༡. པ་ཋ་མ་ཨ་དྷ་མྨ་སུ་ཏྟཾ

༡༡༣. [ཨ. ནི. ༡༠.༡༧༡] ‘‘ཨ་དྷ་མྨོ ཙ, བྷི་ཀྑ་ཝེ, ཝེ་དི་ཏ་བྦོ ཨ་ན་ཏྠོ ཙ; དྷ་མྨོ ཙ ཝེ་དི་ཏ་བྦོ ཨ་ཏྠོ ཙ. ཨ་དྷ་མྨ་ཉྩ ཝི་དི་ཏྭཱ ཨ་ན་ཏྠ་ཉྩ, དྷ་མྨ་ཉྩ ཝི་དི་ཏྭཱ ཨ་ཏྠ་ཉྩ ཡ་ཐཱ དྷ་མྨོ ཡ་ཐཱ ཨ་ཏྠོ ཏ་ཐཱ པ་ཊི་པ་ཛྫི་ཏ་བྦཾ.

‘‘ཀ་ཏ་མོ ཙ, བྷི་ཀྑ་ཝེ, ཨ་དྷ་མྨོ ཙ ཨ་ན་ཏྠོ ཙ? མི་ཙྪཱ་དི་ཊྛི, མི་ཙྪཱ་ས་ངྐ་པྤོ, མི་ཙྪཱ་ཝཱ་ཙཱ, མི་ཙྪཱ་ཀ་མྨ་ནྟོ, མི་ཙྪཱ་ཨཱ་ཛཱི་ཝོ, མི་ཙྪཱ་ཝཱ་ཡཱ་མོ, མི་ཙྪཱ་ས་ཏི, མི་ཙྪཱ་ས་མཱ་དྷི, མི་ཙྪཱ་ཉཱ་ཎཾ, མི་ཙྪཱ་ཝི་མུ་ཏྟི – ཨ་ཡཾ ཝུ་ཙྩ་ཏི, བྷི་ཀྑ་ཝེ, ཨ་དྷ་མྨོ ཙ ཨ་ན་ཏྠོ ཙ.

‘‘ཀ་ཏ་མོ ཙ, བྷི་ཀྑ་ཝེ, དྷ་མྨོ ཙ ཨ་ཏྠོ ཙ? ས་མྨཱ་དི་ཊྛི, ས་མྨཱ་ས་ངྐ་པྤོ, ས་མྨཱ་ཝཱ་ཙཱ, ས་མྨཱ་ཀ་མྨ་ནྟོ, ས་མྨཱ་ཨཱ་ཛཱི་ཝོ, ས་མྨཱ་ཝཱ་ཡཱ་མོ, ས་མྨཱ་ས་ཏི, ས་མྨཱ་ས་མཱ་དྷི, ས་མྨཱ་ཉཱ་ཎཾ, ས་མྨཱ་ཝི་མུ་ཏྟི – ཨ་ཡཾ ཝུ་ཙྩ་ཏི, བྷི་ཀྑ་ཝེ, དྷ་མྨོ ཙ ཨ་ཏྠོ ཙ.

‘‘‘ཨ་དྷ་མྨོ ཙ, བྷི་ཀྑ་ཝེ, ཝེ་དི་ཏ་བྦོ ཨ་ན་ཏྠོ ཙ; དྷ་མྨོ ཙ ཝེ་དི་ཏ་བྦོ ཨ་ཏྠོ ཙ. ཨ་དྷ་མྨ་ཉྩ ཝི་དི་ཏྭཱ ཨ་ན་ཏྠ་ཉྩ, དྷ་མྨ་ཉྩ ཝི་དི་ཏྭཱ ཨ་ཏྠ་ཉྩ ཡ་ཐཱ དྷ་མྨོ ཡ་ཐཱ ཨ་ཏྠོ ཏ་ཐཱ པ་ཊི་པ་ཛྫི་ཏ་བྦ’ནྟི, ཨི་ཏི ཡཾ ཏཾ ཝུ་ཏྟཾ, ཨི་ད་མེ་ཏཾ པ་ཊི་ཙྩ ཝུ་ཏྟ’’ནྟི. པ་ཋ་མཾ.