༧. ས་ངྒྷ་བྷེ་ད་སུ་ཏྟཾ

༣༧. ‘‘‘ས་ངྒྷ་བྷེ་དོ ས་ངྒྷ་བྷེ་དོ’ཏི, བྷ་ནྟེ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, བྷ་ནྟེ, ས་ངྒྷོ བྷི་ནྣོ ཧོ་ཏཱི’’ཏི? ‘‘ཨི་དྷུ་པཱ་ལི, བྷི་ཀྑཱུ ཨ་དྷ་མྨཾ དྷ་མྨོ་ཏི དཱི་པེ་ནྟི, དྷ་མྨཾ ཨ་དྷ་མྨོ་ཏི དཱི་པེ་ནྟི, ཨ་ཝི་ན་ཡཾ ཝི་ན་ཡོ་ཏི དཱི་པེ་ནྟི, ཝི་ན་ཡཾ ཨ་ཝི་ན་ཡོ་ཏི དཱི་པེ་ནྟི, ཨ་བྷཱ་སི་ཏཾ ཨ་ལ་པི་ཏཾ ཏ་ཐཱ་ག་ཏེ་ན བྷཱ་སི་ཏཾ ལ་པི་ཏཾ ཏ་ཐཱ་ག་ཏེ་ནཱ་ཏི དཱི་པེ་ནྟི, བྷཱ་སི་ཏཾ ལ་པི་ཏཾ ཏ་ཐཱ་ག་ཏེ་ན ཨ་བྷཱ་སི་ཏཾ ཨ་ལ་པི་ཏཾ ཏ་ཐཱ་ག་ཏེ་ནཱ་ཏི དཱི་པེ་ནྟི, ཨ་ནཱ་ཙི་ཎྞཾ ཏ་ཐཱ་ག་ཏེ་ན ཨཱ་ཙི་ཎྞཾ ཏ་ཐཱ་ག་ཏེ་ནཱ་ཏི དཱི་པེ་ནྟི, ཨཱ་ཙི་ཎྞཾ ཏ་ཐཱ་ག་ཏེ་ན ཨ་ནཱ་ཙི་ཎྞཾ ཏ་ཐཱ་ག་ཏེ་ནཱ་ཏི དཱི་པེ་ནྟི, ཨ་པ་ཉྙ་ཏྟཾ ཏ་ཐཱ་ག་ཏེ་ན པ་ཉྙ་ཏྟཾ ཏ་ཐཱ་ག་ཏེ་ནཱ་ཏི དཱི་པེ་ནྟི, པ་ཉྙ་ཏྟཾ ཏ་ཐཱ་ག་ཏེ་ན ཨ་པ་ཉྙ་ཏྟཾ ཏ་ཐཱ་ག་ཏེ་ནཱ་ཏི དཱི་པེ་ནྟི. ཏེ ཨི་མེ་ཧི ད་ས་ཧི ཝ་ཏྠཱུ་ཧི ཨ་ཝ་ཀ་སྶ་ནྟི ཨ་པ་ཀ་སྶ་ནྟི ཨཱ་ཝེ་ནི [ཨཱ་ཝེ་ནིཾ (ཙཱུ་ལ༹་ཝ. ༣༥༢) ཨཱ་ཝེ་ཎི, ཨཱ་ཝེ་ཎི་ཀཾ (ཏ་ཏྠེ་ཝ ཨ་དྷོ་ལི་པི)] ཀ་མྨཱ་ནི ཀ་རོ་ནྟི ཨཱ་ཝེ་ནི པཱ་ཏི་མོ་ཀྑཾ ཨུ་དྡི་ས་ནྟི. ཨེ་ཏྟཱ་ཝ་ཏཱ ཁོ, ཨུ་པཱ་ལི, ས་ངྒྷོ བྷི་ནྣོ ཧོ་ཏཱི’’ཏི. ས་ཏྟ་མཾ.