༡༥. ཨ་ཊྛཱ་ན་པཱ་ལི༹

༡. པ་ཋ་མ་ཝ་གྒོ

༢༦༨. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ དི་ཊྛི་ས་མྤ་ནྣོ པུ་གྒ་ལོ ཀ་ཉྩི [ཀི་ཉྩི (ཀ.)] ས་ངྑཱ་རཾ ནི་ཙྩ་ཏོ ཨུ་པ་ག་ཙྪེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ པུ་ཐུ་ཛྫ་ནོ ཀ་ཉྩི ས་ངྑཱ་རཾ ནི་ཙྩ་ཏོ ཨུ་པ་ག་ཙྪེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༦༩. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ དི་ཊྛི་ས་མྤ་ནྣོ པུ་གྒ་ལོ ཀ་ཉྩི ས་ངྑཱ་རཾ སུ་ཁ་ཏོ ཨུ་པ་ག་ཙྪེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ པུ་ཐུ་ཛྫ་ནོ ཀ་ཉྩི ས་ངྑཱ་རཾ སུ་ཁ་ཏོ ཨུ་པ་ག་ཙྪེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༧༠. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ དི་ཊྛི་ས་མྤ་ནྣོ པུ་གྒ་ལོ ཀ་ཉྩི དྷ་མྨཾ ཨ་ཏྟ་ཏོ ཨུ་པ་ག་ཙྪེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ པུ་ཐུ་ཛྫ་ནོ ཀ་ཉྩི དྷ་མྨཾ ཨ་ཏྟ་ཏོ ཨུ་པ་ག་ཙྪེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༧༡. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ དི་ཊྛི་ས་མྤ་ནྣོ པུ་གྒ་ལོ མཱ་ཏ་རཾ ཛཱི་ཝི་ཏཱ ཝོ་རོ་པེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ, བྷི་ཀྑ་ཝེ, ཝི་ཛྫ་ཏི ཡཾ པུ་ཐུ་ཛྫ་ནོ མཱ་ཏ་རཾ ཛཱི་ཝི་ཏཱ ཝོ་རོ་པེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༧༢. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ དི་ཊྛི་ས་མྤ་ནྣོ པུ་གྒ་ལོ པི་ཏ་རཾ ཛཱི་ཝི་ཏཱ ཝོ་རོ་པེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ པུ་ཐུ་ཛྫ་ནོ པི་ཏ་རཾ ཛཱི་ཝི་ཏཱ ཝོ་རོ་པེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༧༣. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ དི་ཊྛི་ས་མྤ་ནྣོ པུ་གྒ་ལོ ཨ་ར་ཧ་ནྟཾ ཛཱི་ཝི་ཏཱ ཝོ་རོ་པེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ པུ་ཐུ་ཛྫ་ནོ ཨ་ར་ཧ་ནྟཾ ཛཱི་ཝི་ཏཱ ཝོ་རོ་པེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༧༤. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ དི་ཊྛི་ས་མྤ་ནྣོ པུ་གྒ་ལོ ཏ་ཐཱ་ག་ཏ་སྶ པ་དུ་ཊྛ་ཙི་ཏྟོ ལོ་ཧི་ཏཾ ཨུ་པྤཱ་དེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ པུ་ཐུ་ཛྫ་ནོ ཏ་ཐཱ་ག་ཏ་སྶ པ་དུ་ཊྛ་ཙི་ཏྟོ ལོ་ཧི་ཏཾ ཨུ་པྤཱ་དེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༧༥. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ དི་ཊྛི་ས་མྤ་ནྣོ པུ་གྒ་ལོ ས་ངྒྷཾ བྷི་ནྡེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ པུ་ཐུ་ཛྫ་ནོ ས་ངྒྷཾ བྷི་ནྡེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༧༦. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ དི་ཊྛི་ས་མྤ་ནྣོ པུ་གྒ་ལོ ཨ་ཉྙཾ ས་ཏྠཱ་རཾ ཨུ་དྡི་སེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ པུ་ཐུ་ཛྫ་ནོ ཨ་ཉྙཾ ས་ཏྠཱ་རཾ ཨུ་དྡི་སེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༧༧. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཨེ་ཀི་སྶཱ ལོ་ཀ་དྷཱ་ཏུ་ཡཱ དྭེ ཨ་ར་ཧ་ནྟོ ས་མྨཱ་ས་མྦུ་དྡྷཱ ཨ་པུ་བྦཾ ཨ་ཙ་རི་མཾ ཨུ་པྤ་ཛྫེ་ཡྻུཾ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ ཨེ་ཀི་སྶཱ ལོ་ཀ་དྷཱ་ཏུ་ཡཱ ཨེ་ཀོ་ཝ ཨ་ར་ཧཾ ས་མྨཱ་ས་མྦུ་དྡྷོ ཨུ་པྤ་ཛྫེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

