, ཝི་རཱ་གོ ཝི་མུ་ཏྟི་ཉཱ་ཎ་ད་སྶ་ན་ཏྠོ ཝི་མུ་ཏྟི་ཉཱ་ཎ་ད་སྶ་ནཱ་ནི་སཾ་སོ. ཨི་ཏི ཁོ, ཨཱ་ན་ནྡ, ཀུ་ས་ལཱ་ནི སཱི་ལཱ་ནི ཨ་ནུ་པུ་བྦེ་ན ཨ་གྒཱ་ཡ པ་རེ་ནྟཱི’’ཏི. པ་ཋ་མཾ.

༢. ཙེ་ཏ་ནཱ་ཀ་ར་ཎཱི་ཡ་སུ་ཏྟཾ

༢. [ཨ. ནི. ༡༠.༢] ‘‘སཱི་ལ་ཝ་ཏོ, བྷི་ཀྑ་ཝེ, སཱི་ལ་ས་མྤ་ནྣ་སྶ ན ཙེ་ཏ་ནཱ་ཡ ཀ་ར་ཎཱི་ཡཾ – ‘ཨ་ཝི་པྤ་ཊི་སཱ་རོ མེ ཨུ་པྤ་ཛྫ་ཏཱུ’ཏི. དྷ་མྨ་ཏཱ ཨེ་སཱ, བྷི་ཀྑ་ཝེ, ཡཾ སཱི་ལ་ཝ་ཏོ སཱི་ལ་ས་མྤ་ནྣ་སྶ ཨ་ཝི་པྤ་ཊི་སཱ་རོ ཨུ་པྤ་ཛྫ་ཏི.

‘‘ཨ་ཝི་པྤ་ཊི་སཱ་རི་སྶ, བྷི་ཀྑ་ཝེ, ན ཙེ་ཏ་ནཱ་ཡ ཀ་ར་ཎཱི་ཡཾ – ‘པཱ་མོ་ཛྫཾ མེ ཨུ་པྤ་ཛྫ་ཏཱུ’ཏི. དྷ་མྨ་ཏཱ ཨེ་སཱ, བྷི་ཀྑ་ཝེ, ཡཾ ཨ་ཝི་པྤ་ཊི་སཱ་རི་སྶ པཱ་མོ་ཛྫཾ ཨུ་པྤ་ཛྫ་ཏི.

‘‘པ་མུ་དི་ཏ་སྶ, བྷི་ཀྑ་ཝེ, ན ཙེ་ཏ་ནཱ་ཡ ཀ་ར་ཎཱི་ཡཾ – ‘པཱི་ཏི མེ ཨུ་པྤ་ཛྫ་ཏཱུ’ཏི. དྷ་མྨ་ཏཱ ཨེ་སཱ, བྷི་ཀྑ་ཝེ, ཡཾ པ་མུ་དི་ཏ་སྶ པཱི་ཏི ཨུ་པྤ་ཛྫ་ཏི.

‘‘པཱི་ཏི་མ་ན་སྶ, བྷི་ཀྑ་ཝེ, ན ཙེ་ཏ་ནཱ་ཡ ཀ་ར་ཎཱི་ཡཾ – ‘ཀཱ་ཡོ མེ པ་སྶ་མྦྷ་ཏཱུ’ཏི. དྷ་མྨ་ཏཱ ཨེ་སཱ, བྷི་ཀྑ་ཝེ, ཡཾ པཱི་ཏི་མ་ན་སྶ ཀཱ་ཡོ པ་སྶ་མྦྷ་ཏི.

‘‘པ་སྶ་དྡྷ་ཀཱ་ཡ་སྶ, བྷི་ཀྑ་ཝེ, ན ཙེ་ཏ་ནཱ་ཡ ཀ་ར་ཎཱི་ཡཾ – ‘སུ་ཁཾ ཝེ་དི་ཡཱ་མཱི’ཏི. དྷ་མྨ་ཏཱ ཨེ་སཱ, བྷི་ཀྑ་ཝེ, ཡཾ པ་སྶ་དྡྷ་ཀཱ་ཡོ སུ་ཁཾ ཝེ་དི་ཡ་ཏི.

‘‘སུ་ཁི་ནོ, བྷི་ཀྑ་ཝེ, ན ཙེ་ཏ་ནཱ་ཡ ཀ་ར་ཎཱི་ཡཾ – ‘ཙི་ཏྟཾ མེ ས་མཱ་དྷི་ཡ་ཏཱུ’ཏི. དྷ་མྨ་ཏཱ ཨེ་སཱ, བྷི་ཀྑ་ཝེ, ཡཾ སུ་ཁི་ནོ ཙི་ཏྟཾ ས་མཱ་དྷི་ཡ་ཏི.

‘‘ས་མཱ་ཧི་ཏ་སྶ, བྷི་ཀྑ་ཝེ, ན ཙེ་ཏ་ནཱ་ཡ ཀ་ར་ཎཱི་ཡཾ – ‘ཡ་ཐཱ་བྷཱུ་ཏཾ ཛཱ་ནཱ་མི པ་སྶཱ་མཱི’ཏི. དྷ་མྨ་ཏཱ ཨེ་སཱ, བྷི་ཀྑ་ཝེ, ཡཾ ས་མཱ་ཧི་ཏོ ཡ་ཐཱ་བྷཱུ་ཏཾ ཛཱ་ནཱ་ཏི པ་སྶ་ཏི.

‘‘ཡ་ཐཱ་བྷཱུ་ཏཾ, བྷི་ཀྑ་ཝེ, ཛཱ་ན་ཏོ པ་སྶ་ཏོ ན ཙེ་ཏ་ནཱ་ཡ ཀ་ར་ཎཱི་ཡཾ – ‘ནི་བྦི་ནྡཱ་མཱི’ཏི. དྷ་མྨ་ཏཱ ཨེ་སཱ, བྷི་ཀྑ་ཝེ, ཡཾ ཡ་ཐཱ་བྷཱུ་ཏཾ ཛཱ་ནཾ པ་སྶཾ ནི་བྦི་ནྡ་ཏི.

‘‘ནི་བྦི་ནྣ་སྶ, བྷི་ཀྑ་ཝེ, ན ཙེ་ཏ་ནཱ་ཡ ཀ་ར་ཎཱི་ཡཾ – ‘ཝི་ར་ཛྫཱ་མཱི’ཏི. དྷ་མྨ་ཏཱ ཨེ་སཱ, བྷི་ཀྑ་ཝེ, ཡཾ ནི་བྦི་ནྣོ ཝི་ར་ཛྫ་ཏི.

‘‘ཝི་ར་ཏྟ་སྶ, བྷི་ཀྑ་ཝེ, ན ཙེ་ཏ་ནཱ་ཡ ཀ་ར་ཎཱི་ཡཾ – ‘ཝི་མུ་ཏྟི་ཉཱ་ཎ་ད་སྶ་ནཾ ས་ཙྪི་ཀ་རོ་མཱི’ཏི. དྷ་མྨ་ཏཱ ཨེ་སཱ, བྷི་ཀྑ་ཝེ, ཡཾ ཝི་ར་ཏྟོ ཝི་མུ་ཏྟི་ཉཱ་ཎ་ད་སྶ་ནཾ ས་ཙྪི་ཀ་རོ་ཏི.

‘‘ཨི་ཏི ཁོ, བྷི་ཀྑ་ཝེ, ཝི་རཱ་གོ ཝི་མུ་ཏྟི་ཉཱ་ཎ་ད་སྶ་ན་ཏྠོ ཝི་མུ་ཏྟི་ཉཱ་ཎ་ད་སྶ་ནཱ་ནི་སཾ་སོ, ནི་བྦི་དཱ ཝི་རཱ་ག་ཏྠཱ ཝི་རཱ་གཱ་ནི་སཾ་སཱ, ཡ་ཐཱ་བྷཱུ་ཏ་ཉཱ་ཎ་ད་སྶ་ནཾ ནི་བྦི་ད་ཏྠཾ ནི་བྦི་དཱ་ནི་སཾ་སཾ, ས་མཱ་དྷི ཡ་ཐཱ་བྷཱུ་ཏ་ཉཱ་ཎ་ད་སྶ་ན་ཏྠོ ཡ་ཐཱ་བྷཱུ་ཏ་ཉཱ་ཎ་ད་སྶ་ནཱ་ནི་སཾ་སོ, སུ་ཁཾ ས་མཱ་དྷ་ཏྠཾ ས་མཱ་དྷཱ་ནི་སཾ་སཾ, པ་སྶ་དྡྷི སུ་ཁ་ཏྠཱ སུ་ཁཱ་ནི་སཾ་སཱ, པཱི་ཏི པ་སྶ་དྡྷ་ཏྠཱ པ་སྶ་དྡྷཱ་ནི་སཾ་སཱ, པཱ་མོ་ཛྫཾ པཱི་ཏ་ཏྠཾ པཱི་ཏཱ་ནི་སཾ་སཾ, ཨ་ཝི་པྤ་ཊི་སཱ་རོ པཱ་མོ་ཛྫ་ཏྠོ པཱ་མོ་ཛྫཱ་ནི་སཾ་སོ, ཀུ་ས་ལཱ་ནི སཱི་ལཱ་ནི ཨ་ཝི་པྤ་ཊི་སཱ་ར་ཏྠཱ་ནི ཨ་ཝི་པྤ་ཊི་སཱ་རཱ་ནི་སཾ་སཱ་ནི. ཨི་ཏི ཁོ, བྷི་ཀྑ་ཝེ, དྷ་མྨཱ དྷ་མྨེ ཨ་བྷི་ས་ནྡེ་ནྟི, དྷ་མྨཱ དྷ་མྨེ པ་རི་པཱུ་རེ་ནྟི ཨ་པཱ་རཱ པཱ་རཾ ག་མ་ནཱ་ཡཱ’’ཏི. དུ་ཏི་ཡཾ.

