༩. པ་རི་ཀྐ་མ་ན་སུ་ཏྟཾ

༡༧༥. ‘‘ས་པ་རི་ཀྐ་མ་ནོ ཨ་ཡཾ, བྷི་ཀྑ་ཝེ, དྷ་མྨོ, ནཱ་ཡཾ དྷ་མྨོ ཨ་པ་རི་ཀྐ་མ་ནོ. ཀ་ཐ་ཉྩ, བྷི་ཀྑ་ཝེ, ས་པ་རི་ཀྐ་མ་ནོ ཨ་ཡཾ དྷ་མྨོ, ནཱ་ཡཾ དྷ་མྨོ ཨ་པ་རི་ཀྐ་མ་ནོ? པཱ་ཎཱ་ཏི་པཱ་ཏི་སྶ, བྷི་ཀྑ་ཝེ, པཱ་ཎཱ་ཏི་པཱ་ཏཱ ཝེ་ར་མ་ཎཱི པ་རི་ཀྐ་མ་ནཾ ཧོ་ཏི. ཨ་དི་ནྣཱ་དཱ་ཡི་སྶ, བྷི་ཀྑ་ཝེ, ཨ་དི་ནྣཱ་དཱ་ནཱ ཝེ་ར་མ་ཎཱི པ་རི་ཀྐ་མ་ནཾ ཧོ་ཏི. ཀཱ་མེ་སུ་མི་ཙྪཱ་ཙཱ་རི་སྶ, བྷི་ཀྑ་ཝེ, ཀཱ་མེ་སུ་མི་ཙྪཱ་ཙཱ་རཱ ཝེ་ར་མ་ཎཱི པ་རི་ཀྐ་མ་ནཾ ཧོ་ཏི. མུ་སཱ་ཝཱ་དི་སྶ, བྷི་ཀྑ་ཝེ, མུ་སཱ་ཝཱ་དཱ ཝེ་ར་མ་ཎཱི པ་རི་ཀྐ་མ་ནཾ ཧོ་ཏི. པི་སུ་ཎ་ཝཱ་ཙ་སྶ, བྷི་ཀྑ་ཝེ, པི་སུ་ཎཱ་ཡ ཝཱ་ཙཱ་ཡ ཝེ་ར་མ་ཎཱི པ་རི་ཀྐ་མ་ནཾ ཧོ་ཏི. ཕ་རུ་ས་ཝཱ་ཙ་སྶ, བྷི་ཀྑ་ཝེ, ཕ་རུ་སཱ་ཡ ཝཱ་ཙཱ་ཡ ཝེ་ར་མ་ཎཱི པ་རི་ཀྐ་མ་ནཾ ཧོ་ཏི. ས་མྥ་པྤ་ལཱ་པི་སྶ, བྷི་ཀྑ་ཝེ, ས་མྥ་པྤ་ལཱ་པཱ ཝེ་ར་མ་ཎཱི པ་རི་ཀྐ་མ་ནཾ ཧོ་ཏི. ཨ་བྷི་ཛ྄ཛྷཱ་ལུ་སྶ, བྷི་ཀྑ་ཝེ, ཨ་ན་བྷི་ཛ྄ཛྷཱ པ་རི་ཀྐ་མ་ནཾ ཧོ་ཏི. བྱཱ་པ་ནྣ་ཙི་ཏྟ་སྶ [བྱཱ་པཱ་ད་སྶ (སཱི. པཱི. ཀ.), བྱཱ་པ་ནྣ་སྶ (སྱཱ.)], བྷི་ཀྑ་ཝེ, ཨ་བྱཱ་པཱ་དོ པ་རི་ཀྐ་མ་ནཾ ཧོ་ཏི. མི་ཙྪཱ་དི་ཊྛི་སྶ, བྷི་ཀྑ་ཝེ, ས་མྨཱ་དི་ཊྛི པ་རི་ཀྐ་མ་ནཾ ཧོ་ཏི. ཨེ་ཝཾ ཁོ, བྷི་ཀྑ་ཝེ, ས་པ་རི་ཀྐ་མ་ནོ ཨ་ཡཾ དྷ་མྨོ, ནཱ་ཡཾ དྷ་མྨོ ཨ་པ་རི་ཀྐ་མ་ནོ’’ཏི. ན་ཝ་མཾ.