༣. དུ་ཏི་ཡ་ཝི་ཝཱ་ད་མཱུ་ལ་སུ་ཏྟཾ

༤༣. ‘‘ཀ་ཏི ནུ ཁོ, བྷ་ནྟེ, ཝི་ཝཱ་ད་མཱུ་ལཱ་ནཱི’’ཏི? ‘‘ད་ས ཁོ, ཨུ་པཱ་ལི, ཝི་ཝཱ་ད་མཱུ་ལཱ་ནི. ཀ་ཏ་མཱ་ནི ད་ས? ཨི་དྷུ་པཱ་ལི, བྷི་ཀྑཱུ ཨ་ནཱ་པ་ཏྟིཾ ཨཱ་པ་ཏྟཱི་ཏི དཱི་པེ་ནྟི, ཨཱ་པ་ཏྟིཾ ཨ་ནཱ་པ་ཏྟཱི་ཏི དཱི་པེ་ནྟི, ལ་ཧུ་ཀཾ ཨཱ་པ་ཏྟིཾ ག་རུ་ཀཱ་པ་ཏྟཱི་ཏི དཱི་པེ་ནྟི, ག་རུ་ཀཾ ཨཱ་པ་ཏྟིཾ ལ་ཧུ་ཀཱ་པ་ཏྟཱི་ཏི དཱི་པེ་ནྟི, དུ་ཊྛུ་ལླཾ ཨཱ་པ་ཏྟིཾ ཨ་དུ་ཊྛུ་ལླཱ་པ་ཏྟཱི་ཏི དཱི་པེ་ནྟི, ཨ་དུ་ཊྛུ་ལླཾ ཨཱ་པ་ཏྟིཾ དུ་ཊྛུ་ལླཱ་པ་ཏྟཱི་ཏི དཱི་པེ་ནྟི, སཱ་ཝ་སེ་སཾ ཨཱ་པ་ཏྟིཾ ཨ་ན་ཝ་སེ་སཱ་པ་ཏྟཱི་ཏི དཱི་པེ་ནྟི, ཨ་ན་ཝ་སེ་སཾ ཨཱ་པ་ཏྟིཾ སཱ་ཝ་སེ་སཱ་པ་ཏྟཱི་ཏི དཱི་པེ་ནྟི, ས་པྤ་ཊི་ཀ་མྨཾ ཨཱ་པ་ཏྟིཾ ཨ་པྤ་ཊི་ཀ་མྨཱ་པ་ཏྟཱི་ཏི དཱི་པེ་ནྟི, ཨ་པྤ་ཊི་ཀ་མྨཾ ཨཱ་པ་ཏྟིཾ ས་པྤ་ཊི་ཀ་མྨཱ་པ་ཏྟཱི་ཏི དཱི་པེ་ནྟི. ཨི་མཱ་ནི ཁོ, ཨུ་པཱ་ལི, ད་ས ཝི་ཝཱ་ད་མཱུ་ལཱ་ནཱི’’ཏི. ཏ་ཏི་ཡཾ.