༣. པ་ཋ་མ་ཨུ་པ་ནི་སཱ་སུ་ཏྟཾ

༣. [ཨ. ནི. ༥.༢༤; ༡༠.༣] ‘‘དུ་སྶཱི་ལ་སྶ, བྷི་ཀྑ་ཝེ, སཱི་ལ་ཝི་པ་ནྣ་སྶ ཧ་ཏཱུ་པ་ནི་སོ ཧོ་ཏི ཨ་ཝི་པྤ་ཊི་སཱ་རོ. ཨ་ཝི་པྤ་ཊི་སཱ་རེ ཨ་ས་ཏི ཨ་ཝི་པྤ་ཊི་སཱ་ར་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི པཱ་མོ་ཛྫཾ. པཱ་མོ་ཛྫེ ཨ་ས་ཏི པཱ་མོ་ཛྫ་ཝི་པ་ནྣ་སྶ ཧ་ཏཱུ་པ་ནི་སཱ ཧོ་ཏི པཱི་ཏི. པཱི་ཏི་ཡཱ ཨ་ས་ཏི པཱི་ཏི་ཝི་པ་ནྣ་སྶ ཧ་ཏཱུ་པ་ནི་སཱ ཧོ་ཏི པ་སྶ་དྡྷི. པ་སྶ་དྡྷི་ཡཱ ཨ་ས་ཏི པ་སྶ་དྡྷི་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི སུ་ཁཾ. སུ་ཁེ ཨ་ས་ཏི སུ་ཁ་ཝི་པ་ནྣ་སྶ ཧ་ཏཱུ་པ་ནི་སོ ཧོ་ཏི ས་མྨཱ་ས་མཱ་དྷི. ས་མྨཱ་ས་མཱ་དྷི་མྷི ཨ་ས་ཏི ས་མྨཱ་ས་མཱ་དྷི་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི ཡ་ཐཱ་བྷཱུ་ཏ་ཉཱ་ཎ་ད་སྶ་ནཾ. ཡ་ཐཱ་བྷཱུ་ཏ་ཉཱ་ཎ་ད་སྶ་ནེ ཨ་ས་ཏི ཡ་ཐཱ་བྷཱུ་ཏ་ཉཱ་ཎ་ད་སྶ་ན་ཝི་པ་ནྣ་སྶ ཧ་ཏཱུ་པ་ནི་སཱ ཧོ་ཏི ནི་བྦི་དཱ. ནི་བྦི་དཱ་ཡ ཨ་ས་ཏི ནི་བྦི་དཱ་ཝི་པ་ནྣ་སྶ ཧ་ཏཱུ་པ་ནི་སོ ཧོ་ཏི ཝི་རཱ་གོ. ཝི་རཱ་གེ ཨ་ས་ཏི ཝི་རཱ་ག་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི ཝི་མུ་ཏྟི་ཉཱ་ཎ་ད་སྶ་ནཾ.

‘‘སེ་ཡྻ་ཐཱ་པི, བྷི་ཀྑ་ཝེ, རུ་ཀྑོ སཱ་ཁཱ་པ་ལཱ་ས་ཝི་པ་ནྣོ. ཏ་སྶ པ་པ་ཊི་ཀཱ་པི ན པཱ་རི་པཱུ་རིཾ ག་ཙྪ་ཏི, ཏ་ཙོ་པི… ཕེ་གྒུ་པི… སཱ་རོ་པི ན པཱ་རི་པཱུ་རིཾ ག་ཙྪ་ཏི. ཨེ་ཝ་མེ་ཝཾ ཁོ, བྷི་ཀྑ་ཝེ, དུ་སྶཱི་ལ་སྶ སཱི་ལ་ཝི་པ་ནྣ་སྶ ཧ་ཏཱུ་པ་ནི་སོ ཧོ་ཏི ཨ་ཝི་པྤ་ཊི་སཱ་རོ, ཨ་ཝི་པྤ་ཊི་སཱ་རེ ཨ་ས་ཏི ཨ་ཝི་པྤ་ཊི་སཱ་ར་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི པཱ་མོ་ཛྫཾ…པེ… ཝི་མུ་ཏྟི་ཉཱ་ཎ་ད་སྶ་ནཾ.

‘‘སཱི་ལ་ཝ་ཏོ, བྷི་ཀྑ་ཝེ, སཱི་ལ་ས་མྤ་ནྣ་སྶ ཨུ་པ་ནི་ས་ས་མྤ་ནྣོ ཧོ་ཏི ཨ་ཝི་པྤ་ཊི་སཱ་རོ, ཨ་ཝི་པྤ་ཊི་སཱ་རེ ས་ཏི ཨ་ཝི་པྤ་ཊི་སཱ་ར་ས་མྤ་ནྣ་སྶ ཨུ་པ་ནི་ས་ས་མྤ་ནྣཾ ཧོ་ཏི པཱ་མོ་ཛྫཾ, པཱ་མོ་ཛྫེ ས་ཏི པཱ་མོ་ཛྫ་ས་མྤ་ནྣ་སྶ ཨུ་པ་ནི་ས་ས་མྤ་ནྣཱ ཧོ་ཏི པཱི་ཏི, པཱི་ཏི་ཡཱ ས་ཏི པཱི་ཏི་ས་མྤ་ནྣ་སྶ ཨུ་པ་ནི་ས་ས་མྤ་ནྣཱ ཧོ་ཏི པ་སྶ་དྡྷི, པ་སྶ་དྡྷི་ཡཱ ས་ཏི པ་སྶ་དྡྷི་ས་མྤ་ནྣ་སྶ ཨུ་པ་ནི་ས་ས་མྤ་ནྣཾ ཧོ་ཏི སུ་ཁཾ, སུ་ཁེ ས་ཏི སུ་ཁ་ས་མྤ་ནྣ་སྶ ཨུ་པ་ནི་ས་ས་མྤ་ནྣོ ཧོ་ཏི ས་མྨཱ་ས་མཱ་དྷི, ས་མྨཱ་ས་མཱ་དྷི་མྷི ས་ཏི ས་མྨཱ་ས་མཱ་དྷི་ས་མྤ་ནྣ་སྶ ཨུ་པ་ནི་ས་ས་མྤ་ནྣཾ ཧོ་ཏི ཡ་ཐཱ་བྷཱུ་ཏ་ཉཱ་ཎ་ད་སྶ་ནཾ, ཡ་ཐཱ་བྷཱུ་ཏ་ཉཱ་ཎ་ད་སྶ་ནེ ས་ཏི ཡ་ཐཱ་བྷཱུ་ཏ་ཉཱ་ཎ་ད་སྶ་ན་ས་མྤ་ནྣ་སྶ ཨུ་པ་ནི་ས་ས་མྤ་ནྣཱ ཧོ་ཏི ནི་བྦི་དཱ, ནི་བྦི་དཱ་ཡ ས་ཏི ནི་བྦི་དཱ་ས་མྤ་ནྣ་སྶ ཨུ་པ་ནི་ས་ས་མྤ་ནྣོ ཧོ་ཏི ཝི་རཱ་གོ, ཝི་རཱ་གེ ས་ཏི ཝི་རཱ་ག་ས་མྤ་ནྣ་སྶ ཨུ་པ་ནི་ས་ས་མྤ་ནྣཾ ཧོ་ཏི ཝི་མུ་ཏྟི་ཉཱ་ཎ་ད་སྶ་ནཾ.

‘‘སེ་ཡྻ་ཐཱ་པི, བྷི་ཀྑ་ཝེ, རུ་ཀྑོ སཱ་ཁཱ་པ་ལཱ་ས་ས་མྤ་ནྣོ. ཏ་སྶ པ་པ་ཊི་ཀཱ་པི པཱ་རི་པཱུ་རིཾ ག་ཙྪ་ཏི, ཏ་ཙོ་པི… ཕེ་གྒུ་པི… སཱ་རོ་པི པཱ་རི་པཱུ་རིཾ ག་ཙྪ་ཏི. ཨེ་ཝ་མེ་ཝཾ ཁོ, བྷི་ཀྑ་ཝེ, སཱི་ལ་ཝ་ཏོ སཱི་ལ་ས་མྤ་ནྣ་སྶ ཨུ་པ་ནི་ས་ས་མྤ་ནྣོ ཧོ་ཏི ཨ་ཝི་པྤ་ཊི་སཱ་རོ, ཨ་ཝི་པྤ་ཊི་སཱ་རེ ས་ཏི ཨ་ཝི་པྤ་ཊི་སཱ་ར་ས་མྤ་ནྣ་སྶ ཨུ་པ་ནི་ས་ས་མྤ་ནྣཾ ཧོ་ཏི…པེ… ཝི་མུ་ཏྟི་ཉཱ་ཎ་ད་སྶ་ན’’ནྟི. ཏ་ཏི་ཡཾ.

༤. དུ་ཏི་ཡ་ཨུ་པ་ནི་སཱ་སུ་ཏྟཾ

༤. ཏ་ཏྲ ཁོ ཨཱ་ཡ་སྨཱ སཱ་རི་པུ་ཏྟོ བྷི་ཀྑཱུ ཨཱ་མ་ནྟེ་སི – ‘‘ཨཱ་ཝུ་སོ བྷི་ཀྑ་ཝེ’’ཏི [བྷི་ཀྑ་ཝོ་ཏི (སཱི. སྱཱ. པཱི.) ཨེ་ཝཾ ས་བྦ་ཏྠ ཨ. ནི. ༡༠.༤]. ‘‘ཨཱ་ཝུ་སོ’’ཏི ཁོ ཏེ བྷི་ཀྑཱུ ཨཱ་ཡ་སྨ་ཏོ སཱ་རི་པུ་ཏྟ་སྶ པ་ཙྩ་སྶོ་སུཾ. ཨཱ་ཡ་སྨཱ སཱ་རི་པུ་ཏྟོ ཨེ་ཏ་ད་ཝོ་ཙ –

‘‘དུ་སྶཱི་ལ་སྶ, ཨཱ་ཝུ་སོ, སཱི་ལ་ཝི་པ་ནྣ་སྶ ཧ་ཏཱུ་པ་ནི་སོ ཧོ་ཏི ཨ་ཝི་པྤ་ཊི་སཱ་རོ, ཨ་ཝི་པྤ་ཊི་སཱ་རེ ཨ་ས་ཏི ཨ་ཝི་པྤ་ཊི་སཱ་ར་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི པཱ་མོ་ཛྫཾ, པཱ་མོ་ཛྫེ ཨ་ས་ཏི པཱ་མོ་ཛྫ་ཝི་པ་ནྣ་སྶ ཧ་ཏཱུ་པ་ནི་སཱ ཧོ་ཏི པཱི་ཏི, པཱི་ཏི་ཡཱ ཨ་ས་ཏི པཱི་ཏི་ཝི་པ་ནྣ་སྶ ཧ་ཏཱུ་པ་ནི་སཱ ཧོ་ཏི པ་སྶ་དྡྷི, པ་སྶ་དྡྷི་ཡཱ ཨ་ས་ཏི པ་སྶ་དྡྷི་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི སུ་ཁཾ, སུ་ཁེ ཨ་ས་ཏི སུ་ཁ་ཝི་པ་ནྣ་སྶ ཧ་ཏཱུ་པ་ནི་སོ ཧོ་ཏི ས་མྨཱ་ས་མཱ་དྷི, ས་མྨཱ་ས་མཱ་དྷི་མྷི ཨ་ས་ཏི ས་མྨཱ་ས་མཱ་དྷི་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི ཡ་ཐཱ་བྷཱུ་ཏ་ཉཱ་ཎ་ད་སྶ་ནཾ, ཡ་ཐཱ་བྷཱུ་ཏ་ཉཱ་ཎ་ད་སྶ་ནེ ཨ་ས་ཏི ཡ་ཐཱ་བྷཱུ་ཏ་ཉཱ་ཎ་ད་སྶ་ན་ཝི་པ་ནྣ་སྶ ཧ་ཏཱུ་པ་ནི་སཱ ཧོ་ཏི ནི་བྦི་དཱ, ནི་བྦི་དཱ་ཡ ཨ་ས་ཏི ནི་བྦི་དཱ་ཝི་པ་ནྣ་སྶ ཧ་ཏཱུ་པ་ནི་སོ ཧོ་ཏི ཝི་རཱ་གོ, ཝི་རཱ་གེ ཨ་ས་ཏི ཝི་རཱ་ག་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི ཝི་མུ་ཏྟི་ཉཱ་ཎ་ད་སྶ་ནཾ.

