༨. ཨ་ཀྐོ་ས་ཀ་སུ་ཏྟཾ

༨༨. ‘‘ཡོ སོ, བྷི་ཀྑ་ཝེ, བྷི་ཀྑུ ཨ་ཀྐོ་ས་ཀ་པ་རི་བྷཱ་ས་ཀོ ཨ་རི་ཡཱུ་པ་ཝཱ་དཱི ས་བྲ་ཧྨ་ཙཱ་རཱི་ནཾ ཋཱ་ན་མེ་ཏཾ ཨ་ཝ་ཀཱ་སོ [ཨ་ཊྛཱ་ན་མེ་ཏཾ ཨ་ན་ཝ་ཀཱ་སོ (སཱི. སྱཱ. པཱི.)] ཡཾ སོ ད་ས་ནྣཾ བྱ་ས་ནཱ་ནཾ ཨ་ཉྙ་ཏ་རཾ བྱ་ས་ནཾ ནི་ག་ཙྪེ་ཡྻ [ན ནི་ག་ཙྪེ་ཡྻ (སཱི. སྱཱ. པཱི.)]. ཀ་ཏ་མེ་སཾ ད་ས་ནྣཾ? ཨ་ན་དྷི་ག་ཏཾ ནཱ་དྷི་ག་ཙྪ་ཏི, ཨ་དྷི་ག་ཏཱ པ་རི་ཧཱ་ཡ་ཏི, ས་དྡྷ་མྨ་སྶ ན ཝོ་དཱ་ཡ་ནྟི, ས་དྡྷ་མྨེ་སུ ཝཱ ཨ་དྷི་མཱ་ནི་ཀོ ཧོ་ཏི ཨ་ན་བྷི་ར་ཏོ ཝཱ བྲ་ཧྨ་ཙ་རི་ཡཾ ཙ་ར་ཏི, ཨ་ཉྙ་ཏ་རཾ ཝཱ སཾ་ཀི་ལི་ཊྛཾ ཨཱ་པ་ཏྟིཾ ཨཱ་པ་ཛྫ་ཏི, གཱ་ལ༹ྷཾ ཝཱ རོ་གཱ་ཏ་ངྐཾ ཕུ་ས་ཏི, ཨུ་མྨཱ་དཾ ཝཱ པཱ་པུ་ཎཱ་ཏི ཙི་ཏྟ་ཀྑེ་པཾ, ས་མྨཱུ་ལ༹ྷོ ཀཱ་ལཾ ཀ་རོ་ཏི, ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ཏི. ཡོ སོ, བྷི་ཀྑ་ཝེ, བྷི་ཀྑུ ཨ་ཀྐོ་ས་ཀ་པ་རི་བྷཱ་ས་ཀོ ཨ་རི་ཡཱུ་པ་ཝཱ་དཱི ས་བྲ་ཧྨ་ཙཱ་རཱི་ནཾ, ཋཱ་ན་མེ་ཏཾ ཨ་ཝ་ཀཱ་སོ ཡཾ སོ ཨི་མེ་སཾ ད་ས་ནྣཾ བྱ་ས་ནཱ་ནཾ ཨ་ཉྙ་ཏ་རཾ བྱ་ས་ནཾ ནི་ག་ཙྪེ་ཡྻཱ’’ཏི. ཨ་ཊྛ་མཾ.