ཝ་གྒོ པ་ཋ་མོ.

༢. དུ་ཏི་ཡ་ཝ་གྒོ

༢༧༨. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཨེ་ཀི་སྶཱ ལོ་ཀ་དྷཱ་ཏུ་ཡཱ དྭེ རཱ་ཛཱ་ནོ ཙ་ཀྐ་ཝ་ཏྟཱི ཨ་པུ་བྦཾ ཨ་ཙ་རི་མཾ ཨུ་པྤ་ཛྫེ་ཡྻུཾ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ ཨེ་ཀི་སྶཱ ལོ་ཀ་དྷཱ་ཏུ་ཡཱ ཨེ་ཀོ རཱ་ཛཱ ཙ་ཀྐ་ཝ་ཏྟཱི ཨུ་པྤ་ཛྫེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༧༩. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཨི་ཏྠཱི ཨ་ར་ཧཾ ཨ་སྶ ས་མྨཱ་ས་མྦུ་དྡྷོ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ, ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ པུ་རི་སོ ཨ་ར་ཧཾ ཨ་སྶ ས་མྨཱ་ས་མྦུ་དྡྷོ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༨༠. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཨི་ཏྠཱི རཱ་ཛཱ ཨ་སྶ ཙ་ཀྐ་ཝ་ཏྟཱི. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ པུ་རི་སོ རཱ་ཛཱ ཨ་སྶ ཙ་ཀྐ་ཝ་ཏྟཱི. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༨༡-༢༨༣. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཨི་ཏྠཱི ས་ཀྐ་ཏྟཾ ཀཱ་རེ་ཡྻ…པེ… མཱ་ར་ཏྟཾ ཀཱ་རེ་ཡྻ…པེ… བྲ་ཧྨ་ཏྟཾ ཀཱ་རེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ པུ་རི་སོ ས་ཀྐ་ཏྟཾ ཀཱ་རེ་ཡྻ…པེ… མཱ་ར་ཏྟཾ ཀཱ་རེ་ཡྻ…པེ… བྲ་ཧྨ་ཏྟཾ ཀཱ་རེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༨༤. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཀཱ་ཡ་དུ་ཙྩ་རི་ཏ་སྶ ཨི་ཊྛོ ཀ་ནྟོ མ་ནཱ་པོ ཝི་པཱ་ཀོ ནི་བྦ་ཏྟེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ ཀཱ་ཡ་དུ་ཙྩ་རི་ཏ་སྶ ཨ་ནི་ཊྛོ ཨ་ཀ་ནྟོ ཨ་མ་ནཱ་པོ ཝི་པཱ་ཀོ ནི་བྦ་ཏྟེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༨༥-༢༨༦. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཝ་ཙཱི་དུ་ཙྩ་རི་ཏ་སྶ…པེ… ཡཾ མ་ནོ་དུ་ཙྩ་རི་ཏ་སྶ ཨི་ཊྛོ ཀ་ནྟོ མ་ནཱ་པོ ཝི་པཱ་ཀོ ནི་བྦ་ཏྟེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ མ་ནོ་དུ་ཙྩ་རི་ཏ་སྶ ཨ་ནི་ཊྛོ ཨ་ཀ་ནྟོ ཨ་མ་ནཱ་པོ ཝི་པཱ་ཀོ ནི་བྦ་ཏྟེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

ཝ་གྒོ དུ་ཏི་ཡོ.