‘‘སེ་ཡྻ་ཐཱ་པི, ཨཱ་ཝུ་སོ, རུ་ཀྑོ སཱ་ཁཱ་པ་ལཱ་ས་ཝི་པ་ནྣོ. ཏ་སྶ པ་པ་ཊི་ཀཱ་པི ན པཱ་རི་པཱུ་རིཾ ག་ཙྪ་ཏི, ཏ་ཙོ་པི… ཕེ་གྒུ་པི… སཱ་རོ་པི ན པཱ་རི་པཱུ་རིཾ ག་ཙྪ་ཏི. ཨེ་ཝ་མེ་ཝཾ ཁོ, ཨཱ་ཝུ་སོ, དུ་སྶཱི་ལ་སྶ སཱི་ལ་ཝི་པ་ནྣ་སྶ ཧ་ཏཱུ་པ་ནི་སོ ཧོ་ཏི ཨ་ཝི་པྤ་ཊི་སཱ་རོ, ཨ་ཝི་པྤ་ཊི་སཱ་རེ ཨ་ས་ཏི ཨ་ཝི་པྤ་ཊི་སཱ་ར་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི པཱ་མོ་ཛྫཾ…པེ… ཝི་མུ་ཏྟི་ཉཱ་ཎ་ད་སྶ་ནཾ.

‘‘སཱི་ལ་ཝ་ཏོ, ཨཱ་ཝུ་སོ, སཱི་ལ་ས་མྤ་ནྣ་སྶ ཨུ་པ་ནི་ས་ས་མྤ་ནྣོ ཧོ་ཏི ཨ་ཝི་པྤ་ཊི་སཱ་རོ, ཨ་ཝི་པྤ་ཊི་སཱ་རེ ས་ཏི ཨ་ཝི་པྤ་ཊི་སཱ་ར་ས་མྤ་ནྣ་སྶ ཨུ་པ་ནི་ས་ས་མྤ་ནྣཾ ཧོ་ཏི པཱ་མོ་ཛྫཾ, པཱ་མོ་ཛྫེ ས་ཏི པཱ་མོ་ཛྫ་ས་མྤ་ནྣ་སྶ ཨུ་པ་ནི་ས་ས་མྤ་ནྣཱ ཧོ་ཏི པཱི་ཏི, པཱི་ཏི་ཡཱ ས་ཏི པཱི་ཏི་ས་མྤ་ནྣ་སྶ ཨུ་པ་ནི་ས་ས་མྤ་ནྣཱ ཧོ་ཏི པ་སྶ་དྡྷི, པ་སྶ་དྡྷི་ཡཱ ས་ཏི པ་སྶ་དྡྷི་ས་མྤ་ནྣ་སྶ ཨུ་པ་ནི་ས་ས་མྤ་ནྣཾ ཧོ་ཏི སུ་ཁཾ, སུ་ཁེ ས་ཏི སུ་ཁ་ས་མྤ་ནྣ་སྶ ཨུ་པ་ནི་ས་ས་མྤ་ནྣོ ཧོ་ཏི ས་མྨཱ་ས་མཱ་དྷི, ས་མྨཱ་ས་མཱ་དྷི་མྷི ས་ཏི ས་མྨཱ་ས་མཱ་དྷི་ས་མྤ་ནྣ་སྶ ཨུ་པ་ནི་ས་ས་མྤ་ནྣཾ ཧོ་ཏི ཡ་ཐཱ་བྷཱུ་ཏ་ཉཱ་ཎ་ད་སྶ་ནཾ, ཡ་ཐཱ་བྷཱུ་ཏ་ཉཱ་ཎ་ད་སྶ་ནེ ས་ཏི ཡ་ཐཱ་བྷཱུ་ཏ་ཉཱ་ཎ་ད་སྶ་ན་ས་མྤ་ནྣ་སྶ ཨུ་པ་ནི་ས་ས་མྤ་ནྣཱ ཧོ་ཏི ནི་བྦི་དཱ, ནི་བྦི་དཱ་ཡ ས་ཏི ནི་བྦི་དཱ་ས་མྤ་ནྣ་སྶ ཨུ་པ་ནི་ས་ས་མྤ་ནྣོ ཧོ་ཏི ཝི་རཱ་གོ, ཝི་རཱ་གེ ས་ཏི ཝི་རཱ་ག་ས་མྤ་ནྣ་སྶ ཨུ་པ་ནི་ས་ས་མྤ་ནྣཾ ཧོ་ཏི ཝི་མུ་ཏྟི་ཉཱ་ཎ་ད་སྶ་ནཾ.

‘‘སེ་ཡྻ་ཐཱ་པི, ཨཱ་ཝུ་སོ, རུ་ཀྑོ སཱ་ཁཱ་པ་ལཱ་ས་ས་མྤ་ནྣོ. ཏ་སྶ པ་པ་ཊི་ཀཱ་པི པཱ་རི་པཱུ་རིཾ ག་ཙྪ་ཏི, ཏ་ཙོ་པི… ཕེ་གྒུ་པི… སཱ་རོ་པི པཱ་རི་པཱུ་རིཾ ག་ཙྪ་ཏི. ཨེ་ཝ་མེ་ཝཾ ཁོ, ཨཱ་ཝུ་སོ, སཱི་ལ་ཝ་ཏོ སཱི་ལ་ས་མྤ་ནྣ་སྶ ཨུ་པ་ནི་ས་ས་མྤ་ནྣོ ཧོ་ཏི ཨ་ཝི་པྤ་ཊི་སཱ་རོ, ཨ་ཝི་པྤ་ཊི་སཱ་རེ ས་ཏི ཨ་ཝི་པྤ་ཊི་སཱ་ར་ས་མྤ་ནྣ་སྶ ཨུ་པ་ནི་ས་ས་མྤ་ནྣཾ ཧོ་ཏི པཱ་མོ་ཛྫཾ…པེ… ཝི་མུ་ཏྟི་ཉཱ་ཎ་ད་སྶ་ན’’ནྟི. ཙ་ཏུ་ཏྠཾ.

༥. ཏ་ཏི་ཡ་ཨུ་པ་ནི་སཱ་སུ་ཏྟཾ

༥. [ཨ. ནི. ༡༠.༥] ཏ་ཏྲ ཁོ ཨཱ་ཡ་སྨཱ ཨཱ་ན་ནྡོ བྷི་ཀྑཱུ ཨཱ་མ་ནྟེ་སི…པེ… ‘‘དུ་སྶཱི་ལ་སྶ, ཨཱ་ཝུ་སོ, སཱི་ལ་ཝི་པ་ནྣ་སྶ ཧ་ཏཱུ་པ་ནི་སོ ཧོ་ཏི ཨ་ཝི་པྤ་ཊི་སཱ་རོ, ཨ་ཝི་པྤ་ཊི་སཱ་རེ ཨ་ས་ཏི ཨ་ཝི་པྤ་ཊི་སཱ་ར་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི པཱ་མོ་ཛྫཾ, པཱ་མོ་ཛྫེ ཨ་ས་ཏི པཱ་མོ་ཛྫ་ཝི་པ་ནྣ་སྶ ཧ་ཏཱུ་པ་ནི་སཱ ཧོ་ཏི པཱི་ཏི, པཱི་ཏི་ཡཱ ཨ་ས་ཏི པཱི་ཏི་ཝི་པ་ནྣ་སྶ ཧ་ཏཱུ་པ་ནི་སཱ ཧོ་ཏི པ་སྶ་དྡྷི, པ་སྶ་དྡྷི་ཡཱ ཨ་ས་ཏི པ་སྶ་དྡྷི་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི སུ་ཁཾ, སུ་ཁེ ཨ་ས་ཏི སུ་ཁ་ཝི་པ་ནྣ་སྶ ཧ་ཏཱུ་པ་ནི་སོ ཧོ་ཏི ས་མྨཱ་ས་མཱ་དྷི, ས་མྨཱ་ས་མཱ་དྷི་མྷི ཨ་ས་ཏི ས་མྨཱ་ས་མཱ་དྷི་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི ཡ་ཐཱ་བྷཱུ་ཏ་ཉཱ་ཎ་ད་སྶ་ནཾ, ཡ་ཐཱ་བྷཱུ་ཏ་ཉཱ་ཎ་ད་སྶ་ནེ ཨ་ས་ཏི ཡ་ཐཱ་བྷཱུ་ཏ་ཉཱ་ཎ་ད་སྶ་ན་ཝི་པ་ནྣ་སྶ ཧ་ཏཱུ་པ་ནི་སཱ ཧོ་ཏི ནི་བྦི་དཱ, ནི་བྦི་དཱ་ཡ ཨ་ས་ཏི ནི་བྦི་དཱ་ཝི་པ་ནྣ་སྶ ཧ་ཏཱུ་པ་ནི་སོ ཧོ་ཏི ཝི་རཱ་གོ, ཝི་རཱ་གེ ཨ་ས་ཏི ཝི་རཱ་ག་ཝི་པ་ནྣ་སྶ ཧ་ཏཱུ་པ་ནི་སཾ ཧོ་ཏི ཝི་མུ་ཏྟི་ཉཱ་ཎ་ད་སྶ་ནཾ.

༦. བྱ་ས་ན་སུ་ཏྟཾ

༦. ‘‘ཡོ སོ, བྷི་ཀྑ་ཝེ, བྷི་ཀྑུ ཨ་ཀྐོ་ས་ཀོ པ་རི་བྷཱ་ས་ཀོ ཨ་རི་ཡཱུ་པ་ཝཱ་དོ ས་བྲ་ཧྨ་ཙཱ་རཱི་ནཾ, ཋཱ་ན་མེ་ཏཾ ཨ་ཝ་ཀཱ་སོ ཡཾ སོ ཨེ་ཀཱ་ད་ས་ནྣཾ བྱ་ས་ནཱ་ནཾ ཨ་ཉྙ་ཏ་རཾ བྱ་ས་ནཾ ནི་ག་ཙྪེ་ཡྻ.

