༦. སཱ་མ་ཎེ་ར་སུ་ཏྟཾ

༣༦. ‘‘ཀ་ཏི་ཧི ནུ ཁོ, བྷ་ནྟེ, དྷ་མྨེ་ཧི ས་མ་ནྣཱ་ག་ཏེ་ན བྷི་ཀྑུ་ནཱ སཱ་མ་ཎེ་རོ ཨུ་པ་ཊྛཱ་པེ་ཏ་བྦོ’’ཏི? ‘‘ད་ས་ཧི ཁོ, ཨུ་པཱ་ལི, དྷ་མྨེ་ཧི ས་མ་ནྣཱ་ག་ཏེ་ན བྷི་ཀྑུ་ནཱ སཱ་མ་ཎེ་རོ ཨུ་པ་ཊྛཱ་པེ་ཏ་བྦོ. ཀ་ཏ་མེ་ཧི ད་ས་ཧི? ཨི་དྷུ་པཱ་ལི, བྷི་ཀྑུ སཱི་ལ་ཝཱ ཧོ་ཏི…པེ… ས་མཱ་དཱ་ཡ སི་ཀྑ་ཏི སི་ཀྑཱ་པ་དེ་སུ; བ་ཧུ་སྶུ་ཏོ ཧོ་ཏི…པེ… དི་ཊྛི་ཡཱ སུ་པྤ་ཊི་ཝི་དྡྷཱ; པཱ་ཏི་མོ་ཀྑཾ ཁོ པ་ན་སྶ ཝི་ཏྠཱ་རེ་ན སྭཱ་ག་ཏཾ ཧོ་ཏི སུ་ཝི་བྷ་ཏྟཾ སུ་པྤ་ཝ་ཏྟཾ སུ་ཝི་ནི་ཙྪི་ཏཾ སུ་ཏྟ་སོ ཨ་ནུ་བྱ་ཉྫ་ན་སོ; པ་ཊི་བ་ལོ ཧོ་ཏི གི་ལཱ་ནཾ ཨུ་པ་ཊྛཱ་ཏུཾ ཝཱ ཨུ་པ་ཊྛཱ་པེ་ཏུཾ ཝཱ; པ་ཊི་བ་ལོ ཧོ་ཏི ཨ་ན་བྷི་ར་ཏིཾ ཝཱུ་པ་ཀཱ་སེ་ཏུཾ ཝཱ ཝཱུ་པ་ཀཱ་སཱ་པེ་ཏུཾ ཝཱ; པ་ཊི་བ་ལོ ཧོ་ཏི ཨུ་པྤ་ནྣཾ ཀུ་ཀྐུ་ཙྩཾ དྷ་མྨ་ཏོ ཝི་ནོ་དེ་ཏུཾ; པ་ཊི་བ་ལོ ཧོ་ཏི ཨུ་པྤ་ནྣཾ དི་ཊྛི་ག་ཏཾ དྷ་མྨ་ཏོ ཝི་ཝེ་ཙེ་ཏུཾ; པ་ཊི་བ་ལོ ཧོ་ཏི ཨ་དྷི་སཱི་ལེ ས་མཱ་ད་པེ་ཏུཾ; པ་ཊི་བ་ལོ ཧོ་ཏི ཨ་དྷི་ཙི་ཏྟེ ས་མཱ་ད་པེ་ཏུཾ; པ་ཊི་བ་ལོ ཧོ་ཏི ཨ་དྷི་པ་ཉྙཱ་ཡ ས་མཱ་ད་པེ་ཏུཾ. ཨི་མེ་ཧི ཁོ, ཨུ་པཱ་ལི, ད་ས་ཧི དྷ་མྨེ་ཧི ས་མ་ནྣཱ་ག་ཏེ་ན བྷི་ཀྑུ་ནཱ སཱ་མ་ཎེ་རོ ཨུ་པ་ཊྛཱ་པེ་ཏ་བྦོ’’ཏི. ཚ་ཊྛཾ.