༣. ཏ་ཏི་ཡ་ཝ་གྒོ

༢༨༧. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཀཱ་ཡ་སུ་ཙ་རི་ཏ་སྶ ཨ་ནི་ཊྛོ ཨ་ཀ་ནྟོ ཨ་མ་ནཱ་པོ ཝི་པཱ་ཀོ ནི་བྦ་ཏྟེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ ཀཱ་ཡ་སུ་ཙ་རི་ཏ་སྶ ཨི་ཊྛོ ཀ་ནྟོ མ་ནཱ་པོ ཝི་པཱ་ཀོ ནི་བྦ་ཏྟེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༨༨-༢༨༩. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཝ་ཙཱི་སུ་ཙ་རི་ཏ་སྶ…པེ… མ་ནོ་སུ་ཙ་རི་ཏ་སྶ ཨ་ནི་ཊྛོ ཨ་ཀ་ནྟོ ཨ་མ་ནཱ་པོ ཝི་པཱ་ཀོ ནི་བྦ་ཏྟེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ མ་ནོ་སུ་ཙ་རི་ཏ་སྶ ཨི་ཊྛོ ཀ་ནྟོ མ་ནཱ་པོ ཝི་པཱ་ཀོ ནི་བྦ་ཏྟེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༩༠. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཀཱ་ཡ་དུ་ཙྩ་རི་ཏ་ས་མ་ངྒཱི ཏ་ནྣི་དཱ་ནཱ ཏ་པྤ་ཙྩ་ཡཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ ཀཱ་ཡ་དུ་ཙྩ་རི་ཏ་ས་མ་ངྒཱི ཏ་ནྣི་དཱ་ནཱ ཏ་པྤ་ཙྩ་ཡཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༩༡-༢༩༢. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཝ་ཙཱི་དུ་ཙྩ་རི་ཏ་ས་མ་ངྒཱི…པེ… ཡཾ མ་ནོ་དུ་ཙྩ་རི་ཏ་ས་མ་ངྒཱི ཏ་ནྣི་དཱ་ནཱ ཏ་པྤ་ཙྩ་ཡཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ མ་ནོ་དུ་ཙྩ་རི་ཏ་ས་མ་ངྒཱི ཏ་ནྣི་དཱ་ནཱ ཏ་པྤ་ཙྩ་ཡཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༩༣. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཀཱ་ཡ་སུ་ཙ་རི་ཏ་ས་མ་ངྒཱི ཏ་ནྣི་དཱ་ནཱ ཏ་པྤ་ཙྩ་ཡཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ ཀཱ་ཡ་སུ་ཙ་རི་ཏ་ས་མ་ངྒཱི ཏ་ནྣི་དཱ་ནཱ ཏ་པྤ་ཙྩ་ཡཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

༢༩༤-༢༩༥. ‘‘ཨ་ཊྛཱ་ན་མེ་ཏཾ, བྷི་ཀྑ་ཝེ, ཨ་ན་ཝ་ཀཱ་སོ ཡཾ ཝ་ཙཱི་སུ་ཙ་རི་ཏ་ས་མ་ངྒཱི…པེ… ཡཾ མ་ནོ་སུ་ཙ་རི་ཏ་ས་མ་ངྒཱི ཏ་ནྣི་དཱ་ནཱ ཏ་པྤ་ཙྩ་ཡཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫེ་ཡྻ. ནེ་ཏཾ ཋཱ་ནཾ ཝི་ཛྫ་ཏི. ཋཱ་ན་ཉྩ ཁོ ཨེ་ཏཾ, བྷི་ཀྑ་ཝེ, ཝི་ཛྫ་ཏི ཡཾ མ་ནོ་སུ་ཙ་རི་ཏ་ས་མ་ངྒཱི ཏ་ནྣི་དཱ་ནཱ ཏ་པྤ་ཙྩ་ཡཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫེ་ཡྻ. ཋཱ་ན་མེ་ཏཾ ཝི་ཛྫ་ཏཱི’’ཏི.

ཝ་གྒོ ཏ་ཏི་ཡོ.

ཨ་ཊྛཱ་ན་པཱ་ལི༹ པ་ནྣ་ར་ས་མོ.