ཀ་ཏ་མེ་སཾ ཨེ་ཀཱ་ད་ས་ནྣཾ? ཨ་ན་དྷི་ག་ཏཾ ནཱ་དྷི་ག་ཙྪ་ཏི, ཨ་དྷི་ག་ཏཱ པ་རི་ཧཱ་ཡ་ཏི, ས་དྡྷ་མྨ་སྶ ན ཝོ་དཱ་ཡ་ནྟི, ས་དྡྷ་མྨེ་སུ ཝཱ ཨ་དྷི་མཱ་ནི་ཀོ ཧོ་ཏི, ཨ་ན་བྷི་ར་ཏོ ཝཱ བྲ་ཧྨ་ཙ་རི་ཡཾ ཙ་ར་ཏི, ཨ་ཉྙ་ཏ་རཾ ཝཱ སཾ་ཀི་ལི་ཊྛཾ ཨཱ་པ་ཏྟིཾ ཨཱ་པ་ཛྫ་ཏི, སི་ཀྑཾ ཝཱ པ་ཙྩ་ཀྑཱ་ཡ ཧཱི་ནཱ་ཡཱ་ཝ་ཏྟ་ཏི, གཱ་ལ༹ྷཾ ཝཱ རོ་གཱ་ཏ་ངྐཾ ཕུ་ས་ཏི, ཨུ་མྨཱ་དཾ ཝཱ པཱ་པུ་ཎཱ་ཏི ཙི་ཏྟ་ཀྑེ་པཾ ཝཱ, ས་མྨཱུ་ལ༹ྷོ ཀཱ་ལཾ ཀ་རོ་ཏི, ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ཏི – ཡོ སོ, བྷི་ཀྑ་ཝེ, བྷི་ཀྑུ ཨ་ཀྐོ་ས་ཀོ པ་རི་བྷཱ་ས་ཀོ ཨ་རི་ཡཱུ་པ་ཝཱ་དོ ས་བྲ་ཧྨ་ཙཱ་རཱི་ནཾ, ཋཱ་ན་མེ་ཏཾ ཨ་ཝ་ཀཱ་སོ ཡཾ སོ ཨི་མེ་སཾ ཨེ་ཀཱ་ད་ས་ནྣཾ བྱ་ས་ནཱ་ནཾ ཨ་ཉྙ་ཏ་རཾ བྱ་ས་ནཾ ནི་ག་ཙྪེ་ཡྻ. [( ) ཨེ་ཏྠ་ནྟ་རེ པཱ་ཋོ སཱི. སྱཱ. ཀཾ. པཱི. པོ་ཏྠ་ཀེ་སུ ན དི་སྶ་ཏི]

‘‘ཡོ སོ, བྷི་ཀྑ་ཝེ, བྷི་ཀྑུ ཨ་ཀྐོ་ས་ཀོ པ་རི་བྷཱ་ས་ཀོ ཨ་རི་ཡཱུ་པ་ཝཱ་དོ ས་བྲ་ཧྨ་ཙཱ་རཱི་ནཾ, ཨ་ཊྛཱ་ན་མེ་ཏཾ ཨ་ན་ཝ་ཀཱ་སོ ཡཾ སོ ཨེ་ཀཱ་ད་ས་ནྣཾ བྱ་ས་ནཱ་ནཾ ཨ་ཉྙ་ཏ་རཾ བྱ་ས་ནཾ ན ནི་ག་ཙྪེ་ཡྻ.

ཀ་ཏ་མེ་སཾ ཨེ་ཀཱ་ད་ས་ནྣཾ? ཨ་ན་དྷི་ག་ཏཾ ནཱ་དྷི་ག་ཙྪ་ཏི, ཨ་དྷི་ག་ཏཱ པ་རི་ཧཱ་ཡ་ཏི, ས་དྡྷ་མྨ་སྶ ན ཝོ་དཱ་ཡ་ནྟི, ས་དྡྷ་མྨེ་སུ ཝཱ ཨ་དྷི་མཱ་ནི་ཀོ ཧོ་ཏི, ཨ་ན་བྷི་ར་ཏོ ཝཱ བྲ་ཧྨ་ཙ་རི་ཡཾ ཙ་ར་ཏི, ཨ་ཉྙ་ཏ་རཾ ཝཱ སཾ་ཀི་ལི་ཊྛཾ ཨཱ་པ་ཏྟིཾ ཨཱ་པ་ཛྫ་ཏི, སི་ཀྑཾ ཝཱ པ་ཙྩ་ཀྑཱ་ཡ ཧཱི་ནཱ་ཡཱ་ཝ་ཏྟ་ཏི, གཱ་ལ༹ྷཾ ཝཱ རོ་གཱ་ཏ་ངྐཾ ཕུ་ས་ཏི, ཨུ་མྨཱ་དཾ ཝཱ པཱ་པུ་ཎཱ་ཏི ཙི་ཏྟ་ཀྑེ་པཾ ཝཱ, ས་མྨཱུ་ལ༹ྷོ ཀཱ་ལཾ ཀ་རོ་ཏི, ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ཏི – ཡོ སོ, བྷི་ཀྑ་ཝེ, བྷི་ཀྑུ ཨ་ཀྐོ་ས་ཀོ པ་རི་བྷཱ་ས་ཀོ ཨ་རི་ཡཱུ་པ་ཝཱ་དོ ས་བྲ་ཧྨ་ཙཱ་རཱི་ནཾ, ཨ་ཊྛཱ་ན་མེ་ཏཾ ཨ་ན་ཝ་ཀཱ་སོ ཡཾ སོ ཨི་མེ་སཾ ཨེ་ཀཱ་ད་ས་ནྣཾ བྱ་ས་ནཱ་ནཾ ཨ་ཉྙ་ཏ་རཾ བྱ་ས་ནཾ ན ནི་ག་ཙྪེ་ཡྻཱ’’ཏི. ཚ་ཊྛཾ.

༧. ས་ཉྙཱ་སུ་ཏྟཾ

༧. ཨ་ཐ ཁོ ཨཱ་ཡ་སྨཱ ཨཱ་ན་ནྡོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ ཨཱ་ན་ནྡོ བྷ་ག་ཝ་ནྟཾ ཨེ་ཏ་ད་ཝོ་ཙ –

‘‘སི་ཡཱ ནུ ཁོ, བྷ་ནྟེ, བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ནེ་ཝ པ་ཐ་ཝི་ཡཾ པ་ཐ་ཝི་ས་ཉྙཱི ཨ་སྶ, ན ཨཱ་པ་སྨིཾ ཨཱ་པོ་ས་ཉྙཱི ཨ་སྶ, ན ཏེ་ཛ་སྨིཾ ཏེ་ཛོ་ས་ཉྙཱི ཨ་སྶ, ན ཝཱ་ཡ་སྨིཾ ཝཱ་ཡོ་ས་ཉྙཱི ཨ་སྶ, ན ཨཱ་ཀཱ་སཱ་ན་ཉྩཱ་ཡ་ཏ་ནེ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱི ཨ་སྶ, ན ཝི་ཉྙཱ་ཎ་ཉྩཱ་ཡ་ཏ་ནེ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱི ཨ་སྶ, ན ཨཱ་ཀི་ཉྩ་ཉྙཱ་ཡ་ཏ་ནེ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱི ཨ་སྶ, ན ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནེ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱི ཨ་སྶ, ན ཨི་དྷ་ལོ་ཀེ ཨི་དྷ་ལོ་ཀ་ས་ཉྙཱི ཨ་སྶ, ན པ་ར་ལོ་ཀེ པ་ར་ལོ་ཀ་ས་ཉྙཱི ཨ་སྶ, ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་ཏྲཱ་པི ན ས་ཉྙཱི ཨ་སྶ; ས་ཉྙཱི ཙ པ་ན ཨ་སྶཱ་ཏི?

‘‘སི་ཡཱ, ཨཱ་ན་ནྡ, བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ནེ་ཝ པ་ཐ་ཝི་ཡཾ པ་ཐ་ཝི་ས་ཉྙཱི ཨ་སྶ, ན ཨཱ་པ་སྨིཾ ཨཱ་པོ་ས་ཉྙཱི ཨ་སྶ, ན ཏེ་ཛ་སྨིཾ ཏེ་ཛོ་ས་ཉྙཱི ཨ་སྶ, ན ཝཱ་ཡ་སྨིཾ ཝཱ་ཡོ་ས་ཉྙཱི ཨ་སྶ, ན ཨཱ་ཀཱ་སཱ་ན་ཉྩཱ་ཡ་ཏ་ནེ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱི ཨ་སྶ, ན ཝི་ཉྙཱ་ཎ་ཉྩཱ་ཡ་ཏ་ནེ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱི ཨ་སྶ, ན ཨཱ་ཀི་ཉྩ་ཉྙཱ་ཡ་ཏ་ནེ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱི ཨ་སྶ, ན ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནེ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱི ཨ་སྶ, ན ཨི་དྷ་ལོ་ཀེ ཨི་དྷ་ལོ་ཀ་ས་ཉྙཱི ཨ་སྶ, ན པ་ར་ལོ་ཀེ པ་ར་ལོ་ཀ་ས་ཉྙཱི ཨ་སྶ, ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་ཏྲཱ་པི ན ས་ཉྙཱི ཨ་སྶ; ས་ཉྙཱི ཙ པ་ན ཨ་སྶཱ’’ཏི.

‘‘ཡ་ཐཱ ཀ་ཐཾ པ་ན, བྷ་ནྟེ, སི་ཡཱ བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ནེ་ཝ པ་ཐ་ཝི་ཡཾ པ་ཐ་ཝི་ས་ཉྙཱི ཨ་སྶ, ན ཨཱ་པ་སྨིཾ ཨཱ་པོ་ས་ཉྙཱི ཨ་སྶ, ན ཏེ་ཛ་སྨིཾ ཏེ་ཛོ་ས་ཉྙཱི ཨ་སྶ, ན ཝཱ་ཡ་སྨིཾ ཝཱ་ཡོ་ས་ཉྙཱི ཨ་སྶ, ན ཨཱ་ཀཱ་སཱ་ན་ཉྩཱ་ཡ་ཏ་ནེ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱི ཨ་སྶ, ན ཝི་ཉྙཱ་ཎ་ཉྩཱ་ཡ་ཏ་ནེ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱི ཨ་སྶ, ན ཨཱ་ཀི་ཉྩ་ཉྙཱ་ཡ་ཏ་ནེ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱི ཨ་སྶ, ན ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནེ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱི ཨ་སྶ, ན ཨི་དྷ་ལོ་ཀེ ཨི་དྷ་ལོ་ཀ་ས་ཉྙཱི ཨ་སྶ, ན པ་ར་ལོ་ཀེ པ་ར་ལོ་ཀ་ས་ཉྙཱི ཨ་སྶ, ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་ཏྲཱ་པི ན ས་ཉྙཱི ཨ་སྶ, ས་ཉྙཱི ཙ པ་ན ཨ་སྶཱ་ཏི.

‘‘ཨི་དྷཱ་ན་ནྡ, བྷི་ཀྑུ ཨེ་ཝཾ་ས་ཉྙཱི ཧོ་ཏི – ‘ཨེ་ཏཾ ས་ནྟཾ ཨེ་ཏཾ པ་ཎཱི་ཏཾ, ཡ་དི་དཾ ས་བྦ་ས་ངྑཱ་ར་ས་མ་ཐོ ས་བྦཱུ་པ་དྷི་པ་ཊི་ནི་སྶ་གྒོ ཏ་ཎྷཱ་ཀྑ་ཡོ ཝི་རཱ་གོ ནི་རོ་དྷོ ནི་བྦཱ་ན’ནྟི. ཨེ་ཝཾ ཁོ, ཨཱ་ན་ནྡ, སི་ཡཱ བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ནེ་ཝ པ་ཐ་ཝི་ཡཾ པ་ཐ་ཝི་ས་ཉྙཱི ཨ་སྶ, ན ཨཱ་པ་སྨིཾ ཨཱ་པོ་ས་ཉྙཱི ཨ་སྶ, ན ཏེ་ཛ་སྨིཾ ཏེ་ཛོ་ས་ཉྙཱི ཨ་སྶ, ན ཝཱ་ཡ་སྨིཾ ཝཱ་ཡོ་ས་ཉྙཱི ཨ་སྶ, ན ཨཱ་ཀཱ་སཱ་ན་ཉྩཱ་ཡ་ཏ་ནེ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱི ཨ་སྶ, ན ཝི་ཉྙཱ་ཎ་ཉྩཱ་ཡ་ཏ་ནེ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱི ཨ་སྶ, ན ཨཱ་ཀི་ཉྩ་ཉྙཱ་ཡ་ཏ་ནེ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱི ཨ་སྶ, ན ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནེ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱི ཨ་སྶ, ན ཨི་དྷ་ལོ་ཀེ ཨི་དྷ་ལོ་ཀ་ས་ཉྙཱི ཨ་སྶ, ན པ་ར་ལོ་ཀེ པ་ར་ལོ་ཀ་ས་ཉྙཱི ཨ་སྶ, ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་ཏྲཱ་པི ན ས་ཉྙཱི ཨ་སྶ, ས་ཉྙཱི ཙ པ་ན ཨ་སྶཱ’’ཏི.

ཨ་ཐ ཁོ ཨཱ་ཡ་སྨཱ ཨཱ་ན་ནྡོ བྷ་ག་ཝ་ཏོ བྷཱ་སི་ཏཾ ཨ་བྷི་ན་ནྡི་ཏྭཱ ཨ་ནུ་མོ་དི་ཏྭཱ ཨུ་ཊྛཱ་ཡཱ་ས་ནཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ པ་ད་ཀྑི་ཎཾ ཀ་ཏྭཱ ཡེ་ནཱ་ཡ་སྨཱ སཱ་རི་པུ་ཏྟོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ཡ་སྨ་ཏཱ སཱ་རི་པུ་ཏྟེ་ན ས་དྡྷིཾ ས་མྨོ་དི. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ ཨཱ་ན་ནྡོ ཨཱ་ཡ་སྨ་ནྟཾ སཱ་རི་པུ་ཏྟཾ ཨེ་ཏ་ད་ཝོ་ཙ –

‘‘སི་ཡཱ ནུ ཁོ, ཨཱ་ཝུ་སོ སཱ་རི་པུ་ཏྟ, བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ནེ་ཝ པ་ཐ་ཝི་ཡཾ པ་ཐ་ཝི་ས་ཉྙཱི ཨ་སྶ…པེ… ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་ཏྲཱ་པི ན ས་ཉྙཱི ཨ་སྶ, ས་ཉྙཱི པ་ན ཨ་སྶཱ་ཏི. ‘‘སི་ཡཱ, ཨཱ་ཝུ་སོ ཨཱ་ན་ནྡ, བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ནེ་ཝ པ་ཐ་ཝི་ཡཾ པ་ཐ་ཝི་ས་ཉྙཱི ཨ་སྶ…པེ… ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་ཏྲཱ་པི ན ས་ཉྙཱི ཨ་སྶ, ས་ཉྙཱི ཙ པ་ན ཨ་སྶཱ’’ཏི.

‘‘ཡ་ཐཱ ཀ་ཐཾ པ་ནཱ་ཝུ་སོ སཱ་རི་པུ་ཏྟ, སི་ཡཱ བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ནེ་ཝ པ་ཐ་ཝི་ཡཾ པ་ཐ་ཝི་ས་ཉྙཱི ཨ་སྶ…པེ… ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་ཏྲཱ་པི ན ས་ཉྙཱི ཨ་སྶ, ས་ཉྙཱི ཙ པ་ན ཨ་སྶཱ’’ཏི?

‘‘ཨི་དྷ, ཨཱ་ཝུ་སོ ཨཱ་ན་ནྡ, བྷི་ཀྑུ ཨེ་ཝཾ་ས་ཉྙཱི ཧོ་ཏི – ‘ཨེ་ཏཾ ས་ནྟཾ ཨེ་ཏཾ པ་ཎཱི་ཏཾ, ཡ་དི་དཾ ས་བྦ་ས་ངྑཱ་ར་ས་མ་ཐོ ས་བྦཱུ་པ་དྷི་པ་ཊི་ནི་སྶ་གྒོ ཏ་ཎྷཱ་ཀྑ་ཡོ ཝི་རཱ་གོ ནི་རོ་དྷོ ནི་བྦཱ་ན’ནྟི. ཨེ་ཝཾ ཁོ, ཨཱ་ཝུ་སོ ཨཱ་ན་ནྡ, སི་ཡཱ བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ནེ་ཝ པ་ཐ་ཝི་ཡཾ པ་ཐ་ཝི་ས་ཉྙཱི ཨ་སྶ…པེ… ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་ཏྲཱ་པི ན ས་ཉྙཱི ཨ་སྶ, ས་ཉྙཱི ཙ པ་ན ཨ་སྶཱ’’ཏི.

‘‘ཨ་ཙྪ་རི་ཡཾ, ཨཱ་ཝུ་སོ, ཨ་བྦྷུ་ཏཾ, ཨཱ་ཝུ་སོ! ཡ་ཏྲ ཧི ནཱ་མ ས་ཏྠུ ཙེ་ཝ སཱ་ཝ་ཀ་སྶ ཙ ཨ་ཏྠེ་ན ཨ་ཏྠོ བྱ་ཉྫ་ནེ་ན བྱ་ཉྫ་ནཾ སཾ་ས་ནྡི་སྶ་ཏི ས་མེ་སྶ་ཏི ན ཝི་གྒ་ཡ྄ཧི་སྶ་ཏི, ཡ་དི་དཾ ཨ་གྒ་པ་ད་སྨིཾ! ཨི་དཱ་ནཱ་ཧཾ, ཨཱ་ཝུ་སོ, བྷ་ག་ཝ་ནྟཾ ཨུ་པ་ས་ངྐ་མི་ཏྭཱ ཨེ་ཏ་མ་ཏྠཾ ཨ་པུ་ཙྪིཾ. བྷ་ག་ཝཱ་པི མེ ཨེ་ཏེ་ཧི ཨ་ཀྑ་རེ་ཧི ཨེ་ཏེ་ཧི པ་དེ་ཧི ཨེ་ཏེ་ཧི བྱ་ཉྫ་ནེ་ཧི ཨེ་ཏ་མ་ཏྠཾ བྱཱ་ཀཱ་སི, སེ་ཡྻ་ཐཱ་པི ཨཱ་ཡ་སྨཱ སཱ་རི་པུ་ཏྟོ. ཨ་ཙྪ་རི་ཡཾ, ཨཱ་ཝུ་སོ, ཨ་བྦྷུ་ཏཾ, ཨཱ་ཝུ་སོ, ཡ་ཏྲ ཧི ནཱ་མ ས་ཏྠུ ཙེ་ཝ སཱ་ཝ་ཀ་སྶ ཙ ཨ་ཏྠེ་ན ཨ་ཏྠོ བྱ་ཉྫ་ནེ་ན བྱ་ཉྫ་ནཾ སཾ་ས་ནྡི་སྶ་ཏི ས་མེ་སྶ་ཏི ན ཝི་གྒ་ཡ྄ཧི་སྶ་ཏི, ཡ་དི་དཾ ཨ་གྒ་པ་ད་སྨི’’ནྟི! ས་ཏྟ་མཾ.

༨. མ་ན་སི་ཀཱ་ར་སུ་ཏྟཾ

༨. ཨ་ཐ ཁོ ཨཱ་ཡ་སྨཱ ཨཱ་ན་ནྡོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ ཨཱ་ན་ནྡོ བྷ་ག་ཝ་ནྟཾ ཨེ་ཏ་ད་ཝོ་ཙ –

‘‘སི་ཡཱ ནུ ཁོ, བྷ་ནྟེ, བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ན ཙ་ཀྑུཾ མ་ན་སི ཀ་རེ་ཡྻ, ན རཱུ་པཾ མ་ན་སི ཀ་རེ་ཡྻ, ན སོ་ཏཾ མ་ན་སི ཀ་རེ་ཡྻ, ན ས་དྡཾ མ་ན་སི ཀ་རེ་ཡྻ, ན གྷཱ་ནཾ མ་ན་སི ཀ་རེ་ཡྻ, ན ག་ནྡྷཾ མ་ན་སི ཀ་རེ་ཡྻ, ན ཛི་ཝ྄ཧཾ མ་ན་སི ཀ་རེ་ཡྻ, ན ར་སཾ མ་ན་སི ཀ་རེ་ཡྻ, ན ཀཱ་ཡཾ མ་ན་སི ཀ་རེ་ཡྻ, ན ཕོ་ཊྛ་བྦཾ མ་ན་སི ཀ་རེ་ཡྻ, ན པ་ཐ་ཝིཾ མ་ན་སི ཀ་རེ་ཡྻ, ན ཨཱ་པཾ མ་ན་སི ཀ་རེ་ཡྻ, ན ཏེ་ཛཾ མ་ན་སི ཀ་རེ་ཡྻ, ན ཝཱ་ཡཾ མ་ན་སི ཀ་རེ་ཡྻ, ན ཨཱ་ཀཱ་སཱ་ན་ཉྩཱ་ཡ་ཏ་ནཾ མ་ན་སི ཀ་རེ་ཡྻ, ན ཝི་ཉྙཱ་ཎ་ཉྩཱ་ཡ་ཏ་ནཾ མ་ན་སི ཀ་རེ་ཡྻ, ན ཨཱ་ཀི་ཉྩ་ཉྙཱ་ཡ་ཏ་ནཾ མ་ན་སི ཀ་རེ་ཡྻ, ན ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ མ་ན་སི ཀ་རེ་ཡྻ, ན ཨི་དྷ་ལོ་ཀཾ མ་ན་སི ཀ་རེ་ཡྻ, ན པ་ར་ལོ་ཀཾ མ་ན་སི ཀ་རེ་ཡྻ, ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་མྤི ན མ་ན་སི ཀ་རེ་ཡྻ; མ་ན་སི ཙ པ་ན ཀ་རེ་ཡྻཱ’’ཏི?

‘‘སི་ཡཱ, ཨཱ་ན་ནྡ, བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ན ཙ་ཀྑུཾ མ་ན་སི ཀ་རེ་ཡྻ, ན རཱུ་པཾ མ་ན་སི ཀ་རེ་ཡྻ, ན སོ་ཏཾ མ་ན་སི ཀ་རེ་ཡྻ, ན ས་དྡཾ མ་ན་སི ཀ་རེ་ཡྻ, ན གྷཱ་ནཾ མ་ན་སི ཀ་རེ་ཡྻ, ན ག་ནྡྷཾ མ་ན་སི ཀ་རེ་ཡྻ, ན ཛི་ཝ྄ཧཾ མ་ན་སི ཀ་རེ་ཡྻ, ན ར་སཾ མ་ན་སི ཀ་རེ་ཡྻ, ན ཀཱ་ཡཾ མ་ན་སི ཀ་རེ་ཡྻ, ན ཕོ་ཊྛ་བྦཾ མ་ན་སི ཀ་རེ་ཡྻ, ན པ་ཐ་ཝིཾ མ་ན་སི ཀ་རེ་ཡྻ, ན ཨཱ་པཾ མ་ན་སི ཀ་རེ་ཡྻ, ན ཏེ་ཛཾ མ་ན་སི ཀ་རེ་ཡྻ, ན ཝཱ་ཡཾ མ་ན་སི ཀ་རེ་ཡྻ, ན ཨཱ་ཀཱ་སཱ་ན་ཉྩཱ་ཡ་ཏ་ནཾ མ་ན་སི ཀ་རེ་ཡྻ, ན ཝི་ཉྙཱ་ཎ་ཉྩཱ་ཡ་ཏ་ནཾ མ་ན་སི ཀ་རེ་ཡྻ, ན ཨཱ་ཀི་ཉྩ་ཉྙཱ་ཡ་ཏ་ནཾ མ་ན་སི ཀ་རེ་ཡྻ, ན ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ མ་ན་སི ཀ་རེ་ཡྻ, ན ཨི་དྷ་ལོ་ཀཾ མ་ན་སི ཀ་རེ་ཡྻ, ན པ་ར་ལོ་ཀཾ མ་ན་སི ཀ་རེ་ཡྻ, ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་མྤི ན མ་ན་སི ཀ་རེ་ཡྻ; མ་ན་སི ཙ པ་ན ཀ་རེ་ཡྻཱ’’ཏི.

‘‘ཡ་ཐཱ ཀ་ཐཾ པ་ན, བྷ་ནྟེ, སི་ཡཱ བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ན ཙ་ཀྑུཾ མ་ན་སི ཀ་རེ་ཡྻ, ན རཱུ་པཾ མ་ན་སི ཀ་རེ་ཡྻ… ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་མྤི ན མ་ན་སི ཀ་རེ་ཡྻ; མ་ན་སི ཙ པ་ན ཀ་རེ་ཡྻཱ’’ཏི?

‘‘ཨི་དྷཱ་ན་ནྡ, བྷི་ཀྑུ ཨེ་ཝཾ མ་ན་སི ཀ་རོ་ཏི – ‘ཨེ་ཏཾ ས་ནྟཾ ཨེ་ཏཾ པ་ཎཱི་ཏཾ, ཡ་དི་དཾ ས་བྦ་ས་ངྑཱ་ར་ས་མ་ཐོ ས་བྦཱུ་པ་དྷི་པ་ཊི་ནི་སྶ་གྒོ ཏ་ཎྷཱ་ཀྑ་ཡོ ཝི་རཱ་གོ ནི་རོ་དྷོ ནི་བྦཱ་ན’ནྟི. ཨེ་ཝཾ ཁོ, ཨཱ་ན་ནྡ, སི་ཡཱ བྷི་ཀྑུ་ནོ ཏ་ཐཱ་རཱུ་པོ ས་མཱ་དྷི་པ་ཊི་ལཱ་བྷོ ཡ་ཐཱ ན ཙ་ཀྑུཾ མ་ན་སི ཀ་རེ་ཡྻ, ན རཱུ་པཾ མ་ན་སི ཀ་རེ་ཡྻ…པེ… ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་མྤི ན མ་ན་སི ཀ་རེ་ཡྻ; མ་ན་སི ཙ པ་ན ཀ་རེ་ཡྻཱ’’ཏི. ཨ་ཊྛ་མཾ.

༩. ས་དྡྷ་སུ་ཏྟཾ

༩. ཨེ་ཀཾ ས་མ་ཡཾ བྷ་ག་ཝཱ ནཱ་ཏི་ཀེ ཝི་ཧ་ར་ཏི གི་ཉྫ་ཀཱ་ཝ་ས་ཐེ. ཨ་ཐ ཁོ ཨཱ་ཡ་སྨཱ ས་དྡྷོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣཾ ཁོ ཨཱ་ཡ་སྨ་ནྟཾ ས་དྡྷཾ བྷ་ག་ཝཱ ཨེ་ཏ་ད་ཝོ་ཙ –

‘‘ཨཱ་ཛཱ་ནཱི་ཡ་ཛྷཱ་ཡི་ཏཾ ཁོ, ས་དྡྷ, ཛྷཱ་ཡ; མཱ ཁ་ལུ༹་ངྐ་ཛྷཱ་ཡི་ཏཾ [ཨཱ་ཛཱ་ནཱི་ཡ་ཛ྄ཛྷཱ་ཡི་ཏཾ ཁོ ས་དྡྷ ཛྷཱ་ཡ་ཐ, མཱ ཁ་ལུ༹་ངྐ་ཛ྄ཛྷཱ་ཡི་ཏཾ (སཱི. པཱི.)]. ཀ་ཐ་ཉྩ, ཁ་ལུ༹་ངྐ་ཛྷཱ་ཡི་ཏཾ ཧོ་ཏི? ཨ་སྶ་ཁ་ལུ༹་ངྐོ ཧི, ས་དྡྷ, དོ་ཎི་ཡཱ བ་དྡྷོ [བ་ནྡྷོ (སྱཱ. ཀ.)] ‘ཡ་ཝ་སཾ ཡ་ཝ་ས’ནྟི ཛྷཱ་ཡ་ཏི. ཏཾ ཀི་སྶ ཧེ་ཏུ? ན ཧི, ས་དྡྷ, ཨ་སྶ་ཁ་ལུ༹་ངྐ་སྶ དོ་ཎི་ཡཱ བ་དྡྷ་སྶ ཨེ་ཝཾ ཧོ་ཏི – ‘ཀིཾ ནུ ཁོ མཾ ཨ་ཛྫ ཨ་སྶ་ད་མྨ་སཱ་ར་ཐི ཀཱ་ར་ཎཾ ཀཱ་རེ་སྶ་ཏི, ཀི་མ་སྶཱ་ཧཾ [ཀ་མྨ་སྶཱ་ཧཾ (ཀ.)] པ་ཊི་ཀ་རོ་མཱི’ཏི. སོ དོ་ཎི་ཡཱ བ་དྡྷོ ‘ཡ་ཝ་སཾ ཡ་ཝ་ས’ནྟི ཛྷཱ་ཡ་ཏི. ཨེ་ཝ་མེ་ཝཾ ཁོ, ས་དྡྷ, ཨི་དྷེ་ཀ་ཙྩོ པུ་རི་ས་ཁ་ལུ༹་ངྐོ ཨ་ར་ཉྙ་ག་ཏོ་པི རུ་ཀྑ་མཱུ་ལ་ག་ཏོ་པི སུ་ཉྙཱ་གཱ་ར་ག་ཏོ་པི ཀཱ་མ་རཱ་ག་པ་རི་ཡུ་ཊྛི་ཏེ་ན ཙེ་ཏ་སཱ ཝི་ཧ་ར་ཏི ཀཱ་མ་རཱ་ག་པ་རེ་ཏེ་ན ཨུ་པྤ་ནྣ་སྶ ཙ ཀཱ་མ་རཱ་ག་སྶ ནི་སྶ་ར་ཎཾ ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. སོ ཀཱ་མ་རཱ་གཾ་ཡེ་ཝ ཨ་ནྟ་རཾ ཀ་ཏྭཱ ཛྷཱ་ཡ་ཏི པ་ཛ྄ཛྷཱ་ཡ་ཏི ནི་ཛ྄ཛྷཱ་ཡ་ཏི ཨ་ཝ་ཛ྄ཛྷཱ་ཡ་ཏི, བྱཱ་པཱ་ད་པ་རི་ཡུ་ཊྛི་ཏེ་ན ཙེ་ཏ་སཱ ཝི་ཧ་ར་ཏི… ཐི་ན་མི་དྡྷ་པ་རི་ཡུ་ཊྛི་ཏེ་ན ཙེ་ཏ་སཱ ཝི་ཧ་ར་ཏི… ཨུ་དྡྷ་ཙྩ་ཀུ་ཀྐུ་ཙྩ་པ་རི་ཡུ་ཊྛི་ཏེ་ན ཙེ་ཏ་སཱ ཝི་ཧ་ར་ཏི… ཝི་ཙི་ཀི་ཙྪཱ་པ་རི་ཡུ་ཊྛི་ཏེ་ན ཙེ་ཏ་སཱ ཝི་ཧ་ར་ཏི ཝི་ཙི་ཀི་ཙྪཱ་པ་རེ་ཏེ་ན, ཨུ་པྤ་ནྣཱ་ཡ ཙ ཝི་ཙི་ཀི་ཙྪཱ་ཡ ནི་སྶ་ར་ཎཾ ཡ་ཐཱ་བྷཱུ་ཏཾ ན་པྤ་ཛཱ་ནཱ་ཏི. སོ ཝི་ཙི་ཀི་ཙྪཾ་ཡེ་ཝ ཨ་ནྟ་རཾ ཀ་ཏྭཱ ཛྷཱ་ཡ་ཏི པ་ཛ྄ཛྷཱ་ཡ་ཏི ནི་ཛ྄ཛྷཱ་ཡ་ཏི ཨ་ཝ་ཛ྄ཛྷཱ་ཡ་ཏི. སོ པ་ཐ་ཝི་མྤི ནི་སྶཱ་ཡ ཛྷཱ་ཡ་ཏི, ཨཱ་པ་མྤི ནི་སྶཱ་ཡ ཛྷཱ་ཡ་ཏི, ཏེ་ཛ་མྤི ནི་སྶཱ་ཡ ཛྷཱ་ཡ་ཏི, ཝཱ་ཡ་མྤི ནི་སྶཱ་ཡ ཛྷཱ་ཡ་ཏི, ཨཱ་ཀཱ་སཱ་ན་ཉྩཱ་ཡ་ཏ་ན་མྤི ནི་སྶཱ་ཡ ཛྷཱ་ཡ་ཏི, ཝི་ཉྙཱ་ཎ་ཉྩཱ་ཡ་ཏ་ན་མྤི ནི་སྶཱ་ཡ ཛྷཱ་ཡ་ཏི, ཨཱ་ཀི་ཉྩ་ཉྙཱ་ཡ་ཏ་ན་མྤི ནི་སྶཱ་ཡ ཛྷཱ་ཡ་ཏི, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་མྤི ནི་སྶཱ་ཡ ཛྷཱ་ཡ་ཏི, ཨི་དྷ་ལོ་ཀ་མྤི ནི་སྶཱ་ཡ ཛྷཱ་ཡ་ཏི, པ་ར་ལོ་ཀ་མྤི ནི་སྶཱ་ཡ ཛྷཱ་ཡ་ཏི, ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་མྤི ནི་སྶཱ་ཡ ཛྷཱ་ཡ་ཏི. ཨེ་ཝཾ ཁོ, ས་དྡྷ, པུ་རི་ས་ཁ་ལུ༹་ངྐ་ཛྷཱ་ཡི་ཏཾ ཧོ་ཏི.

‘‘ཀ་ཐ་ཉྩ, ས་དྡྷ, ཨཱ་ཛཱ་ནཱི་ཡ་ཛྷཱ་ཡི་ཏཾ ཧོ་ཏི? བྷ་དྲོ ཧི, ས་དྡྷ, ཨ་སྶཱ་ཛཱ་ནཱི་ཡོ དོ་ཎི་ཡཱ བ་དྡྷོ ན ‘ཡ་ཝ་སཾ ཡ་ཝ་ས’ནྟི ཛྷཱ་ཡ་ཏི. ཏཾ ཀི་སྶ ཧེ་ཏུ? བྷ་དྲ་སྶ ཧི, ས་དྡྷ, ཨ་སྶཱ་ཛཱ་ནཱི་ཡ་སྶ དོ་ཎི་ཡཱ བ་དྡྷ་སྶ ཨེ་ཝཾ ཧོ་ཏི – ‘ཀིཾ ནུ ཁོ མཾ ཨ་ཛྫ ཨ་སྶ་ད་མྨ་སཱ་ར་ཐི ཀཱ་ར་ཎཾ ཀཱ་རེ་སྶ་ཏི, ཀི་མ་སྶཱ་ཧཾ པ་ཊི་ཀ་རོ་མཱི’ཏི. སོ དོ་ཎི་ཡཱ བ་དྡྷོ ན ‘ཡ་ཝ་སཾ ཡ་ཝ་ས’ནྟི ཛྷཱ་ཡ་ཏི. བྷ་དྲོ ཧི, ས་དྡྷ, ཨ་སྶཱ་ཛཱ་ནཱི་ཡོ ཡ་ཐཱ ཨི་ཎཾ ཡ་ཐཱ བ་ནྡྷཾ ཡ་ཐཱ ཛཱ་ནིཾ ཡ་ཐཱ ཀ་ལིཾ ཨེ་ཝཾ པ་ཏོ་ད་སྶ ཨ་ཛ྄ཛྷོ་ཧ་ར་ཎཾ ས་མ་ནུ་པ་སྶ་ཏི. ཨེ་ཝ་མེ་ཝཾ ཁོ, ས་དྡྷ, བྷ་དྲོ པུ་རི་སཱ་ཛཱ་ནཱི་ཡོ ཨ་ར་ཉྙ་ག་ཏོ་པི རུ་ཀྑ་མཱུ་ལ་ག་ཏོ་པི སུ་ཉྙཱ་གཱ་ར་ག་ཏོ་པི ན ཀཱ་མ་རཱ་ག་པ་རི་ཡུ་ཊྛི་ཏེ་ན ཙེ་ཏ་སཱ ཝི་ཧ་ར་ཏི ན ཀཱ་མ་རཱ་ག་པ་རེ་ཏེ་ན, ཨུ་པྤ་ནྣ་སྶ ཙ ཀཱ་མ་རཱ་ག་སྶ ནི་སྶ་ར་ཎཾ ཡ་ཐཱ་བྷཱུ་ཏཾ པ་ཛཱ་ནཱ་ཏི, ན བྱཱ་པཱ་ད་པ་རི་ཡུ་ཊྛི་ཏེ་ན ཙེ་ཏ་སཱ ཝི་ཧ་ར་ཏི… ན ཐི་ན་མི་དྡྷ་པ་རི་ཡུ་ཊྛི་ཏེ་ན ཙེ་ཏ་སཱ ཝི་ཧ་ར་ཏི… ན ཨུ་དྡྷ་ཙྩ་ཀུ་ཀྐུ་ཙྩ་པ་རི་ཡུ་ཊྛི་ཏེ་ན ཙེ་ཏ་སཱ ཝི་ཧ་ར་ཏི… ན ཝི་ཙི་ཀི་ཙྪཱ་པ་རི་ཡུ་ཊྛི་ཏེ་ན ཙེ་ཏ་སཱ ཝི་ཧ་ར་ཏི ན ཝི་ཙི་ཀི་ཙྪཱ་པ་རེ་ཏེ་ན, ཨུ་པྤ་ནྣཱ་ཡ ཙ ཝི་ཙི་ཀི་ཙྪཱ་ཡ ནི་སྶ་ར་ཎཾ ཡ་ཐཱ་བྷཱུ་ཏཾ པ་ཛཱ་ནཱ་ཏི. སོ ནེ་ཝ པ་ཐ་ཝིཾ ནི་སྶཱ་ཡ ཛྷཱ་ཡ་ཏི, ན ཨཱ་པཾ ནི་སྶཱ་ཡ ཛྷཱ་ཡ་ཏི, ན ཏེ་ཛཾ ནི་སྶཱ་ཡ ཛྷཱ་ཡ་ཏི, ན ཝཱ་ཡཾ ནི་སྶཱ་ཡ ཛྷཱ་ཡ་ཏི, ན ཨཱ་ཀཱ་སཱ་ན་ཉྩཱ་ཡ་ཏ་ནཾ ནི་སྶཱ་ཡ ཛྷཱ་ཡ་ཏི, ན ཝི་ཉྙཱ་ཎ་ཉྩཱ་ཡ་ཏ་ནཾ ནི་སྶཱ་ཡ ཛྷཱ་ཡ་ཏི, ན ཨཱ་ཀི་ཉྩ་ཉྙཱ་ཡ་ཏ་ནཾ ནི་སྶཱ་ཡ ཛྷཱ་ཡ་ཏི, ན ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ནི་སྶཱ་ཡ ཛྷཱ་ཡ་ཏི, ན ཨི་དྷ་ལོ་ཀཾ ནི་སྶཱ་ཡ ཛྷཱ་ཡ་ཏི, ན པ་ར་ལོ་ཀཾ ནི་སྶཱ་ཡ ཛྷཱ་ཡ་ཏི, ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་མྤི ནི་སྶཱ་ཡ ན ཛྷཱ་ཡ་ཏི; ཛྷཱ་ཡ་ཏི ཙ པ་ན. ཨེ་ཝཾ ཛྷཱ་ཡི་ཉྩ པ་ན, ས་དྡྷ, བྷ་དྲཾ པུ་རི་སཱ་ཛཱ་ནཱི་ཡཾ ས་ཨི་ནྡཱ དེ་ཝཱ ས་བྲ་ཧྨ་ཀཱ ས་པ་ཛཱ་པ་ཏི་ཀཱ ཨཱ་ར་ཀཱ་ཝ ན་མ་སྶ་ནྟི –

‘‘ན་མོ ཏེ པུ་རི་སཱ་ཛ་ཉྙ, ན་མོ ཏེ པུ་རི་སུ་ཏྟ་མ;

ཡ་སྶ ཏེ ནཱ་བྷི་ཛཱ་ནཱ་མ, ཡ་མྤི ནི་སྶཱ་ཡ ཛྷཱ་ཡ་སཱི’’ཏི.

ཨེ་ཝཾ ཝུ་ཏྟེ ཨཱ་ཡ་སྨཱ ས་དྡྷོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཀ་ཐཾ ཛྷཱ་ཡཱི པ་ན, བྷ་ནྟེ, བྷ་དྲོ པུ་རི་སཱ་ཛཱ་ནཱི་ཡོ [པུ་རི་སཱ་ཛཱ་ནཱི་ཡོ ཛྷཱ་ཡ་ཏི, སོ (སཱི. སྱཱ. པཱི.), པུ་རི་སཱ་ཛཱ་ནཱི་ཡོ, སོ (ཀ.)] ནེ་ཝ པ་ཐ་ཝིཾ ནི་སྶཱ་ཡ ཛྷཱ་ཡ་ཏི, ན ཨཱ་པཾ ནི་སྶཱ་ཡ ཛྷཱ་ཡ་ཏི, ན ཏེ་ཛཾ ནི་སྶཱ་ཡ ཛྷཱ་ཡ་ཏི, ན ཝཱ་ཡཾ ནི་སྶཱ་ཡ ཛྷཱ་ཡ་ཏི, ན ཨཱ་ཀཱ་སཱ་ན་ཉྩཱ་ཡ་ཏ་ནཾ ནི་སྶཱ་ཡ ཛྷཱ་ཡ་ཏི, ན ཝི་ཉྙཱ་ཎ་ཉྩཱ་ཡ་ཏ་ནཾ ནི་སྶཱ་ཡ ཛྷཱ་ཡ་ཏི, ན ཨཱ་ཀི་ཉྩ་ཉྙཱ་ཡ་ཏ་ནཾ ནི་སྶཱ་ཡ ཛྷཱ་ཡ་ཏི, ན ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནཾ ནི་སྶཱ་ཡ ཛྷཱ་ཡ་ཏི, ན ཨི་དྷ་ལོ་ཀཾ ནི་སྶཱ་ཡ ཛྷཱ་ཡ་ཏི, ན པ་ར་ལོ་ཀཾ ནི་སྶཱ་ཡ ཛྷཱ་ཡ་ཏི, ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་མྤི ནི་སྶཱ་ཡ ན ཛྷཱ་ཡ་ཏི; ཛྷཱ་ཡ་ཏི ཙ པ་ན? ཀ་ཐཾ ཛྷཱ་ཡི་ཉྩ པ་ན, བྷ་ནྟེ, བྷ་དྲཾ པུ་རི་སཱ་ཛཱ་ནཱི་ཡཾ ས་ཨི་ནྡཱ དེ་ཝཱ ས་བྲ་ཧྨ་ཀཱ ས་པ་ཛཱ་པ་ཏི་ཀཱ ཨཱ་ར་ཀཱ་ཝ ན་མ་སྶ་ནྟི –

‘‘ན་མོ ཏེ པུ་རི་སཱ་ཛ་ཉྙ, ན་མོ ཏེ པུ་རི་སུ་ཏྟ་མ;

ཡ་སྶ ཏེ ནཱ་བྷི་ཛཱ་ནཱ་མ, ཡ་མྤི ནི་སྶཱ་ཡ ཛྷཱ་ཡ་སཱི’’ཏི.

‘‘ཨི་དྷ, ས་དྡྷ, བྷ་དྲ་སྶ པུ་རི་སཱ་ཛཱ་ནཱི་ཡ་སྶ པ་ཐ་ཝི་ཡཾ པ་ཐ་ཝི་ས་ཉྙཱ ཝི་བྷཱུ་ཏཱ ཧོ་ཏི, ཨཱ་པ་སྨིཾ ཨཱ་པོ་ས་ཉྙཱ ཝི་བྷཱུ་ཏཱ ཧོ་ཏི, ཏེ་ཛ་སྨིཾ ཏེ་ཛོ་ས་ཉྙཱ ཝི་བྷཱུ་ཏཱ ཧོ་ཏི, ཝཱ་ཡ་སྨིཾ ཝཱ་ཡོ་ས་ཉྙཱ ཝི་བྷཱུ་ཏཱ ཧོ་ཏི, ཨཱ་ཀཱ་སཱ་ན་ཉྩཱ་ཡ་ཏ་ནེ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཉྙཱ ཝི་བྷཱུ་ཏཱ ཧོ་ཏི, ཝི་ཉྙཱ་ཎ་ཉྩཱ་ཡ་ཏ་ནེ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱ ཝི་བྷཱུ་ཏཱ ཧོ་ཏི, ཨཱ་ཀི་ཉྩ་ཉྙཱ་ཡ་ཏ་ནེ ཨཱ་ཀི་ཉྩ་ཉྙཱ་ཡ་ཏ་ན་ས་ཉྙཱ ཝི་བྷཱུ་ཏཱ ཧོ་ཏི, ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ནེ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱ ཝི་བྷཱུ་ཏཱ ཧོ་ཏི, ཨི་དྷ་ལོ་ཀེ ཨི་དྷ་ལོ་ཀ་ས་ཉྙཱ ཝི་བྷཱུ་ཏཱ ཧོ་ཏི, པ་ར་ལོ་ཀེ པ་ར་ལོ་ཀ་ས་ཉྙཱ ཝི་བྷཱུ་ཏཱ ཧོ་ཏི, ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་ཏྲཱ་པི ས་ཉྙཱ ཝི་བྷཱུ་ཏཱ ཧོ་ཏི. ཨེ་ཝཾ ཛྷཱ་ཡཱི ཁོ, ས་དྡྷ, བྷ་དྲོ པུ་རི་སཱ་ཛཱ་ནཱི་ཡོ ནེ་ཝ པ་ཐ་ཝིཾ ནི་སྶཱ་ཡ ཛྷཱ་ཡ་ཏི…པེ… ཡ་མྤི་དཾ དི་ཊྛཾ སུ་ཏཾ མུ་ཏཾ ཝི་ཉྙཱ་ཏཾ པ་ཏྟཾ པ་རི་ཡེ་སི་ཏཾ ཨ་ནུ་ཝི་ཙ་རི་ཏཾ མ་ན་སཱ, ཏ་མྤི ནི་སྶཱ་ཡ ན ཛྷཱ་ཡ་ཏི; ཛྷཱ་ཡ་ཏི ཙ པ་ན. ཨེ་ཝཾ ཛྷཱ་ཡི་ཉྩ པ་ན, ས་དྡྷ, བྷ་དྲཾ པུ་རི་སཱ་ཛཱ་ནཱི་ཡཾ ས་ཨི་ནྡཱ དེ་ཝཱ ས་བྲ་ཧྨ་ཀཱ ས་པ་ཛཱ་པ་ཏི་ཀཱ ཨཱ་ར་ཀཱ་ཝ ན་མ་སྶ་ནྟི –

‘‘ན་མོ ཏེ པུ་རི་སཱ་ཛ་ཉྙ, ན་མོ ཏེ པུ་རི་སུ་ཏྟ་མ;

ཡ་སྶ ཏེ ནཱ་བྷི་ཛཱ་ནཱ་མ, ཡ་མྤི ནི་སྶཱ་ཡ ཛྷཱ་ཡ་སཱི’’ཏི. ན་ཝ་མཾ;

༡༠. མོ་ར་ནི་ཝཱ་པ་སུ་ཏྟཾ

༡༠. ཨེ་ཀཾ ས་མ་ཡཾ བྷ་ག་ཝཱ རཱ་ཛ་ག་ཧེ ཝི་ཧ་ར་ཏི མོ་ར་ནི་ཝཱ་པེ པ་རི་བྦཱ་ཛ་ཀཱ་རཱ་མེ. ཏ་ཏྲ ཁོ བྷ་ག་ཝཱ བྷི་ཀྑཱུ ཨཱ་མ་ནྟེ་སི – ‘‘བྷི་ཀྑ་ཝོ’’ཏི. ‘‘བྷ་ད་ནྟེ’’ཏི ཏེ བྷི་ཀྑཱུ བྷ་ག་ཝ་ཏོ པ་ཙྩ་སྶོ་སུཾ. བྷ་ག་ཝཱ ཨེ་ཏ་ད་ཝོ་ཙ –

‘‘ཏཱི་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ཙྩ་ནྟ་ནི་ཊྛོ ཧོ་ཏི ཨ་ཙྩ་ནྟ་ཡོ་ག་ཀྑེ་མཱི ཨ་ཙྩ་ནྟ་བྲ་ཧྨ་ཙཱ་རཱི ཨ་ཙྩ་ནྟ་པ་རི་ཡོ་སཱ་ནོ སེ་ཊྛོ དེ་ཝ་མ་ནུ་སྶཱ་ནཾ. ཀ་ཏ་མེ་ཧི ཏཱི་ཧི? ཨ་སེ་ཁེ་ན སཱི་ལ་ཀྑ་ནྡྷེ་ན, ཨ་སེ་ཁེ་ན ས་མཱ་དྷི་ཀྑ་ནྡྷེ་ན, ཨ་སེ་ཁེ་ན པ་ཉྙཱ་ཀྑ་ནྡྷེ་ན – ཨི་མེ་ཧི, ཁོ, བྷི་ཀྑ་ཝེ, ཏཱི་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ཙྩ་ནྟ་ནི་ཊྛོ ཧོ་ཏི ཨ་ཙྩ་ནྟ་ཡོ་ག་ཀྑེ་མཱི ཨ་ཙྩ་ནྟ་བྲ་ཧྨ་ཙཱ་རཱི ཨ་ཙྩ་ནྟ་པ་རི་ཡོ་སཱ་ནོ སེ་ཊྛོ དེ་ཝ་མ་ནུ་སྶཱ་ནཾ.

‘‘ཨ་པ་རེ་ཧི་པི, བྷི་ཀྑ་ཝེ, ཏཱི་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ཙྩ་ནྟ་ནི་ཊྛོ ཧོ་ཏི ཨ་ཙྩ་ནྟ་ཡོ་ག་ཀྑེ་མཱི ཨ་ཙྩ་ནྟ་བྲ་ཧྨ་ཙཱ་རཱི ཨ་ཙྩ་ནྟ་པ་རི་ཡོ་སཱ་ནོ སེ་ཊྛོ དེ་ཝ་མ་ནུ་སྶཱ་ནཾ. ཀ་ཏ་མེ་ཧི ཏཱི་ཧི? ཨི་དྡྷི་པཱ་ཊི་ཧཱ་རི་ཡེ་ན, ཨཱ་དེ་ས་ནཱ་པཱ་ཊི་ཧཱ་རི་ཡེ་ན, ཨ་ནུ་སཱ་ས་ནཱི་པཱ་ཊི་ཧཱ་རི་ཡེ་ན – ཨི་མེ་ཧི ཁོ, བྷི་ཀྑ་ཝེ, ཏཱི་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ཙྩ་ནྟ་ནི་ཊྛོ ཧོ་ཏི, ཨ་ཙྩ་ནྟ་ཡོ་ག་ཀྑེ་མཱི ཨ་ཙྩ་ནྟ་བྲ་ཧྨ་ཙཱ་རཱི ཨ་ཙྩ་ནྟ་པ་རི་ཡོ་སཱ་ནོ སེ་ཊྛོ དེ་ཝ་མ་ནུ་སྶཱ་ནཾ.

‘‘ཨ་པ་རེ་ཧི་པི, བྷི་ཀྑ་ཝེ, ཏཱི་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ཙྩ་ནྟ་ནི་ཊྛོ ཧོ་ཏི ཨ་ཙྩ་ནྟ་ཡོ་ག་ཀྑེ་མཱི ཨ་ཙྩ་ནྟ་བྲ་ཧྨ་ཙཱ་རཱི ཨ་ཙྩ་ནྟ་པ་རི་ཡོ་སཱ་ནོ སེ་ཊྛོ དེ་ཝ་མ་ནུ་སྶཱ་ནཾ. ཀ་ཏ་མེ་ཧི ཏཱི་ཧི? ས་མྨཱ་དི་ཊྛི་ཡཱ, ས་མྨཱ་ཉཱ་ཎེ་ན, ས་མྨཱ་ཝི་མུ་ཏྟི་ཡཱ – ཨི་མེ་ཧི ཁོ, བྷི་ཀྑ་ཝེ, ཏཱི་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ཙྩ་ནྟ་ནི་ཊྛོ ཧོ་ཏི ཨ་ཙྩ་ནྟ་ཡོ་ག་ཀྑེ་མཱི ཨ་ཙྩ་ནྟ་བྲ་ཧྨ་ཙཱ་རཱི ཨ་ཙྩ་ནྟ་པ་རི་ཡོ་སཱ་ནོ སེ་ཊྛོ དེ་ཝ་མ་ནུ་སྶཱ་ནཾ.

‘‘དྭཱི་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ཙྩ་ནྟ་ནི་ཊྛོ ཧོ་ཏི ཨ་ཙྩ་ནྟ་ཡོ་ག་ཀྑེ་མཱི ཨ་ཙྩ་ནྟ་བྲ་ཧྨ་ཙཱ་རཱི ཨ་ཙྩ་ནྟ་པ་རི་ཡོ་སཱ་ནོ སེ་ཊྛོ དེ་ཝ་མ་ནུ་སྶཱ་ནཾ. ཀ་ཏ་མེ་ཧི དྭཱི་ཧི? ཝི་ཛྫཱ་ཡ, ཙ་ར་ཎེ་ན – ཨི་མེ་ཧི ཁོ, བྷི་ཀྑ་ཝེ, དྭཱི་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ཙྩ་ནྟ་ནི་ཊྛོ ཧོ་ཏི ཨ་ཙྩ་ནྟ་ཡོ་ག་ཀྑེ་མཱི ཨ་ཙྩ་ནྟ་བྲ་ཧྨ་ཙཱ་རཱི ཨ་ཙྩ་ནྟ་པ་རི་ཡོ་སཱ་ནོ སེ་ཊྛོ དེ་ཝ་མ་ནུ་སྶཱ་ནཾ. བྲ་ཧྨུ་ནཱ པེ་སཱ, བྷི་ཀྑ་ཝེ, ས་ན་ངྐུ་མཱ་རེ་ན གཱ་ཐཱ བྷཱ་སི་ཏཱ –

‘‘ཁ་ཏྟི་ཡོ སེ་ཊྛོ ཛ་ནེ་ཏ་སྨིཾ, ཡེ གོ་ཏྟ་པ་ཊི་སཱ་རི་ནོ;

ཝི་ཛྫཱ་ཙ་ར་ཎ་ས་མྤ་ནྣོ, སོ སེ་ཊྛོ དེ་ཝ་མཱ་ནུ་སེ’’ཏི [དཱི. ནི. ༡.༢༧༧; སཾ. ནི. ༡.༡༨༢; ༢.༢༤༥].

‘‘སཱ ཁོ པ་ནེ་སཱ, བྷི་ཀྑ་ཝེ, ས་ན་ངྐུ་མཱ་རེ་ན གཱ་ཐཱ བྷཱ་སི་ཏཱ སུ་བྷཱ་སི་ཏཱ, ནོ དུ་བྦྷཱ་སི་ཏཱ; ཨ་ཏྠ་སཾ་ཧི་ཏཱ, ནོ ཨ་ན་ཏྠ་སཾ་ཧི་ཏཱ; ཨ་ནུ་མ་ཏཱ མ་ཡཱ. ཨ་ཧ་མྤི, བྷི་ཀྑ་ཝེ, ཨེ་ཝཾ ཝ་དཱ་མི –

‘‘ཁ་ཏྟི་ཡོ སེ་ཊྛོ ཛ་ནེ་ཏ་སྨིཾ, ཡེ གོ་ཏྟ་པ་ཊི་སཱ་རི་ནོ;

ཝི་ཛྫཱ་ཙ་ར་ཎ་ས་མྤ་ནྣོ, སོ སེ་ཊྛོ དེ་ཝ་མཱ་ནུ་སེ’’ཏི. ད་ས་མཾ;

ནི་སྶ་ཡ་ཝ་གྒོ [ནི་སྶཱ་ཡ་ཝ་གྒོ (སྱཱ. ཀཾ.)] པ་ཋ་མོ.